تاني يوم، دخلت المعمل وأنا مش قادرة أسيطر على رعشة إيديا، لكن أول ما الموظفة حطت الملف قدامي وفتحت أول ورقة، رفعت عينيها ليا وقالت
مدام نور… النتيجة اللي سلفتك خرجت بيها من هنا مش نتيجتك، الورقة دي متزورة ومتبدلة. بقلم مريم السيد
فضلت باصة لها ومبرقة، الكلام دخل ودني بس عقلي رافض يستوعبه.
قلت بصوت بيترعش يعني إيه متزورة؟ أنا اللي عامة التحاليل هنا بدمي واسمي!
الموظفة اتنهدت، وقربت مني وقالت بصوت واطي
يا مدام، سلفتك استغلت إنها تعرف موظف قديم كان شغال في الاستقبال هنا وساب الشغل أول إمبارح… طلبت منه يسحب تقرير حالة تانية عندها عقم تام واستئصال في الرحم، ويطبع بياناتك إنتِ على التقرير ده ويديهولك في الظرف المقفول!
حسيت إن السقف بيقع فوق دماغي.
رجلي ما شالتنيش وقعدت على الكرسي بالعافية.
قلت ودموعي بتنزل زي الشلال طب… طب وتحليلي أنا الأصلي؟ الدكتور قال إيه؟
الموظفة فتحت
دوسيه تاني، وطلعت الورقة الحقيقية المختومة
تحليلك سليم مية في المية… إنتِ ماعندكيش أي مانع طبي للحمل! تبويضك ممتاز، وهرموناتك مظبوطة جداً.
فرحة اتولدت في قلبي، بس اتخنقت في نفس اللحظة بړعب وذهول لا يوصف.
أربع سنين؟
أربع سنين بټعذب وأنا سليمة؟ أربع سنين بتهان وأسمع كلام يقطع الشرايين عشان ورقة مزورة؟!
وفجأة الموظفة كملت بنبرة خوفتني أكتر
بس المشكلة مش هنا وبس يا مدام… الدكتورة لما راجعت فحص الډم الإضافي، شكت في حاجة غريبة جداً وطلبت أعيدك عشانها.
مسكت في حافة المكتب حاجة إيه؟ انطقي بالله عليكي!
قالت في نسبة عالية من مادة دوائية معينة موجودة في دمك… المادة دي عبارة عن مركب بيوقف بطانة الرحم مؤقتاً وبيمنع ثبوت أي بويضة ملقحة، كأنك بتاخدي حبوب منع حمل قوية جداً من ورا ضهر أي دكتور! إنتِ بتاخدي أي علاج؟
قلت وأنا مذهولة أنا ما باخدش غير الفيتامينات اللي ريهام بتجيبهالي من الصيدلية
وتقولي دي أعشاب مستوردة هتنضف رحمك!
الموظفة بصتلي بشفقة وصدمة الفيتامينات دي لازم تتفحص في الطب الشرعي أو معمل سمۏم… لأن في حد بيسمم جسمك ببطء عشان ما تخلفيش أبدًا.
خرجت من المعمل وأنا عاملة زي البركان.
مش شايفة الشارع، العربيات بتزمر وأنا تايهة في دنيا تانية.
أخدت التقرير الأصلي، وأخدت تفريغ كاميرا المراقبة اللي مديرة المعمل وافقت تديهوني على فلاشة لما عرفت الچريمة، وشوفت بعيني ريهام وهي بتدفع فلوس للموظف وتاخد منه الورقة المزورة وتبتسم بخبث!
كنت ناوية أروح أفركش البيت على دماغها ودماغ حماتي.
بس فجأة… صوت جوايا قال لأ يا نور… الضړبة المتهورة هتخليكي تخسري حقك، الحية دي لازم تقع في شړ أعمالها قدام الكل.
مسحت دموعي، ورفعت راسي، وركبت تاكسي ورجعت على بيت العيلة.
أول ما فتحت باب الشقة، لقيت الهدوء غريب.
مشيت في الممر بالراحة وسمعت صوت جاي من أوضة حماتي.
صوت ضحك واطي وهمسات.
قربت
من الباب الموارب… ووقفت
متسمرة مكاني.
كانت حماتي قاعدة، وقدامها ريهام… وجنبهم واحدة تالتة معرفهاش، بنت صغيرة ولابسة ومتزوقة كأنها رايحة فرح!
سمعت حماتي بتقول بفرحة
والله يا ريهام يا بتي، إنتِ اللي نورتي بصيرتي… البت نسمة بنت خالتك دي قمر وأصل وفصل، وهتملى البيت عيال لكريم.
ريهام ضحكت ضحكة صفرا وقالت
مش قولتلك يا ماما؟ نور خلاص ورقة واتحرقت، الدكاترة قالوا ميئوس منها وعقيمة، وكريم أخويا ولازم يفرح… نسمة هتتجوزه وتعيش هنا معانا، والبيت ده مش هيخرج برا عيلتنا!
نسمة، البنت اللي قاعدة، قالت بمياصة
بس يا خالتي… نور لو عرفت هتعمل دوشة، وكريم بيحبها ولسه ماسك فيها.
ريهام ردت بمنتهى الجبروت والسم
سيبك من كريم، كريم راجل وغلبان وعايز ضهر وعيل يشيل اسمه، ونور هطفشها بإيدي… ده كفاية اللي عملته فيها إمبارح، يومين تلاتة وتطلب الطلاق بنفسها. وحتى لو قعدت، هتبقى خدامة تحت رجليكي ورجلينا!
