أما في أعلي القصر وقف حسن أمام فراش فيروز يتأملها و هي نائمة كالأطفال لا تشعر بما يدور حولها.. حمد ربه أنها لم تستمع إلي ذلك الحوار الشائك.. جلس حسن بجانبها و هو يتأملها في صمت.. قدرت تلك الفتاة علي اقتحام قلبه الذي ظنه أنه فقده وسط مشاغله في عمله و همومه.. لا يصدق أن بداخل أحشائها طفله أو طفلته..
ابتسم ابتسامة هادئة و هو يتذكر طفولتها معه و مزاحها… تنهد بقوة وقال بصوت هادئ: فيروز.. فيروز.
كرر حسن ندائه علي فيروز عدة مرات إلي أن فتحت عيونها بكسل وقالت: مممم.. سيبني يا حسن عايزه أنام.
حسن بجدية: فيروز قومي عشان إحنا هنرجع الفيلا.
فتحت فيروز عينيها بدهشة وقالت: في إي يا حسن!!! حصل حاجه؟!
حسن بنبرة شبه غاضبة: يلا يا فيروز.. هو تحقيق؟
تعجبت فيروز من نبرته و لكنها حاولت أن تخفف من غضبه و ابتسمت بهدوء و قَبَّلت خده بمرح وقالت: بس كدا!! خمس دقايق و أكون جاهزة.
قامت فيروز سريعًا تعد حقيبتها و حقيبة حسن و هي هادئة ساكنة، و حملت ملابسها و دخلت الحمام الملحق لتبدل ملابسها بينما ظل حسن يرتب أوراقه التي سيأخذها…
—
بعد ما يقارب الساعة و النصف…. دخلت فيروز فيلا حسن و هي تشعر براحة غريبة و ظلت تجوب في كل أنحاء الغرفة و الفيلا بأكملها كأنها لم تراها منذ سنين.. سلمت فيروز علي دادة هناء و باقي الخدم من النساء و هي تستقبل تهنئاتهم بخبر الحمل بسعادة غارمة.. طلبت فيروز من دادة هناء أن تعد بعض شطائر الجبن و المربي و كوبين من الحليب من أجل حسن لأنها تعلم أنه لم يأكل.. صعدت فيروز إلي غرفتها و ابتسمت بفرحة لعودتها لها و اتجهت ناحية الحقائب لتفرغ ما بهما لتجدها خاوية!! تعجبت فيروز قليلًا و لكنها شعرت أن حسن هو من رتب الملابس عندما سمعت صوت قطرات المياه في الحمام الملحق بالغرفة.. أخذت فيروز ملابسها و استحمَت سريعًا في دورة مياه أخري.. أنهت فيروز استحمامها سريعًا و أخذت الطعام من دادة هناء و وضعته علي طاولة بالغرفة.. خرج حسن من دورة المياه ليجد فيروز تقول بمرح: علي فكرة بقي أنا جعانة جدا جدا جدا.. بس ابنك مش راضي يخليني أكل إلا لما بابا يجي.. ينفع كدا يعني؟
“ابنك”.. “بابا”.. كلمتان كفيلتان بإنهاء غضب حسن في أقل من ثانية.. ابتسم رغم حزنه مما حدث من أخيه وقال: خلاص يا حبيبتي.. آخر مرة بابا يتأخر عليهم.
جلست فيروز بجانب حسن و تناولا طعامهما وسط مزاح فيروز الذي لم ينقطع فكانت تريد أن تخفف عن حسن قليلًا..
أنهي حسن طعامهما و استسلم للنوم سريعًا فأيقنت فيروز أن حسن لا يريد التحدث.. صمتت بحزن و خبأت رأسها في أحضانه و استسلمت لنومها سريعًا.
—
في اليوم التالي عندما تحدثت فيروز مع حسن عن سبب غضبه قال أنه بسبب ضغط العمل و ما شابه ذلك و أن راحته في منزله هو.. اقتنعت فيروز نسبيًا بكلام حسن و حاولت أن تخفف عنه بكلامها..
