حماتي وقفت وسط العيلة وقالت بكل فخر الشقة دي ابني هو اللي شاريها… لكنها ماكنتش تعرف إن الكذبة دي هتكون أول خطوة في نهاية ابنها وجوازنا كله!
أنا عمري ما كنت من البنات اللي بتحب تعتمد على حد.
من وأنا لسه في أول طريق شغلي، كان عندي حلم واحد بس…
يبقى عندي بيت باسمي.
بيت مهما حصل في الدنيا، أعرف إن محدش يقدر ياخده مني، ولا يذلني بيه، ولا في يوم يعايرني إني قاعدة في ملكه.
عشان كده اشتغلت كتير.
ساعات إضافية.
وشغل جانبي.
وكنت بحوش كل جنيه كأني بحوش عمري كله.
صحابي كانوا يسافروا ويتفسحوا ويجيبوا أحدث موبايلات، وأنا كنت أقول لنفسي اصبري… لسه شقتك أهم.
عدت سنين طويلة، وفي الآخر ربنا كرمني، وقدرت أشتري شقة حلوة في الشيخ زايد.
كانت أول حاجة أحققها بإيدي.
من غير ما أستلف.
ومن غير ما حد يساعدني بجنيه.
لحد النهارده فاكرة اليوم اللي استلمت فيه المفتاح.
دخلت الشقة وهي فاضية، وقعدت على الأرض أعيط من
الفرحة.
مكنتش دموع تعب…
كانت دموع انتصار.
وقتها وعدت نفسي إن البيت ده هيبقى الأمان اللي هرجعله مهما الدنيا عملت فيا.
بعدها بحوالي سنة اتعرفت على كريم.
كان شخص هادي، محترم، وكلامه كله عن بناء بيت وأسرة.
اتقدملي، وبعد فترة اتجوزنا.
ولما اقترحنا نعيش في شقتي، وافقت من غير تفكير.
لأني كنت مؤمنة إن الجواز مشاركة.
وعمري ما حسسته إن الشقة بتاعتي.
كنت دايمًا بقول دي بيتنا.
لكن واضح إن في فرق كبير بين إنك تشارك حد من قلبك…
وبين إنه يطمع في اللي معاك.
اليوم اللي كل حاجة بدأت تتغير فيه، بدأ عادي جدًا.
صحيت الصبح، روحت شغلي، وأنهيت اجتماع مهم، وبعدها استأذنت أرجع بدري.
كان عندي عزومة صغيرة في البيت لمديرين من الشركة، وكنت مجهزة كل حاجة بنفسي.
اشتريت سلمون طازة، وأنواع جبن مستوردة، وسلطات، وفاكهة، وحلويات.
كنت عايزة الليلة تبقى مثالية.
وأنا طالعة بالأسانسير، كنت بفكر هبدأ أجهز الأكل إزاي أول ما أوصل.
لكن أول ما فتحت باب الشقة…حصري علي روايات واقتباسات
سمعت ضحكات عالية جاية من الصالون.
استغربت.
أنا مابلغتش حد إنه ييجي.
دخلت كام خطوة، ولقيت حماتي قاعدة في نص الصالون، حواليها أخواتها، وبنات أختها، واتنين من قرايبهم.
القهوة متقدمة في الأكواب اللي أنا جايباها من السفر.
والحلويات اللي كنت محتفظة بيها للمناسبة متحطة قدامهم.
وكل واحد بيتكلم كأنه قاعد في بيته.
وقبل ما حد يحس إني دخلت…
سمعتها وهي بتقول بفخر والله ابني كريم تعب كتير لحد ما اشترى الشقة دي… وربنا كرمه بأحسن مكان.
واحدة من قرايبها قالت بإعجاب ما شاء الله… واضح إنه راجل بيعرف يشيل مسؤولية.
ضحكت حماتي وقالت ده من يومه راجل يعتمد عليه.
وقفت مكاني حصري علي صفحه روايات واقتباسات
حسيت إن الصوت اختفى من حواليا.
أنا؟
أنا اللي دفعت تمن كل متر في الشقة دي.
أنا اللي فضلت سنين بحوش علشان أجيبها.
كريم حتى ماكنش يعرفني وقتها.
إزاي بكل
سهولة بتنسب تعبي لابنها؟
أول ما شافتني، ابتسمت وقالت
أهو صاحبة البيت… أقصد مرات ابني… رجعت.
تعالي يا رنا سلمي على العيلة.
ابتسمت بالعافية.
سلمت عليهم كلهم.
لكن جوايا كان في ڼار.
دخلت المطبخ أحاول أهدى.
وأول ما فتحت التلاجة…
اټصدمت. بقلم منال علي
كل الأكل اللي كنت شرياه اختفى.
السلمون.
الجبنة.
الحلويات.
الخضار.
حتى العصاير.
ولا حاجة منهم موجودة.
بدلهم…
حلل محشي.
وصواني مكرونة.
وأكياس ملوخية.
وأكل بلدي مالي التلاجة كلها.
لفيت بسرعة.
هو فين الحاجة اللي كانت هنا؟
حماتي ردت وهي بتشرب القهوة بمنتهى البرود رميتها.