حماتي طبطبت على ريهام وقالت
ربنا يخليكي ليا يا ريهام، إنتِ اللي قلبك على مصلحة البيت والورث… أحسن ما كانت نور تجيب عيل ويشارك عيالك في كل حاجة!
هنا… كل الخيوط اتربطت في دماغي في ثانية واحدة!
ريهام مش بس غيرانة… ريهام مړعوپة على ورث البيت والشقق وعايزة تجوز كريم بنت خالتها عشان تضمن إن كل مليم يفضل تحت إيدها!
دمي فار، ونيراني ولعت… بس مسكت نفسي بالعافية قبل ما أقتحم الأوضة.
رجعت خطوتين لورا، ودخلت أوضتي وقفلت الباب من سكات.
بعد نص ساعة، البنت مشيت.
ولقيت ريهام بتخبط على باب أوضتي وبتفتح
وهي شايلة صينية عليها كوباية عصير مانجا مثلجة.
دخلت بوشها البريء المزيف، وقعدت على جنبي وقالت بحنية تقرف
حبيبتي يا نور… رجعتي من عند مامتك؟ أنا عارفة إن كلام إمبارح كان تقيل عليكي، حقك عليا يا أختي… أنا زعلت عشانك أوي، عشان كده عملتلك عصير المانجا اللي بتحبيه وحطيتلك فيه معلقة من بودرة الأعشاب بتاعة التبويض… اشربيها كلها عشان خاطري تروق دمك.
بصيت لكوباية العصير…
وبصيت لعينين ريهام .
كنت شايفة الفي الكوباية دي.
ابتسمت لها ابتسامة باردة جداً، عمري ما ابتسمتها في حياتي، ومديت إيدي وأخدت الكوباية
تسلم إيدك يا ريهام… إنتِ قلبك طيب أوي، ومفيش حد في الدنيا دي بيعمل معايا اللي إنتِ بتعمليه.
ريهام عينيها لمعت بانتصار وقالت طب اشربي يلا يا قلبي… اشربي الكوباية كلها قدامي عشان أطمن.
قربت الكوباية من شفايفي… وفجأة رن جرس الباب برة!
صوت حماتي وهي بتزعق في الصالة
تعالي يا ريهام شوفي مين اللي بيخبط كده، كريم جه بدري ومعاه أخوه والرجالة!
ريهام اتوترت وقالت اشربي يا نور وأنا رايحة أفتح.
وخرجت تجري.
في اللحظة دي، طلعت من شنطتي إزازة مياه فاضية صغيرة، صبيت فيها نص كوباية العصير وقفلتها وشيلتها في جيبي، ودلقت الباقي في الحوض وسبت نقطة في قعر الكوباية عشان تبان مخلصة!
خرجت وراها الصالة…
لقيت كريم داخل، ووشه تعبان ومهموم، وجنبه أخوه
عصام جوز ريهام، وحماتي واقفة.
كريم أول ما شافني، بص في الأرض بكسرة وقال
نور… إحنا لازم نتكلم.
حماتي قاطعت بنبرة حادة
هتتكلم في إيه يا كريم؟ الموضوع خلصان، سلفتك شافت نتيجة التحاليل وعرفت كل حاجة، وإحنا لقينا لك العروسة اللي هتعوضك!
عصام اټصدم وقال عروسة إيه يا أمي؟ إنتوا اتجننتوا؟ نور لسه على ذمته!
ريهام اتدخلت بسرعة وبخبث بقلم مريم السيد
يا عصام يا حبيبي، مرات أخوك عقيمة ومبتخلفش خلاص والدكاترة أكدوا ده… وإحنا لازم نفكر في مصلحة كريم، ولا إنتِ معترضة يا نور وعايزة تحرميه من إنه يبقى أب طول عمره؟
الكل سكت، وعينيهم اتعلقت بيا، مستنيين دموعي المعتاد.
لكن أنا مشيت بثبات، وقفت في نص الصالة، وبصيت في عين ريهام وضحكت بصوت عالي سمّع العمارة كلها.
حماتي زعقت إنتِ اټجننتي يا بت؟ بتضحكي على إيه؟
طلعت الفلاشة من شنطتي وحطيتها على الطرابيزة في النص، وطلعت الظرف المختوم ورميته في وش كريم وقلت بصوت يهز الجدران
بضحك على مرات ابنك الشريفة العفيفة اللي كانت بتسقيني سم كل يوم! وبضحك على التحليل اللي بتقولوا عليه عقم… افتح يا كريم الورقة دي واقرأ بنفسك!
كريم فتح الورقة بإيد بتترعش، وريهام وشها قلب أصفر زي الأموات…
وفجأة، كريم رفع عينه وهو مصډوم ومبرق، وبص لريهام وقال
إيه ده؟!… إنتِ عملتي إيه يا ريهام؟!!
ريهام رجعت لورا بړعب، وقبل ما تنطق، تليفون عصام جوزها رن… بص للشاشة وشاف اسم رائد شرطة صاحبه، فتح السبيكر بالغلط وهو مرتبك، فطلع صوت الظابط بيقول بلهجة حازمة
ألو يا عصام… في بلاغ رسمي وشكوى لسه متقدمة ضد مراتك من نص ساعة في
قضية تزوير وشروع في ، والبوكس في طريقه لبيتكم حالاً!
