هاخدك حالًا، وهقول إني مسافر أقضي شهر العسل مع مرتي، وبعدها ننزل مصر، ونكتب كتابنا رسمي عند مأذون بجد المرة دي وأشتري لك شوارك، ونرجع وإحنا متجوزين بجد.” غزل فضلت ساكتة ثواني، وبعدها انفجرت فيه: “إنت شايف إن الجواز لعبة يا عز؟
! يعني عشان خلصت من جوازة ياسمين، تقرر تتجوزني أنا؟! هو أنا بالنسبالك إيه بالظبط؟! واحدة لقيتها قدامك فقررت تاخدها؟! ولا عشان شايف إني مش هقدر أرفض لك طلب؟!” عز اتجمد مكانه، وابتسامته اختفت تمامًا. أول مرة يسمع منها الكلام ده بالطريقة دي، وأول مرة يحس إن قراراته اللي كان شايفها حلولً سريعة وصح وانه اخيرا قلوبهم اللي حبت بعض هتتجمع ممكن تكون بالنسبة لها مكنتش حلم زي ما كان فاهم .
قال بصوت هادي: “إنتِي فاهمة الموضوع غلط.” غزل ردت ودموعها بدأت تلمع في عينيها: “أمال أفهمه إزاي؟! إنت حتى ما سألتنيش إذا كنت عايزة أتجوزك ولا لأ! قررت لوحدك، واتكلمت لوحدك، ووزعت أدوارنا قدام الناس، وكأن رأيي مالوش لازمة! طب وأنا؟! أنا ليا رأي في حياتي ولا لأ؟
!” عز فتح بوقه عشان يرد، لكنه سكت لما شاف دمعة نزلت على خدها. كان متعود يواجه غضب الرجال وتهديداتهم من غير ما يتهز، لكن دموع غزل كانت بتربكه بطريقة ما عرفش يتعامل معاها. مد إيده ناحيتها، ومسح دموعها وقالها طول ما اتا عايش مش هسمح ان دموعك تنزل تاني ولو عايزة تسمعي اني بحبك وهامـ,ـوت وتبقي مراتي ف انا بقولهالك انا بحبك وبدووووب في التراب اللي بتمشي عليه ها راضية كدا ولا اعد علي ركبتي زي الافلام واطلب ايدك للجواز ابتسمت غزل ووشها احمر من الكسوف عز شاف حمار وشها اتجنن وقال لا انا شكلي مش هستني لما ننزل مصر انا هعملها بجد وهدخل عليكي ونبقي ننزل نتجوز براحتنا بقي غزل زقتة في صدرة وقالت عز اعقل وبذل جنان اوعي تقرب مني والله هصوت ما انا قولتلك قبل كدا لو سمعوكي بتصوتي هيقولوا ايه وغمزلها بعينة ولسة هيقرب منها الباب خبط وبعدها اتفتح الباب واتصدم من اللي دخلت عليهم نزل عز المجلس، ولما دخل لقى أبوه قاعد في صدر المكان، وحمدان واقف عند الشباك، والمأمور فاروق باعت واحد من رجاله بجواب مختوم، بينما سالم كان واقف جنب الباب مستني يشوف الدنيا هترسى على إيه.
العمدة رفع عينه لابنه وقال بلهجة صعيدية حادة: “تعالى يا عز، اقعد، فيه كلام لازم يتحسم قبل ما المصايب تزيد.” عز قعد قدامه، وقال: “اتفضل يا بوي، سامعك.” العمدة بص لحمدان، وبعدها رجع بص لابنه: “حمدان بيه عايز ياخد غزل معاه، والمأمور عايز يعرف مصير بنته، وإنت فوق بتقول إنك هتتجوز غزل بجد، وأنا عايز أفهم إنت ناوي على إيه بالضبط؟
!” عز رد من غير تردد: “ناوي أتجوز غزل رسمي، وأديها حقها قدام الناس كلها، وأخليها تعيش في بيتي وهي رافعة راسها، مش مستخبية ولا خايفة من كلام حد.” حمدان اتحرك من عند الشباك، وقال: “وأنا معنديش اعتراض على جوازك منها يا عز، لو ده اختيارها هي، لكن عندي اعتراض على إن الموضوع يتعمل تحت ضغط أو عشان تهربوا من مشكلة.
” عز بصله باحترام: “وأنا معاك في ده يا عم حمدان، وعشان كده مش هنعمل حاجة غير لما غزل تقول رأيها بنفسها.” العمدة رفع حاجبه باستغراب، وكأنه مش مصدق إن ابنه اللي من ساعة واحدة كان بيصدر أوامره للكل، بدأ يتكلم بالشكل ده.
“أمال إيه اللي خلاك تعلن الجواز قدام الناس بالطريقة دي؟” عز نزل عينه لحظة، وبعدين رفعها لأبوه: “الخوف يا بوي.” العمدة اتفاجئ من الإجابة. “خوف؟! عز العمدة بيخاف؟!” عز ابتسم ابتسامة حزينة وقال: “أيوه، بخاف، بس مش من الناس ولا من كلامهم.
بخاف أصحى في يوم ألاقي غزل راحت من إيدي، وأكتشف إني ضيعت عمري وأنا بحارب الدنيا عشانها، وفي الآخر أخسرها بسبب عنادي.” سكت المجلس كله، حتى العمدة اللي كان دايمًا عنده رد على كل كلمة، ما لاقاش حاجة يقولها.
عز كمل: “أنا عارف إني غلطت لما قررت عنها، وعارف إن اللي عملته خلّى الناس كلها تدخل في حياتها، بس أنا هصلح غلطتي، وهسيب لها القرار، ولو قالت لي إنها مش عايزاني، هبعد عنها، حتى لو ده آخر يوم ليا في الدنيا.
” حمدان بص له طويلًا، وبعدها قال: “أنا مش هحكم عليك من كلامك يا ولدي، الأيام هي اللي هتثبت إذا كنت تستاهل بنت أخويا ولا لأ.” عز هز راسه. “وده حقك يا عم حمدان.” في اللحظة دي، الباب اتفتح، ودخلت غزل بخطوات هادية، لابسة طرحتها البسيطة، ووشها لسه فيه آثار دموع، لكن عينيها المرة دي كانت ثابتة.
كل الموجودين بصوا لها. حمدان قرب منها وقال: “يا بتي، أنا عايزك تعرفي إنك لو جيتي معايا، هتعيشي في بيتك، ولو قررتي تفضلي هنا، مش هسيب حقك يضيع، لكن أنا مش هفرض عليك حاجة، كفاية اللي اتفرض عليك طول عمرك.
” غزل مسكت إيد عمها، وقالت: “أنا عايزة أروح معاك يا عمي.” الكلمة نزلت على عز كأن حد سحب الأرض من تحت رجليه، لكنه فضل ثابت، وما قاطعهاش. غزل كملت وهي بتبص له: “عايزة أشوف البيت اللي كان أبويا عايش فيه، وأعرف حكايته، وأشوف صورته، وأتعرف على أهلي، وأعيش شوية بعيد عن الدوار، عشان أعرف أفكر من غير ما أحس إن كل الناس مستنية مني قرار.
” عز بلع ريقه بصعوبة، لكنه هز راسه وقال: “حقك يا غزل.” كانت مستنية منه يعترض، أو يحاول يمنعها، لكن لما لقت عينيه حزينة وهو بيحترم قرارها، حسّت إن حاجة جواها اتغيرت. قالت بصوت واطي: “بس أنا مش ماشية عشان مش عايزاك يا عز.
