إنتِ رفعتي عليا قضية طلاق يا سعاد؟!ابتسمت وقلت:
\- أيوه يا حسن. صرخ في وشي:
\- وإنتِ إزاي تعملي كده من غير ما تقوليلي؟!رديت بهدوء:
\- وإنت لما قررت تتجوز عليا وتحط مراتك الجديدة في بيتي، استأذنتني؟
يسرا خرجت من الأوضة على صوتنا، وأول ما عرفت بالموضوع قالت بسخرية:
\- يا سلام! يعني بعد كل اللي حسن عمله معاكي، عايزة تخربي بيته؟بصيتلها وقلت:
\- بيته؟ هو البيت بقى بيتكم إنتوا الاتنين؟ معلش يا يسرا، واضح إنك نسيتي إن فيه واحدة تانية لسه عايشة فيه، وليها حقوق مش هتتنازل عنها.
حسن قرب مني وقال بتهديد:
\- اسمعي يا سعاد، إنتِ كده بتلعبي بالنار، وأنا مش هطلقك، وهتفضلي مراتي غصب عنك. بصيتله بثبات وقلت:
\- دي مشكلتك يا حسن، إنك فاكر إنك الوحيد اللي عنده اختيارات، بس أنا كمان عندي اختيارات، ومن النهارده كل واحد هيتحاسب على اللي عمله.
وبعدها دخلت أوضتي وقفلت الباب. كنت عارفة إن اللي جاي مش سهل، لكن كنت مستعدة أكمله للآخر. أنا مش بس كنت عايزة أطلق، أنا كنت عايزة أخرج من الجوازة دي وأنا واخدة حقي، وأرجع أعيش في بيتي من غير ما حد يفرض عليا وجوده أو يهددني.
والأهم إن يسرا اللي كانت فاكرة إنها دخلت البيت وبقت صاحبته، هتعرف قريب إن فيه فرق كبير بين واحدة عايشة في بيت جوزها، وواحدة متخيلة إنها ورثت مكان مراته وهي لسه على ذمته. من يوم ما حسن استلم إعلان المحكمة والبيت اتقلب، بقى مش بيكلمني غير بالعصبية، وكل شوية يدخل عليا الأوضة ويهددني إني لو كملت في القضية هيندمّني، لكن أنا كنت بتعامل معاه بهدوء غريب بالنسبة له.
وفي يوم رجع من الشغل، ودخل الأوضة ورمى ورق على السرير وقال:
\- اتفضلي، شوفي أنا عملت إيه!مسكت الورق وبصيت فيه، لقيته إنذار ليا إني أرجع عن دعوى الطلاق، فبصيتله وقلت:
* وإيه المطلوب؟* المطلوب إنك تروحي للمحكمة وتتنازلي عن القضية، وأنا أوعدك إن كل حاجة هترجع زي الأول.
ضحكت بسخرية وقلت:
* زي الأول إزاي يا حسن؟ هترجع يسرا أرملة أخوك؟ ولا هترجع مراتك اللي إنت اتجوزتها وحطيتها في بيتي؟* إنتِ عايزة إيه بالظبط؟ أنا مش مقصر معاكي في حاجة!* أنا عايزة حقي، وعايزة أعيش بكرامتي، وعايزة أنهي جوازة إنت بنفسك خليتني أكرهها. اتعصب وقال:
\- طب خليكي فاكرة إنك اللي اخترتي الطريق ده، ومتجيش بعد كده تندمي. خرج وسابني، وبعدها بدقايق سمعت يسرا بتتكلم معاه في الصالة:
* هي هتفضل تعملنا مشاكل لحد إمتى؟ أنا مش عايزة أعيش كل يوم في توتر بسببها.* متشغليش بالك، أنا هتصرف معاها.
طب ما تطردها من البيت وخلاص، إحنا مش ناقصين وجع دماغ.* أطردها إزاي وهي مراتي؟* ما هي رافعة قضية طلاق، يعني واضح إنها مش عايزة تعيش معاك. ابتسمت وأنا بسمع كلامهم، وقلت لنفسي إنهم مستعجلين أوي على خروجي، لكن اللي مش فاهمينه إن خروجي مش هيكون بالشكل اللي هما متخيلينه.
عدت الأيام، والمحامي بدأ يتابع القضية، وطلب مني أجهز كل المستندات اللي تثبت الضرر، وكنت ملتزمة بكل خطوة بيقولي عليها. أما حسن فبدأ يضغط عليا في المصاريف، وبطل يديني فلوس البيت، ولما طلبت منه مصروف شخصي قال:
\- إنتِ مش رافعة قضية طلاق؟ يبقى كل واحدة تشيل مسؤولية نفسها. بصيتله وقلت:
\- ماشي يا حسن، كل حاجة هتكون في المحكمة. وفي نفس الأسبوع، يسرا بدأت تتصرف كأنها انتصرت بالفعل. جابت صاحبتها البيت، وفضلت توريها الأوضة اللي كنت بنام فيها، وقالت:
\- أنا بفكر أخلي الأوضة دي للولاد، وأعمل لنفسي أوضة أكبر، أصل المكان محتاج ترتيب من جديد.
