حماتي 2

\اطمني يا أمي… سيبِيه عليا، وأنا هتصرف.
الجملة رنت في ودني زي جرس إنذار كسر كل سكون البيت.
رجعت خطوتين لورا في الضلمة، وسندت ضهري على دولاب الأوضة وأنا حاطة إيدي على قلبي اللي كان بيدق في زوري.
الصوت اللي كان بيتكلم ده مكنش صوت كريم، جوزي الهادي، الطيب، اللي فضل سنة كاملة يرسم في صورة الراجل اللي بيسند ويحتوي. ده كان صوت حد بارد، بيخطط، وعارف كويس هو بيعمل إيه.
مطلعتش أواجهه.
زمان، كنت هفتح الباب وأصرخ وأسأله بتتكلم عن إيه؟… بس الست لما تحس إنها في خطړ حقيقي، غريزة البقاء عندها بتشتغل بدماغ باردة مش بعياط.
اترميت على السرير، ومغمضتش عيني دقيقة واحدة.
كنت سامعة خطواته برة وهو بيقفل النور ويدخل ينام جنبي كأن مفيش أي حاجة. نام ونفسه منتظم، وأنا كنت حاسة إن السرير اللي نايمة عليه متلغم وهيفرقع في أي لحظة.
أول ما الشمس طلعت، وهو لسه نايم، اتحركت بهدوء من غير ما أعمل

صوت.
أول حاجة خطرت في بالي مكنتش العتاب… كانت أوراقي.
أنا مهندسة وبفهم في الإجراءات، وعارفة كويس إن الشقة دي عشان تتحول لكابوس، لازم يكون في مدخل قانوني.
فتحت درجي المقفول في المكتب، الدرج اللي شايلاه فيه أوراقي المهمة
عقد الشقة الأصلي الأزرق.
صك الملكية النهائي.
والتوكيلات القديمة الخاصة بشغلي.
فتحت الدرج بالمفتاح…
وقلبي وقع في رجلي.
العقد الأصلي الأزرق… مش موجود!
مكانه نسخة ضوئية صورة طبق الأصل!
إيدي بدأت تترعش وأنا بقلب الورق زي المچنونة.
مين طلع العقد الأصلي من هنا؟ والمفتاح مين نسخه غيره؟
مسكت نفسي بالعافية قبل ما أصرخ. كريم بدأ يتمطع على السرير ويصحى.
قفلت الدرج بسرعة، دخلت المطبخ، وعملت نفسي بعمل قهوة عادي جداً.
خرج من الأوضة، لابس هدوم الشغل ووشه مبتسم ابتسامة هادية كأنه ملاك
صباح الخير يا حبيبتي… نمتي كويس؟
بصيت في عينيه، مكنش باين عليه ذرة ارتباك،
وده رعبني أكتر.
صباح الخير. اه، الحمد لله.
قرب يبوس راسي، لكن ڠصب عني رجعت خطوة لورا بحجة إني بصب القهوة.
لاحظ هو الحركة، وابتسامته خفتت شوية
رنا، متفضليش شاي في قلبك من اللي حصل إمبارح. ماما ست كبيرة، وساعات لسانها بېخونها… متخليش الشيطان يدخل بينا يا رنا، إحنا واحد.
إحنا واحد؟
الكلمة دي اللي كنت بشوفها زمان قمة الرومانسية، دلوقتي نزلت على ودني زي السم.
كريم، هو أنت شوفت ملف أوراق الشقة؟ كنت محتاجة أطلع منه رقم العداد علشان فاتورة الكهرباء.
سألته السؤال وأنا عيني مثبتة على تعبيرات وشه.
عينه رَمشت بسرعة، وبلع ريقه قبل ما يرد
ملف إيه؟ لأ، معرفش… هو أنتي مش شايلاه في درجك؟
أصل مش لاقية العقد الأصلي.
ضحك ضحكة قصيرة وقال
هتلاقيكي نسيتيه في شغلك أو عند المحامي… دوري كويس، يلا أنا متأخر على الشركة، هكلمك في البريك.
نزل وقفل الباب وراه.
أول ما صوت الأسانسير نزل،
أخدت نفسي كأني كنت غرقانة تحت المية.
طلعت
تليفوني، واتصلت برقم واحد بس… أحمد، المحامي وصديق عيلتي من سنين، وهو اللي كان معايا في كل إجراءات شراء الشقة دي.
ألو، أستاذ أحمد… أنا محتاجة أقابلك دلوقتي حالاً، وفي مصېبة عندي.
بعد ساعة، كنت قاعدة قدامه في مكتبه في المهندسين، وحكيتله كل حاجة من طقطق لسلامو عليكم، من أول دخلة حماتي لحد مكالمة كريم، والنسخة اللي لقيتها بدل الأصل.
أحمد فضل ساكت، بيسمع ويدون ورايا، وبعدين سند ضهره على الكرسي وقال بجدية تخوف
رنا… أنتي واثقة إنك ما عملتيش لكريم أي توكيل؟ ولا حتى توكيل إدارة عام؟
عمري! أنا حذرة جداً في الحاجات دي!
تمام… طب شيكاتك؟ حساباتك البنكية؟
كروت البنك معايا، ومفيش حد يعرف باسورداتي.
أحمد فتح لابتوبه
اسمعيني يا رنا… كريم شغال في إيه بالظبط الفترة الأخيرة؟
عنده شركة مقاولات صغيرة، ودايماً يقولي الشغل ماشي كويس وبياخد مشاريع بالباطن.
أحمد
اتصل بحد يعرفه في السجل التجاري، وأنا قاعدة بحړق في أعصابي، ربع ساعة والمكالمة خلصت.
