أما أمه، فالعلاقة بيننا ما رجعتش زي الأول بسرعة، لكن مع الوقت بدأت تعترف بغلطها، وبطلت تتدخل في كل صغيرة وكبيرة بيني وبين أحمد.
وبعد شهور من الهدوء والتفاهم، وبعد ما اتأكدت إن أحمد اتغير فعلًا، قررنا نكمل خطوبتنا من جديد، لكن المرة دي بشروط واضحة واحترام متبادل بين العيلتين.
ويوم فرحنا، وأنا قاعدة جنب بابا قبل ما أخرج للقاعة، مسك إيدي وقال: ـ فاكرة لما كنتِ بتعيطي وبتقوليلي إنك خايفة أكون سبب في فسخ خطوبتك؟
ضحكت وسط دموعي وقلتله: ـ أيوه يا بابا، عمري ما هنسى اليوم ده.
قال: ـ شوفي يا بنتي، اللي يختارك لازم يختارك إنتِ وأهلك وظروفك، مش يختارك طول ما الدنيا ماشية على مزاجه، ولما يحصل اختبار بسيط يسيبك.
حضنته وقلتله: ـ ربنا يخليك ليا يا بابا، إنت سندي بعد ربنا.
ومن يومها فهمت إن قيمة الإنسان مش في اللي يملكه، ولا في شكله قدام الناس، لكن في أصله ومواقفه وقت الشدة. وإن اللي بيحكم على الناس من غير ما يعرف ظروفهم، ممكن يكتشف متأخر إنه ظلم أنضف ناس في حياته.
تمت الحكاية
إنتوا لو مكان سارة، كنتوا هتدوا أحمد فرصة تانية بعد ما اعترف بغلطه، ولا كنتوا هتنهوا العلاقة نهائيًا؟ وهل شايفين إن اعتذار أم أحمد كفاية بعد الإهانة اللي حصلت لأبوها؟
مستنية آراءكم في التعليقات، ومتنسوش تصلوا على النبي ﷺ
#حكاوي_شيمو