افتكرتها بتهزر.
قلت نعم؟
الأكل ده كله ملوش لازمة.
وجبتلك أكل محترم.
فضلت باصة لها كام ثانية.
مش مستوعبة.
يعني حضرتك ډخلتي مطبخي… ورميتي حاجتي؟
قالت وهي رافعة كتفها أيوه… فيها إيه؟
من غير حتى ما تسأليني؟
ردت بحدة هو أنا هستأذن في بيت ابني؟
كل اللي في الصالون سكت.
الكل بقى بيتفرج علينا.
أخدت نفس طويل.
وقلت بهدوء بعد إذنك… دي مش شقة ابنك.
دي شقتي.
أنا اشتريتها قبل الجواز.
ابتسمت بسخرية وقالت بعد الجواز مابقاش في حاجة اسمها شقتك وشقته.
كل اللي معاكي بقى لعيلة جوزك.
قولتلها القانون بيقول غير كده.
قالت وهي بتخبط بإيدها على الترابيزة أنا ماليش دعوة بالقانون.
أنا أعرف إن ابني راجل
البيت.
وساعتها واحدة من قرايبها حاولت تغير الموضوع، لكن حماتي كانت مصممة تكمل.
بصتلي وقالت وبعدين إيه يعني لما دخلت؟
كريم بنفسه إداني نسخة من المفتاح.
الجملة دي نزلت عليا كأنها قلم.
لفيت أبص لباب الشقة.
يعني من إمتى؟
ومن غير ما يقولي؟
قد إيه دخلت وأنا مش موجودة؟
وقد إيه شافت في بيتي وحاجتي؟
أسئلة كتير جريت في دماغي في ثانية واحدة.
لكن كتمت ڠضبي.
وقلت من فضلك… من النهارده، أي زيارة لازم تكون بعلمي.
حماتي ضحكت بصوت عالي.
وقالت قدام الكل واضح إن الجواز منفخش دماغك شوية.
خلي كريم يرجع، وهو يعرف يربي مراته.
الجو كله بقى متوتر.
العيلة قامت تمشي.
وكلهم بيبصولي باستغراب، كأني أنا اللي غلطانة.
أول ما الباب اتقفل، قعدت على الكنبة.
كنت بحاول أستوعب اللي حصل بقلم منال علي
إزاي كريم يدي مفتاح شقتي لحد من غير حتى ما يقولي؟
وإزاي أمه تتصرف كأنها المالكة؟
فضلت مستنياه يرجع.
ولما دخل بالليل…
حكيتله كل حاجة.
كنت مستنية إنه يعتذر.
أو حتى يزعل من تصرف أمه.
لكنه بصلي بمنتهى الهدوء وقال يا رنا… متكبريش الموضوع.
ماما أهل.
قولت وأنا مخڼوقة دخلت من غير إذني، ورمت حاجتي، وقالت للعيلة إن الشقة بتاعتك.
رد بمنتهى البرود وإيه يعني؟
إحنا متجوزين.
قولت الشقة دي باسمي.
اتنهد بضيق وقال طول عمرك لازم تفتكريني إن كل حاجة بتاعتك.
العيلة مبتتحسبش كده.
سكت.
لكن جوايا كان في إحساس غريب.
إحساس إن كريم مش متضايق من اللي حصل…
بالعكس.
كأنه شايف إن أمه عندها حق.
ويومها لأول مرة، حسيت إن الشقة اللي كانت مصدر أماني…
بدأت تتحول لأكبر خطړ في حياتي.
رجع كريم بالليل.
كنت مستنياه يدخل ويقول إن اللي حصل غلط…
أو على الأقل يعتذر عن اللي عملته أمه.
حكيتله كل حاجة من أول ما دخلت البيت، لحد اللحظة اللي قالت فيها قدام العيلة إن الشقة دي بتاعته.
فضل ساكت شوية…
وبعدين قال بمنتهى البرود أمي عمرها ما تقصد تزعلك… متكبريش الموضوع.
بصيتله وأنا مش
مصدقة.
يعني دخولها بيتي من غير إذني، ورميها حاجتي، وكلامها قدام الناس… ده كله بالنسبالك عادي؟
رد وهو بيبعد عينه عني دي أمي… ودي حاجات بسيطة.
ساعتها حسيت إني لأول مرة معرفش الراجل اللي متجوزاه.
دخلت أوضتي من غير ما أتكلم.
لكن قبل ما أقفل الباب، سمعت موبايله بيرن.
كان في الصالون، وهو افتكر إني دخلت أنام.
لقيته رد بصوت واطي جدًا…
لكن جملة واحدة بس وصلت لودني بوضوح…
اطمني يا أمي… سيبِيه عليا، وأنا هتصرف.
اتجمدت مكاني…بقلم منال علي
مش عارفة كان بيتكلم عن إيه…
لكن لأول مرة،
حسيت إن اللي حصل النهارده ماكانش صدفة…
وإن في حاجة كبيرة جدًا بتتدبر من ورا ضهري !!!!!!
حكايات_منال_علي