كان الحال في قصر آل توفيق أشبه بالمقبرة.. الكل مستاء من مغادرة حسن، و سناء حائرة من الحزن المرسوم علي وجه عامر و حنان.. أما غادة مازال كرهها تجاه فيروز و من في رحمها يزداد كل لحظة..
بعد مرور أربعة أشهر.. كانت تجلس في حديقة المنزل تقرأ كتابًا عن تربية الأطفال.. سمعت صوت يقول: أنا آسفة لو كنت جيت من غير استئذان.
رفعت عينيها بتعجب لتتسع عينيها دهشة و تقول بصوت منخفض جدًا: سميرة!!
—
وضع عامر صورة يبدو عليها القدم علي الطاولة أمام عز ليلتقطها عز بهدوء وتتسع عينه دهشة هو و حنين ويقولا في صوت واحد: بابا!
عامر: الصورة دي كانت يوم فرحي أنا عامر توفيق السيوفي.
عز و حنين بصدمة: نعم!!!
وضع عامر صورة أخري أمامهم و التقطها عز بسرعة لينظر لها بصدمة هو و حنين..
عامر: و الصورة دي كانت في فرحي برضه.. ليا و لمراتي و لأخويا حسن و مراته فيروز.
أكمل عامر كلامه قائلًا: فيروز أكيد حكيت ليكوا عن خطفكوا بعد موت حسن بشهر و الظروف الغامضة اللي خدوكوا فيها و مشيت من القصر.
نظر لهم عامر بحنان وقال: أنا جاي النهاردة عشان أرجع ولاد حسن توفيق السيوفي لبيت أبوهم.
نظرت حنين إلي عز بصدمة وبادلها هو أيضًا نفس النظرة و حاولوا تجميع أي كلمة ولكن دون فائدة..
ماهر في محاولة لجذب أحدهم للكلام: إحنا كنا شاكيين أول ما دخلنا المحل النهاردة، بس اللي أكد لينا لما عز قال اسمه كامل.
عز بقوة: بقي أنتوا راجعين بعد كل السنين دي و تقولوا نرجعكوا لبيتكوا؟!
عامر بندم: أنا عارف إننا اتأخرنا بس أنت عارف برضه إن فيروز طلبت كدا.
عز بحزن: ماما ماتت من 8 سنين يا عامر بيه.
أمجد: إحنا حاولنا كتير نوصلكوا بس معرفناش.
نظر عز إلي حنين ليجدها ساكنة تمسك صورة والديها وتتحسس وجههم بيد مرتعشة..
عز بخوف: حنين.. أنتي كويسة؟
هبطت دمعة حارة من عيون حنين وقالت: شايف ماما كانت بتبص لبابا إزاي وهو بيبصلها إزاي!
نظرت حنين إلي أخيها بعيون دامعة وقالت: أنا الوقتي عرفت ليه ماما كانت بتقول إن الموت راحة عشان هترجع لحبيبها.
انفجرت حنين باكية وهي تحتضن صورة والديها، وهكذا عز لم يستطع تمالك نفسه هو الآخر..
نظر ماهر و أمجد إليهم بعيون دامعة وقالوا لعامر: الوقتي محتاجينك.
قام عامر و اتجه إلي طفلي أخيه و وقف أمامهم و أمسك بيد عز و حنين ليوقفهم سويا وقال: وحشتوني يا ولاد حسن.
استسلم عز و حنين إلي إحساسهم وارتموا بأحضان عامر متعلقين به يبحثون عن راحة والدهم في أحضانه..
كان عامر في احتياج لتلك الضمة أكثر منهم.. وجد في تلك الضمة إحساسه بضمة حسن له.. مسح علي رأسهم بحنان ليزيد التوأمان من بكائهم و هم يقولون بصوت خافت: بابا و ماما وحشونا أوي.
