نقل أسهم إيه وشهر عقاري إيه؟! الكلام ده مستحيل! طارق يكتب كل ده باسم نهى إزاي؟ دي فلوس عيلة عبد الحميد وورث ولاده! وقفت أسمع شوية، وبعدها دخلت أوضتي ولبست الروب، وخرجت تاني كأني ما سمعتش حاجة. أول ما شافتني اتلخبطت وقالت: نهى، إنتِ صحيتي يا بنتي؟
أصل أنا كنت… ده طارق زمانه جاي في الطريق. ابتسمت وسألتها: هو إنتِ عرفتي بموضوع الأسهم والشركة يا حماتي؟ اتسمرت مكانها وسألتني: إنتِ عرفتي منين؟! ضحكت وقلت: عرفت إيه بس؟ ده أنا اللي نقلتها يا حبيبتي، وبإيدي كمان. وشها سحب لونه، وبصتلي كأنها شافت عفريت.
وفي نفس اللحظة، سمعنا المفتاح بيلف في الباب، وظهر طارق. كان وشه أصفر، وعينيه غرقانة من قلة النوم، ولابس نفس بدلة الفرح، بس مكرمشة وربطة العنق مفكوكة. أول ما شافني، بدأ يفرك إيديه وقال بارتباك: نهى… حقك عليا يا حبيبتي.
ليلة إمبارح دي كانت… ما استنتش حتى يكمل، وقاطعته وأنا ببصله ببرود: أمك لسه قافلة مكالمة مهمة أوي. إيه رأيك تعرف مين كان بيكلمها وبيقولها إيه؟ عقد حواجبه وسأل: مكالمة إيه؟ ومين اللي اتصل؟ حماتي اتلخبطت وقالت بصوت بيرتعش: طارق، الباشمهندس مدحت، المدير التنفيذي للشركة، كان لسه مكلمني وبيقولي إن الأسهم اللي باسمك اتنقلت كلها!
طارق وشه اصفر وبص لأمه بصدمة: اتنقلت إيه؟! راحت فين؟ ومين نقلها؟! بصيتله وابتسمت: راحت ليا أنا يا عريس! فتح عينيه على آخرها: إنتِ بتقولي إيه؟ قصدك إيه؟! قلتله بثقة: قصدي إن التلاتين في المية اللي إنت كتبتهم باسمي قبل الفرح، خلصت إجراءات نقل ملكيتهم وسجلتهم رسمي في الشهر العقاري.
يعني من النهارده الأسهم دي ملكي، ومحدش له عندي فيها كلمة. وشه احمر من الغيظ وبدأ يزعق: إنتِ أخطأتِ؟! دي فلوس أبويا وتعب عيلتي، ودي حصتي أنا في الشركة! ضحكت بسخرية: كانت حصتك يا طارق، لكن إنت اللي مضيت بإيدك وبكامل إرادتك على عقد تنازل وتمليك رسمي، ومفيهوش رجوع.
فتحت شنطتي وطلعت نسخة العقد الموثقة، وحطيتها قدامه: اتفضل، دي النسخة الرسمية من الشهر العقاري، عليها الختم والتوثيق. كل الإجراءات خلصت وبقت سارية، فوفّر على نفسك الزعيق. مسك الورق وإيده بتترعش، وفضل يقلب فيه وهو مش مصدق اللي بيقراه.
وشه احمر، وبعدها اصفر، لحد ما رجله ما شالتوش وقعد على الأرض وهو ماسك العقد. حماتي شهقت وفضلت تلطم على صدرها وتصرخ: يا مصيبتك يا طارق! يا خراب بيتك! دي طلعت سريعة الحيلة والمال! ضحكت علينا وأكلت شقا عيلة عبد الحميد في ليلة دخلتها!
إنتِ مفيش في قلبك رحمة ولا دين ولا ضمير؟! ج الاخير حبيبة جوزي _ الكاتبة نرمين عادل همام أول ما شاف اللمة والوشوش المكشرة، عقد حواجبه وسأل: إيه يا جماعة؟! فيه إيه؟! إنتوا متجمعين هنا بتعملوا إيه؟ حماتي شخطت فيه وقالت: بنشوف مصيبتك وخيبتك التقيلة اللي إنت وقعتنا فيها بسبب تصرفاتك!
طارق ما ردش عليها، وقرب مني. كان واضح على وشه إنه عايز يتكلم معايا بعيد عن الناس. قال بصوت واطي: نهى، ممكن ندخل المكتب نتكلم شوية لوحدنا؟ بصيتله وقلت: ماشي. دخلنا المكتب وقفلت الباب ورانا.
