سلفتي اللي فضلت سنين تعايرني بالعقم وتطلب من جوزي يتجوز عليّا، ما كانتش تعرف إن السر اللي مخبياه هيكون سبب فضيحتها قدام العيلة كلها، وإن سكوتي الطويل كان آخر فرصة ليها قبل ما أخد حقي من كل اللي ظلمني!
أحمد كان واقف قدامي، عينه بتتنقل بيني وبين سحر، ومش قادر يستوعب أنا بتكلم عن إيه.
قال بعصبية منى، أنا بسألك سؤال واضح، إنتِ تعرفي إيه عن سحر؟
سحر حاولت تضحك، لكن صوتها كان مهزوز، وقالت دي مش لاقية حاجة تدافع بيها عن نفسها، فقررت ترمي عليّا كلام وخلاص.
بصتلها وقلت طب ما تيجي نحكي من الأول، ونشوف مين فينا اللي بيكدب.
سحبت الكرسي وقعدت، وطلبت من حماتي تسمعني للآخر من غير ما حد يقاطعني.
قلت لهم إن من حوالي أربع شهور، كنت في مركز متخصص لمتابعة حالتي، وكنت مستنية دوري، وفجأة شوفت سحر خارجة من مكتب الدكتور. أول ما عيني جت في عينها، اتلخبطت وحاولت تداري وشها، وبعدها قربت مني وقالت إنها جاية تطمن على واحدة صاحبتها.
استغربت، خصوصًا إنها كانت قبلها بأسبوع بتسألني عن اسم الدكتور وميعاد الكشف، وبتلح عليّا أعرف نتيجة آخر تحاليل عملتها.
وقتها ما حبيتش أعمل مشكلة، لكن بدأت ألاحظ إنها مهتمة بشكل غريب بتفاصيل علاجي، وكل ما أرفض أقولها حاجة، تتضايق وتلمح إن أكيد عندي مصېبة مخبياها.
وبعدها بفترة، وأنا عند حماتي، سمعتها بتتكلم في التليفون مع واحدة من صاحباتها، وكانت بتقول أنا مش هسمح لحد يعرف حاجة، ولو محمود عرف، حياتي هتخلص.
ما كنتش متأكدة هي بتتكلم عن إيه، لكن بعدها بأيام حصل موقف خلاني أعرف الحقيقة.
سحر بعتتلي رسالة صوتية بالغلط، ولما فتحتها سمعت صوتها وهي بتقول لصاحبتها أنا مش قادرة أستحمل، محمود لسه فاكر إن المشكلة عنده هو، وأنا مش هقوله إن الدكاترة أكدولي إن عندي مشكلة في الإنجاب. طول ما منى موجودة، هفضل أقول إن العيب فيها، ومحدش هيفكر يسألني أنا.
سمعت التسجيل أكتر من مرة، وحسيت إن الأرض بتتهز من تحتي.
مش عشان عندها مشكلة في الإنجاب، لأن دي حاجة مش بإيدها، وأنا أكتر واحدة عارفة ۏجع الموضوع ده، لكن عشان كانت بتستخدمني ستار تخبي وراه الحقيقة، وبتحاول تحسسني بالنقص عشان محدش يلتفت لحكايتها هي.
احتفظت بالتسجيل، وما واجهتهاش وقتها. كنت عايزة أعرف هتفضل لحد فين في إهانتي، وكنت محتاجة أواجهها قدام الناس اللي كانت بتستمتع بإذلالي قدامهم.
قاطعتني سحر وهي بتزعق إنتِ بتراقبيني؟ إنتِ مالك بيا أصلًا؟
قلت لها أنا ماليش بيكي، لحد ما بقيتي تدخلي في علاقتي بجوزي وتستخدمي أكتر حاجة بتوجعني عشان تكسري نفسي.
في اللحظة دي، جرس الباب رن.
كان محمود، جوز سحر، داخل ومعاه أخوه الكبير. أنا كنت اتصلت بيه قبل الغدا وطلبت منه يحضر لأن فيه موضوع عائلي مهم لازم يسمعه بنفسه.
أول ما شاف سحر، سألها إيه اللي حصل؟ وليه منى بتقول إن فيه حاجة تخصك؟
سحر قامت بسرعة وقالت مفيش حاجة، دي عايزة توقع بيني وبينك عشان اتكلمت معاها في موضوع جوازها.
لكن محمود بص لها وقال طب اقعدي واسمعي.
طلعت موبايلي وقلت أنا مش هتكلم في حاجة تخص صحتها، ولا هعرض تقاريرها الطبية، لأن دي خصوصيتها. لكن فيه كلام هي قالته بنفسها، ولازم جوزها يسمعه.
وشغلت التسجيل.
كان صوت سحر واضح، وكل كلمة كانت بتقع على محمود زي الصدمة.
فضل باصص للموبايل، وبعدها رفع عينه ليها وقال إنتِ بتقولي إيه؟
سحر بدأت تتلجلج ده تسجيل قديم، وأنا كنت متعصبة، والكلام مش بالمعنى اللي إنت فاهمه.
محمود رد عليها