بعد دقائق… مسح عامر دموع أولاد أخيه وقال بابتسامة باهتة: حقكوا عليا يا ولاد.. أنا آسف أنا اتأخرت أوي.
مسح أمجد دموعه وقال في محاولة لإزالة هذا الجو الحزين: أحم أحم.. بقولك إي يا بن عمي.. مفيش حاجه تتأكل؟!
ضحك عز بخفوت وقال بمرح: حد قالك إني الشيف عز؟! أنا مهندس يا بني.
أمجد بصدمة مصطنعة: ابنك!! يا حبيبي يا بابا.
اتجه أمجد وماهر إلي عز واحتضنوه بقوة و حنين متعلقة بحضن عمها عامر..
أعددت حنين بعض السندوتشات و الشاي وجلست مع عمها و أولاد عمها بسعادة..
عامر: المهم بإذن الله بعد صلاة الفجر هنرجع بقي لبيتنا.
عز: بس يا عمي إحنا لسه مضبطناش أمورنا و كمان أهل المنطقة لازم يعرفوا.
عامر: بسيطة يا حبيبي.. يعرفوا و إحنا في صلاة الفجر.
حنين بإحراج: بس برضه يعني محدش يعرف هناك وكده.
عامر: متقلقيش.. الكل مجمع بكرة عشان يعرف، وبعدين أنا لو رجعت من غيركوا سناء ممكن تفجرني.
حنين بابتسامة: نفسي أشوف طنط سناء أوي.. ماما كانت بتحكي عنها كتير.
عز مداعبًا: ماما كانت بتقول إن طنط سناء قالتلها مرة إن أمجد كان عنده عصفور موته عشان يجيب لسان العصفور!
انفجر الجميع ضاحكًا بينما قال أمجد: الله يخليكي يا ست الكل.. دايما فضحاني كدا.
عامر بضحك: متزعلش نفسك يا أمجد.. ماهر لما كمل 6 سنين جاب عصفورة عشان صوتها كان بيصحيه الصبح.
أمجد بضحك: ويوم عيد ميلاده لما شال التورتة و قعد عليها عشان محدش يأكل منها غيره!
شرع ماهر في القيام قائلًا: طيب يا جماعة فرصة سعيدة.. أستأذن بقي عشان شكل الحفلة هتتقلب عليا.
بعد ما يقارب الساعتين.. ارتفاع صوت المؤذن لصلاة الفجر ليذهب الرجال للصلاة وتبدأ حنين بنشاط تعد كل أغراضها هي و عز..
أنهت حنين وضع جميع الصور و الملفات الخاصة بهم والملفات التي أمنتها علي فيروز.. أحتضنت حنين قلادة أبيها وقالت لنفسها: “بابا إحنا راجعين البيت اللي أنت كبرت فيه.. أنا خايفة يا بابا بس عز مطمني حتي عمو عامر كمان يا بابا.. متشوقه أرجع عشان أحقق الحلم اللي ماما حلمت بيه إننا لما نرجع هنرجع حقك”.
بعد ساعة…. أغلق عز حقيبته قائلًا: متأكدة يا حنين منسناش حاجه؟
حنين بلخبطة: أيوة.
عز باطمئنان: متخافيش يا حبيبتي.. إحنا هنفضل سوا و كمان شايفه عمو عامر بيعملنا إزاي.. متخافيش.
حنين بتنهيدة: ربنا يستر.
هبطت حنين مع عز بعد أن ودعوا المنزل الذي ضمهم في ليالي حزن و ألم و سعادة و اجتهاد و مذاكرة و لعب.. المنزل الذي نشئوا فيه بين أحضان والدتهم..
ودع عز و حنين أهل المنطقة بدموع علي فراقهم و جلسوا بجانب عمهم متجهين إلي حياة لا يعلموا ما هو مصيرها..
—
