في اليوم التالي، سلمنا كل المستندات لمحامي كبير معروف بالنزاهة. الملفات اتقدمت للنيابة. الجامعة اضطرت تعلن فتح تحقيق داخلي. الشرطة أعادت فحص تسجيلات الكاميرات. والأهم إن الدكتور فؤاد ظهر بنفسه. قدم شهادته. وقال كل اللي يعرفه.
بعد أيام، بدأت الحقيقة تظهر. الاعتــ,,ـــــدا على سلمى اتثبت. التلاعب بالكاميرات اتثبت. محاولات إخفاء الأدلة اتثبتت. وأسماء أصحاب النفوذ ظهرت في التحقيقات. أما التلاتة، فبقوا تحت التحقيق بدل ما يكونوا فوق القانون. يوسف حاول ينكر. كريم قال إنه ماكانش موجود. عمر قال إن التسجيلات مفبركة.
لكن الأدلة كانت أقوى من الكلام. أما محمود الشاذلي، فانهار لما اكتشف إن ابنه نفسه قدم اعترافات. والأغرب إن رئيس مجلس الأمناء حاول يهرب من البلد. لكن تم منعه من السفر. بعد أسابيع، بدأت محاكمة طويلة. ماكانتشي سريعة. ماكانتشي سهلة. لكن لأول مرة، حسيت إن العدالة ماشية في الطريق الصح.
—
سلمى فضلت في المستشفى فترة طويلة. ولما خرجت، كان وشها لسه فيه آثار من اللي حصل. لكنها ماخبّتش نفسها. كانت بتبص في المراية كل يوم. وفي أول مرة عملت كده قدامي، وقفت جنبها. قالت:
ـ أنا كنت خايفة أبص. قلت:
ـ دلوقتي؟بصت لنفسها.
ـ دلوقتي أنا عارفة إن اللي حصل لي مش عيبي. سكت. قالت:
ـ أنا نجيت. ابتسمت. ـ أيوه. ـ وإنت؟ـ أنا كمان. بصت لي. ـ من إيه؟قلت:
ـ من الماضي.—
خالد كان أصعب حاجة. كان موجود في حياتي فجأة بعد ما قضيت تسعتاشر سنة فاكر إنه مات.
ـ كنت خايف لو رجعت لك، ترجع أنت كمان للشخص اللي كنت عليه. قلت:
ـ أنا مش الشخص ده. قال:
ـ عارف.
بعد مرور سنة، رجعت سلمى للجامعة.
ما رجعتش عشان تنسى. رجعت عشان تكمل. نادين بقى ليها اسم في الجامعة. اتعملت منحة باسمها للطلاب اللي بيشتغلوا على مكافحة الفساد الأكاديمي. الدكتور فؤاد رجع يدرّس. وحسام كمل شغله. أما أنا…قفلت الشركة القديمة. وبدأت مشروع جديد بعيد عن كل حاجة تخص الماضي.
مشروع صغير. نظيف. هادئ. زي الحياة اللي كنت بحلم بيها. وفي يوم، كنت قاعد مع سلمى على كافيه في الزمالك. قالت:
ـ فاكر أول يوم في المستشفى؟ضحكت. ـ أنساه إزاي؟قالت:
ـ كنت مرعب. ـ أنا؟ـ أيوه. ـ ليه؟
ـ كنت قاعد جنبي كأنك مستني العالم كله يدخل عليك عشان تحاسبه. ابتسمت. ـ كنت خايف عليكي. ـ وأنا كنت خايفة عليك. ـ مني؟ـ من نفسك. سكت. قالت:
ـ بس عدت. بصيت لها. ـ إيه اللي عدى؟
ـ الماضي. سكت شوية. وبعدين قلت:
ـ مش الماضي اللي عدى. ـ أمال؟ـ إحنا اللي عدينا منه. ابتسمت. ومدت إيدها على الترابيزة. مسكت إيدها. الإيد نفسها اللي كانت متوصلة بأجهزة المستشفى. الإيد اللي كنت فاكر إني ممكن أخسر صاحبتها للأبد.
لكنها كانت قدامي. حية. قوية. بتضحك. وده كان كفاية.—
بعد كام شهر، كنا في البيت. خالد دخل علينا. كان ماسك ظرف. قال:
ـ فيه حاجة لازم تعرفوها. بصيت له. ـ إيه؟حط الظرف على الترابيزة. فتحه. طلع منه ملف قديم.
