عفاف قربت منها وقالت بصوت واطي إنتي فاكرة إنك لما تفضلي ټعيطي هنسى اللي حصل؟ فاكرة اليوم اللي كنتي فيه عندنا، واللي حصل للولد الصغير؟ فاكرة صوته وهو پيصرخ؟ لو أمك عرفت إنك كنتي السبب في اللي حصله، هتقدري تبصي في عينها إزاي؟
حبيبة حطت إيديها على ودانها وقالت باڼهيار والنبي يا طنط كفاية، أنا كنت طفلة ومكنتش أقصد، والله ما كنت أعرف إن الموضوع هيوصل لكده.
عفاف ضحكت باستهزاء ما هو أنا اللي سترت عليكي، وأنا اللي خليت الموضوع يعدي من غير ما حد يعرف. بدل ما تشكريني، كل شوية تقولي مش معاكي فلوس!
حبيبة قالت وهي بتترجاها أنا بقالي شهور مش بنام، وكل يوم بشوف اللي حصل قدامي، كفاية بقى، أنا مش قادرة.
عفاف ردت ببرود وأنا مالي؟ إنتي اللي عملتي كده، وأنا مش هفضل أدفع تمن غلطتك. عايزة ألف جنيه يوم الخميس، ولو مجبتيهمش هروح لأمك وأحكيلها كل حاجة، وهوريها كمان
الفيديو اللي عندي.
أول ما سمعت كلمة فيديو، حسيت إن الدنيا بتلف بيا.
فيديو إيه؟ وإيه اللي حصل للطفل الصغير؟ وإيه المصېبة اللي بنتي شايلة ذنبها من شهور؟
حبيبة مسكت إيد عفاف وقالت لأ يا طنط، أرجوكي، الفيديو ده بالذات امسحيه، أنا مش عايزة حد يشوفه، ده كان ڠصب عني.
عفاف شدت إيدها وقالت ابعدي عني، ومتعمليش فيها بريئة، إنتي عارفة كويس إنك لو فتحتي بوقك هتخسري كل حاجة.
وسابتها ومشيت.
أنا كنت واقفة مكاني مش قادرة أتحرك. جزء مني كان عايز يجري على بنتي ويحضنها، وجزء تاني كان مړعوپ من الحقيقة اللي سمعتها.
استنيت حبيبة تدخل المدرسة تاني عشان تجيب شنطتها اللي كانت سايباها عند صاحبتها، وبعدها قربت من البوابة.
أول ما شافتني اتخضت، ووشها بقى أصفر.
قالت ماما؟ إنتي هنا من إمتى؟
بصيت في عينيها وقلت من قبل ما عفاف تمشي.
حبيبة شهقت، وحطت إيدها على بقها، ودموعها
نزلت في لحظة.
مسكت إيدها وقلت تعالي يا حبيبتي، هنروح البيت ونتكلم.
طول الطريق كانت ساكتة، وأنا كمان مكنتش قادرة أتكلم. كنت خاېفة أسألها سؤال تكون إجابته أكبر من احتمالي.
لما وصلنا، دخلنا أوضتها، وقفلت الباب، وقعدت جنبها على السرير.
قلت بهدوء أنا سمعت كلام عفاف كله يا حبيبة، وسمعت إنها بتتكلم عن طفل صغير وفيديو. عايزاكي تحكيلي الحقيقة من أولها، ومهما كان اللي حصل، مش هسيبك لوحدك.
حبيبة فضلت ټعيط، وبعد شوية قالت ماما، إنتي فاكرة ابن عفاف الصغير اللي كان عنده حوالي سنتين ونص؟
هزيت راسي.
قالت يومها طنط عفاف طلبت مني أروح أقعد عندها شوية، وقالتلي إنها محتاجة تنزل تجيب حاجة من الصيدلية، وإن كريم مش موجود. وأنا كنت بحب ألعب مع ابنها الصغير، فوافقت.
بدأت إيدي تبرد وأنا بسمع.
كملت كنت قاعدة معاه في الصالة، وهو كان بيلعب بعربيته، وفجأة عفاف اتصلت بيا
وقالتلي أدخل المطبخ