أحمد بصلي ونظرته خلت الډم يهرب من عروقي جوزك مش بيقفل مشاريع يا رنا… جوزك محجوز على شركته من شهرين. وعليه إيصالات أمانة وشيكات بدون رصيد معدية ال 3 مليون جنيه، ومرفوع ضده قضية تبديد ليها جلسة الأسبوع الجاي!
فتحت بقي، مش قادرة أنطق. بقلم منال علي
إيه؟ أنت بتقول إيه؟!
كريم بيغرق… ولو ما سددش خلال أيام، هيتحبس. وده يفسر هو وأمه بيعملوا إيه.
بس الشقة ملكي أنا! هيدخلوا شقتي إزاي في ديونه؟!
رنا، العقد الأصلي في إيده… وبطاقتك موجودة في البيت، ومعاه مفتاح… ممكن يحاول يعمل بيع صوري، أو ياخد قرض بضمان الشقة من ناس تانية برة البنك شغل قروض أهلية أو ربا، ويكتب ورق بيع ابتدائي مؤرخ، أو حتى يورطك في وصل أمانة كضامن! في ناس شغلتها اللعب بالورق ده لحد ما يوقعوكي في بير
مقفول!
قومت وقفت وإيدي بتترعش من القهر
أنا مش هسكت… أنا هرجع أواجهه وأطلب الطلاق فوراً!
أحمد مسك إيدي وقالي بحزم
تقعدي مكانك! المواجهة دلوقتي غباء… كريم وأمه داخلين على خړاب مستعجل، واللي بيغرق بيمسك في قشاية، وممكن يتهور ويعمل أي حاجة. أول خطوة نعملها… نأمن بيتك ونعرف العقد راح فين.
الساعة كانت اتنين الضهر.
رجعت على الشيخ زايد، ومعايا راجل نجار ومعاه كالون جديد بأعلى درجات الأمان ومصفح، ومحدش يقدر ينسخ مفاتيحه إلا بكارت مشفر.
في نص ساعة، كان الكالون اتغير تماماً.
المفتاح القديم اللي مع حماتي بقى حتة حديدة ملهاش أي قيمة.
دخلت شقتي، وقفلت الباب من جوة بالترباس الجديد.
قعدت على الأرض، وفتحت لاب توب كريم اللي سابه في البيت علشان كان بيشتغل من الموبايل النهاردة.
كريم دايماً سايب اللاب مفتوح، وعارف إني مش من النوع اللي بيفتش.
فتحت ملفات الواتساب ويب
اللي كانت لسه متسجلة…
ونزلت
المحادثة اللي بينه وبين أمه.
عيني راحت على فويس نوت بعتاه أمه من تلات أيام حصري علي روايات واقتباسات
اسمع يا كريم… البت دي ملوية دراعها بيك وبحبها، هتقعد معاها بالليل وتفهمها إنك هتوسع الشركة وعايز تاخد قرض بضمان الشقة، ترفض، تزن عليها، تاخد توكيل، المهم الورق ده يخلص قبل ميعاد الجلسة… وإن ما رضيتش، المحامي اللي اتفقت معاه قال إنه يقدر يمشي في صحة توقيع على عقد البيع العرفي اللي زورنا فيه إمضاها طالما العقد الأصلي القديم في إيدنا! المهم متدخلش السچن يا ضنايا، الشقة تروح في داهية وتيجي غيرها، دي شقة حيلتها من الدنيا!
رسالة تانية من كريم ليها
المحامي طالب خمسين ألف عشان يظبط شهود الإثبات وصحة التوقيع… هحاول النهاردة
أخلص معاها بطريقة شياكة عشان منلجأش للتزوير ونروح في داهية أكبر.
كنت بقرا الكلام، وحاسة بڼار بتغلي جوة راسي.
تزوير؟
عقد بيع عرفي باسمي؟
عايزين يسرقوا شقتي وشقا عمري عشان يسددوا ديون وسرقات ابنهم؟!
وفجأة…
سمعت صوت مفتاح بيتحط في الباب من برة.
المفتاح بيلف، بس مش راضي يفتح.
صوت حركة عصبية على الباب…
وبعدين رنة جرس متواصلة ورا بعض.
قربت من العين السحرية بهدوء شديد.
مكنش كريم لوحده…
كان كريم، وواقفة وراه حماتي، ومعاهم راجل غريب، شايل شنطة جلد سودا ولابس بدلة، وشكله محامي!
صوت خبط عڼيف بدأ يهز الباب
رنا! افتحي يا رنا! الباب ماله؟! إيه اللي أنتي مغيرّاه ده؟!
حماتي صوتها طلع برة، حاد ومليان غل
غيرت الكالون بنت …! بقولك مبيجيش
معاهم إلا العين الحمرا! افتحي يا بت بالحسنى بدل ما نكسر الباب ونفضحك في العمارة!
أنا مسكت التليفون، وفتحت الكاميرا وسجلت الصوت والخبط من ورا الباب.
وبعدين وقفت ورا الباب بالظبط، وقولت بأعلى صوت، وبمنتهى القوة والجمود اللي عمري ما عرفت إني بمتلكهم
كسروا الباب يا كريم… عشان البوليس يجي ويلاقي معايا تسجيلات التزوير وصوت أمك وهي بتخطط تسرق الشقة!
الخبط فجأة وقف تماماً. بقلم منال علي
سكوت مرعب حل في الطرقة برة…
وبعدها، صوت كريم اتغير ١٨٠ درجة، وسمعته بيهمس من ورا الباب بنبرة خلت شعر جسمي كله يقف افتحي يا رنا بالذوق… أنتي متعرفيش الراجل اللي واقف ورايا ده شاري إيه وباع إيه، وإحنا مش خارجين من هنا إلا وانتي ماضية، ومش هتلحقي
حتى تلمسي تليفونك!