قلت:
بصيت لخالد. قال:
ـ عشان كده قدرت أعيش. قلت:
ـ يعني كل ده بدأ من هنا؟
هز رأسه. ـ يمكن. سلمى قالت:
ـ وعدتك إني مش هسكت. سكتت لحظة. ـ ووعدتك إني هكمل.
وأنا سايق، خالد قعد جنبي. قال:
ـ فاكر لما قلت إن الشبح مات؟ابتسمت. ـ أيوه. ـ كنت تقصد إيه؟بصيت له. وقلت:
ـ كنت أقصد إنه مات فعلًا. ـ حتى بعد كل اللي حصل؟ـ أيوه. ـ وإنت مين دلوقتي؟بصيت في المراية. شفت سلمى قاعدة ورا بتضحك.
وشفت خالد جنبي. وشفت نفسي. راجل عادي. عنده بيت. وأهل. وحياة. قلت:
ـ آدم. ضحك خالد. ـ بس؟ـ بس. وسكتنا.—
مرت الأيام. والقضية انتهت بأحكام. اللي ظلــ,,ـــــم اتعاقب. واللي سكت اتحاسب. واللي حاول يهرب من الحقيقة اضطر يواجهها. لكن بالنسبة لي، أهم انتصار ماكانش الحكم. ولا انكشاف الناس.
لقيت الباب مفتوح. دخلت ببطء. ماكانش فيه حاجة مكسورة. لكن الصندوق المعدني كان مفتوح. الفلاشة اختفت. والصورة اختفت. لكن الورقة كانت لسه موجودة. رفعتها. كان فيه سطر جديد مكتوب على ضهرها:
«إنت اتأخرت.»
قعدت على الكرسي. لأول مرة من سنين، حسيت بالغضب الحقيقي.
لكن بدل ما أتصرف بعصبية، اتصلت بحسام.
ـ حصل إيه؟
قلت له.
سكت. وبعدين قال:
ـ لازم تقابلني.
ـ فين؟
ـ مكان بعيد عن الجامعة.
ـ إمتى؟
ـ دلوقتي.
—
قابلته في كافيه هادي في مصر الجديدة. قعد قدامي.
كان واضح عليه التعب.
قلت:
ـ الفلاشة اتاخدت.
قال:
ـ كنت متوقع.
ـ متوقع؟
ـ لأن اللي بتدور عليهم مش أغبياء.
ـ وإنت كنت عارف من الأول؟
ـ كنت عارف إن فيه تجاوزات.
ـ بس؟
سكت.
ـ حسام، أنا مش عندي وقت.
أخرج من جيبه مفتاح USB صغير. حطه على الترابيزة.
ـ ده نسخة من جزء من الملفات.
ـ ليه بتساعدني؟
بصلي.
ـ عشان نادين كانت بنت أختي.
سكت.
دي كانت الصدمة.
ـ نادين بنت أختك؟
هز رأسه.
ـ أختي ماتت من سنين، ونادين كانت آخر حاجة فاضلة منها.
ـ وإنت كنت عارف إنها بتدور؟
ـ أيوه.
ـ ليه ماحميتهاش؟
نزل عينه.
ـ حاولت.
ـ بس فشلت.
سكت.
قال:
ـ ومن يومها وأنا بجمع أي دليل أقدر عليه.
فتحت الفلاشة.
كان عليها صور لمستندات وتحويلات مالية. أسماء شركات. تواريخ. مبالغ.
وفي آخر ملف ظهر اسم واحد:
محمود الشاذلي. أبو يوسف.
وتحته أسماء تانية. من ضمنها… فؤاد عبد الحميد. الدكتور فؤاد.
لكن بجانب اسمه كلمة:
«موقوف.»
قلت:
ـ يعني الدكتور فؤاد كان متورط؟
حسام هز رأسه.
ـ لأ.
ـ أمال ليه اسمه هنا؟
ـ لأن دي كانت الطريقة اللي بيحاولوا بيها يشوهوا سمعته.
ـ فين الدكتور فؤاد؟
قال:
ـ في دار رعاية في طنطا.
ـ طنطا؟
ـ أيوه.