صاحبتها سألتها:
* طب وسعاد؟ ضحكت يسرا وقالت:
* سعاد خلاص مسألة وقت وتمشي، هي بس عاملة فيها قوية قدام حسن. كنت واقفة عند باب المطبخ وسمعت الكلام كله، لكن دخلت عليهم وقلت:
\- ربنا يحققلك اللي بتتمنيه يا يسرا. اتوترت للحظة، وبعدها قالت:
\- آمين يا حبيبتي، ادعيلي.
ابتسمت ومشيت. وبعد فترة، جه ميعاد الجلسة، وروحت المحكمة مع المحامي، وكنت متوترة، لكن أول ما شفت حسن واقف قدام قاعة المحكمة، حسيت إني أخيرًا بدأت أواجهه بدل ما أفضل أهرب من تهديداته. حاول يحاصرني بالكلام قبل ما ندخل:
* لسه عندك فرصة ترجعي عن اللي بتعمليه.
قلتله:
* فرصتك إنت كانت لما كنت بتفكر في مشاعري قبل ما تدخل واحدة تانية حياتنا، لكن إنت اخترت. دخلنا الجلسة، وبعدها المحامي شرح للمحكمة أسباب الضرر والوقائع اللي عندنا، وطلب استكمال الإجراءات. خرجنا، وحسن كان متعصب جدًا، وقال:
\- إنتِ فاكرة إنك كسبتي؟ ده لسه أول الطريق. رديت:
\- وأنا مش مستعجلة، المهم إني بدأت أمشي في الطريق الصح. رجعت البيت قبله، ولما دخل لقى شنطتي واقفة جنب الدولاب، فسألني:
* إنتِ بتعملي إيه؟ قلتله:
* بجهز حاجتي.* يعني هتمشي؟* لأ، مش همشي من بيتي قبل ما آخد حقي، بس بجهز حاجتي عشان أول ما الحكم يخلص أعرف أبدأ حياتي من غير ما أرجع خطوة لورا.
سرا كانت قاعدة على الكنبة، وسمعت كلامي فضحكت:
\- يا سعاد، إنتِ لسه مصممة تعتبري البيت بيتك؟لفيت ناحيتها وقلت:
\- البيت ده أنا عشت فيه سنين، وتعبت فيه، وشاركت في كل ركن فيه، ومش هسمح لحد ينسيني ده.
حسن زعق:
\- خلاص بقى! أنا مش عايز أسمع صوت واحدة فيكم!بصيتله وقلت:
\- متقلقش، قريب جدًا مش هتسمع صوتي هنا تاني. ومرت الشهور، وكل واحد فيهم كان فاكر إن التاني هيزهق، لكن أنا كنت مكملة في القضية، لحد ما المحامي كلمني في يوم وقال إن فيه تطور مهم في الإجراءات، وطلب مني أحضر مكتبه.
ولما رحت، قاللي إن موقف القضية بقى أقوى، وإننا هنكمل لحد ما نوصل لحكم ينهي العلاقة ويحفظ حقوقي القانونية. خرجت من مكتبه وأنا لأول مرة من شهور حاسة إني مش لوحدي. لكن المفاجأة الحقيقية كانت مستنياني في البيت…
لما دخلت لقيت حسن ويسرا قاعدين في الصالة، وقدامهم شنط سفر، وأول ما شافني حسن قال بعصبية:
\- إحنا قررنا نسيب البيت ده ونروح نقعد في شقة تانية، وعايزك تعرفي إنك مش هتشوفي وشي تاني. بصيتله وقلت:
\- براحتك يا حسن، محدش ماسكك. يسرا قامت وهي شايلة ابنها وقالت بتكبر:
\- أخيرًا هنعيش بعيد عن المشاكل، البيت هنا بقى مفيهوش راحة. ابتسمت وقلت:
\- ربنا يريحكم. خرجوا، وأنا وقفت عند الباب بتفرج عليهم وهما بيشيلوا شنطهم. كنت عارفة إن خروجهم من البيت مش نهاية الحكاية، لأن لسه فيه قضية وحقوق لازم تتحسم، لكن على الأقل البيت رجع هادي، ومبقتش مضطرة أعيش كل يوم وسط استفزازهم.
قفلت الباب وراهم، ودخلت الصالة، وبصيت للمكان اللي كانت يسرا قاعدة فيه طول الوقت. وقلت لنفسي:
\- أهو يا يسرا، كنتِ عايزة تبقي صاحبة البيت، وفي الآخر مشيتي منه بإرادتك. لكن لسه حسن عليه حساب، ولسه أنا ليا حقوق مش هتنازل عنها.
