أول ما شافت الباب والمكان، عينيها وسعت برعب خرافي، وبقت تصرخ بصوت يقطع القلب لا يا أحمد! عشان خاطري! كل حاجة إلا هنا! لاااا! فيه تراب وفيران وقرف! أبوس إيدك يا أحمد بلاش المكان ده! والله هبقى كويسة.. والله مش هستحمى تاني بس بلاش هنا!.
ما سمعتش ليها.. وقفلت قلبي بحجر، زقيتها جوة الأوضة والمخزن الضلمة وقفلت الباب بالمفتاح وسحبت الكالون!
اللي حصل بعد الباب ما اتقفل.. كان كابوس بشع ما يروحش من بالي طول العمر.
نورهان بدأت تصرخ بصوت هيستيري يزلزل المكان.
بقت تخبط على الباب بكل قوتها وتستنجد بيا أحمددد! طلعني يا احمد ابوس ايدك لاااااا..لاااا طلعني هتعب هتعب مش قادره اتنفس عشان خاطر ابننا اللي في بطني طلعنيييي!.
كان صوت صياحها جايب آخر الشارع، صوت كأن حد بياكل في جسمها حي.
قلبي بدأ يتقطع، وحسيت إني ارتكبت خطأ كبير، وقربت من الباب وجيت أطلع المفتاح عشان أفتح لها ودموعي نازلة، لكن أمي كانت واقفة على السلم ونزلت مسكت إيدي بقوة وقالتلي بغضب إياك! لو فتحتلها دلوقتي يبقى كل اللي عملناه راح على فاشوش! سيبها تصرخ لحد ما تجيب أخرها وتتربى.. هي ساعتين مش أكتر!.
فضل صوت نورهان شغال، يعلى ويعلى.. لحد ما بدأ يضعف بالتدريج.
بقت شهقاتها مخنوقة وبتستغيث بصوت ضيف جداً يا أحمد… الحقني… أنا بتعب… ابننا يا أحمد….
وبعدين.. السكوت عم المكان تماماً!
عدت يجي أربع ساعات.. والهدوء جوة الأوضة بقى مرعب زي القبور.
ما قدرتش أستحمل أكتر من كده، زقيت أمي بغضب وفتحت الباب بالسرعة كلها وتلفوني كشاف في إيدي.
أول ما فتحت الباب.. المنظر طعن قلبي في مقتل!
نورهان كانت مرمية على الأرض الترابية وسط الكراكيب، قاطعة النفس، جلد إيدها وشها متجرحين ومتقشرين من كتر ما كانت بتدعك في نفسها وتحك جسمها في الأرض وهي بتتعب من الرعب.. وجسمها كان بينزف أثر كتير غرق هدومها والأرض تحتها!
صرخت بأعلى صوتي نورهان!!!!، شلتها بين إيديا كأنها ريشة، كانت ساقطة ومفيش أي استجابة منها.
جريت بيها على السلم وأمي واقفة تتفرج وهي مصدومة ومذهولة ومش عارفة تنطق كلمة.
أخدتها في العربية وطلعت أطير بيها على أقرب مستشفى.
دخلت بصرخ في الطوارئ الحقونااا! مراتي بتتعب!.
الدكاترة والممرضين جرايو وأخدوها مني على أوضة العمليات فوراً، وأنا فضلت واقف برة بتكوى بنار الندم.. أضرب نفسي مية جزمة، وببكي وبدعي ربنا إنها تقوم بالسلامة هي واللي في بطنها.
بعد ساعتين عصيبين، طلع الدكتور من الأوضة، كان وشه أصفر وملامحه غاضبة جداً.
جريت عليه طمني يا دكتور! نورهان عاملة إيه؟! والولد؟!.
الدكتور قال بصوت صارم المدام للأسف فقدت الحمل.. الطفل نزل، الواضح انها اتعرضت لضغط نفسي شديد تسبب في انقباضات شديدة جداً في الرحم أدت لتعب شديد وفقدان الحمل كامل.
ده غير إنها دخلت في صدمة عصبيّة حادة، ولما فاقت لدقائق وعرفت إنها خسرت الطفل جتلها حالة انهيار كامل وبقت تصرخ ومش راضية تخلي أي حد يقرب منها!.
الكلام نزل عليا زي الصاعقة.. ركبي خارت وما قادرتش أشيل نفسي، قعدت على الأرض وبكيت بحرقة وأنا بصرخ ابني!! ضيعت ابني بإيدي! انا بتعب!.
قعد الدكتور قدامي على الكرسي وبصلي بشك واستغراب وقال أنا عايز أفهم.. إيه اللي يوصل ست حامل للحالة دي؟ إيه اللي حصل معاها بالضبط؟ الست دي متجرحة كده ليه!.
دفنت وشي بين إيديا وبقيت أحكيله بحشرجة ودموع كل حاجة.. من أول نظافتها الهيستيرية وشكوتي لأمي، لحد الفكرة الشيطانية وحبسها في المخزن.
الدكتور أول ما سمع كلامي، قام وقف وصاح فيا بتهدئة شديدة أنت إنسان متخلف وجاهل! أنت وأمك ارتكبتوا خطأ كبير في حقها!
مرتك مش بتتدلع ولا بتستعبط.. مراتك مريضة بمرض نفسي شديد اسمه الوسواس القهري OCD!
ده مرض مالهاش أي ذنب فيه، فكرة مجنونة بتهجم على دماغها بتجبرها تتصرف كده غصب عنها عشان تهدي التوتر اللي جواها!