ـ وإنت متأكد؟
ـ قابلته من أسبوع.
ـ خدني له.
—
سافرنا طنطا في نفس اليوم. وصلنا دار الرعاية وقت العصر.
الدكتور فؤاد كان راجل في بداية السبعينات. وشه هادي، لكن عينيه كانوا مليانين تعب.
أول ما شاف حسام، قال:
ـ كنت عارف إن اليوم ده هييجي.
قلت:
ـ أنا آدم.
بصلي طويل.
ـ إنت آدم اللي سلمى بتتكلم عنه؟
ـ أيوه.
تنهد.
ـ سلمى بنت شجاعة.
قعدنا.
حسام قال:
ـ احكيله.
الدكتور فؤاد بصلي.
ـ نادين كانت أول واحدة اكتشفت التحويلات.
ـ تحويلات الجامعة؟
ـ أيوه.
ـ مين كان وراها؟
قال:
ـ محمود الشاذلي وشريكين ليه.
ـ والتلاتة؟
ـ أولادهم.
ـ يوسف وكريم وعمر؟
هز رأسه.
ـ كانوا عارفين إن أهلهم بيعملوا حاجات غلط، لكن ماكانوش فاهمين كل التفاصيل.
سكت لحظة.
ـ ليلة وفاة نادين، كانت جاية لي.
ـ قالت لك إيه؟
ـ قالت إنها معاها نسخة من مستندات مهمة.
ـ فين المستندات؟
بص لحسام. وبعدين رجع لي.
ـ مع سلمى.
اتصدمت.
ـ سلمى؟
ـ نادين سلمتها لها قبل ما تختفي.
قلت:
ـ عشان كده كانوا بيدوروا وراها.
ـ بالضبط.
ـ طب ليه سلمى ماقالتش لي؟
قال بهدوء:
ـ لأنها كانت بتحاول تحميك.
سكت.
الجملة دي كانت أصعب من أي حاجة سمعتها.
لكن الدكتور فؤاد كمل:
ـ فيه حاجة لازم تعرفها يا آدم.
ـ إيه؟
ـ نادين ماكانتش آخر شخص اكتشف الحقيقة.
ـ مين؟
قال:
ـ أنا.
سكت.
ـ وبعدها سلمى.
ـ وفيه شخص رابع.
ـ مين؟
الدكتور فؤاد قرب منه وقال:
ـ الشخص اللي بيحرك كل ده مش محمود الشاذلي.
سكتنا.
ـ مين إذن؟
بص لنا وقال:
ـ واحد أقرب لكم مما تتخيلوا.
—
خرجنا من الدار. طول الطريق، ماحدش اتكلم.
حسام كان ساكت. وأنا كنت بفكر في كل شخص قريب من سلمى. صاحبتها. أهلها. أساتذتها. وأنا.
وصلنا القاهرة.
لقيت تليفوني بيرن. رقم المستشفى.
رديت.
صوت الممرضة كان متوتر:
ـ أستاذ آدم، لازم تيجي حالًا.
ـ سلمى حصل لها حاجة؟
ـ هي بخير، بس فيه شخص حاول يدخل أوضتها.
قلبي وقع.
ـ مين؟
ـ ماعرفناش.
ـ هي شافته؟
ـ أيوه.
ـ قالت مين؟
الممرضة سكتت.
ـ قالت إنه… أخوها.
وقفت.
سلمى ماكانش ليها أخ. أنا عارف.
أهلها كلهم أعرفهم.
قلت:
ـ سلمى ماعندهاش أخ.
الممرضة قالت:
ـ أنا عارفة.
سكتت.
ـ بس هي لما شافته قالت اسم واحد.
ـ مين؟
قالت:
ـ خالد.
قفلت.
خالد.
الاسم ده ماكانش غريب.
كنت أعرف خالد.
لكن خالد مات من تسعتاشر سنة.
أخويا.
أخويا اللي وفاته كانت السبب الحقيقي اللي خلاني أدفن حياتي القديمة. أخويا اللي كل الناس قالت إنه مات في واقعة. أخويا اللي أنا بنفسي دفنت ذكراه.
رجعت أبص لحسام.
هو كان باصص لي.
قال:
ـ إنت عرفت مين؟
ما ردتش.
قلت:
ـ خالد أخويا.
—
