ومشيت، وأنا فضلت مكانى مش قادر أتحرك، مدرك إن المرة دى حور مش بتهددنى بالرحيل، دى فعلاً اختارت تمشى.
بعدها بأسبوعين تم الطلاق، وحور خرجت من حياتى رسمياً، وكل واحد فينا بدأ طريقه بعيد عن التانى.
حاولت فى البداية أشغل نفسى بالشغل والخروج مع أصحابى، لكن كل ما أرجع البيت وأفتكر تفاصيل حياتنا أحس إنى خسرت حاجة مكنتش مقدرها.
أما صاحبتها، فاختفت تماماً من حياتى، ولما حاولت أتواصل معاها مرة أخيرة عملتلى حظر، وعرفت إنها قررت تبعد عن أى علاقة ممكن تسبب لها مشاكل مع صاحبتها.
وبعد كام شهر عرفت إن حور بدأت حياة جديدة، ورجعت تخرج وتضحك وتهتم بنفسها، والأهم إنها بقت مبسوطة من غيرى.
وقتها بس فهمت إن إعجابى ببنت شوفتها بترقص فى فيديو كان لحظة طيش، لكن غرورى هو اللى خلانى أحول اللحظة دى لخيانة حقيقية، وأطارد واحدة مش عايزانى، وأخسر ست كانت بتحبنى بصدق.
أنا مؤمن، خسرت مراتى مش لأنى لقت حد أحسن منى، لكن لأنها اكتشفت إنى مش الراجل اللى كانت فاكرة إنها اختارته.
