بس للأسف، اللي كنت بشوفه كان حقيقي!
الباب خبط، ومرات ابني قامت تفتح، ولما الباب اتفتح، لقيت اللي داخل عليها جوز أختي!
أيوه، جوز أختي اللي كل ما كنت اروح ازورها، جوزها يطلع على اساس رايح شغله، وياخد بعضه ويمشي.
وأنا الغبية
كنت فاكرة إنه راجل محترم وبيحب يسبني مع اختي، وإنه بيسيب البيت عشان ناخد راحتنا لكن الحقيقة انه كان عارف ان بيتي خاليوكان يروح لمرات ابني.
دخل الراجل، وقفلت البنت الباب وراه، وفضلت واقفة قدامه وهي بټعيط، وقالتله بصوت مكسور
إنت إزاي تيجي هنا تاني؟ مش أنا قولتلك بلاش تيجي البيت ده؟ لو حماتي شافتك، هتبقى مصېبة!
رد عليها ببرود وهو بيقعد على الكنبة
ليه ايه المشكله هو حد يقدر يعمل لك حاجة؟ ما إنتِ زي القرد اهوه!
قالتله وهي بتشهق من العياط
إنت خربت حياتي! خربت حياتي يا محمود! ودلوقتي حماتي شاكّة فيا، ويمكن بعدين تعمل تحليل وتعرف إن الولد مش ابن طارق!
أول ما سمعت الجملة
دي، حسيت إن الأرض بتلف بيا.
يعني فعلا الحمل مش من ابني
لكن اللي سمعته بعد كده كان أقسى من الكدب نفسه.
محمود قام من مكانه وزعقلها
بقواك إيه دي؟ دي شيلتك وإنتِ اللي تشيليها! أنا قولتلك من الأول، كل ما حماتك تسألك، اعملي زي ما قولتلك، وقوليلها إن الولد ابن ابنها، وأنا ماليش دعوة. وبعدين دي هتكون آخر مرة أجيلك فيها هنا، فاهمة؟
البنت قربت منه وهي بټعيط بحړقة
وهتسيبني بعد ما عملت فيا كده؟ هتسيبني لوحدي أواجه المصېبة دي؟
بصلها باحتقار وقال
وأنا مالي؟ إنتِ متجوزة
طارق مش أنا! أنا أجبرتك تتجوزيه؟ ولا حد ضړبك على إيدك تتجوزي واحد معاق يسيبك صيده للخلق؟
اتراجعت لورا، وحطت إيديها على وشها وهي پتنهار في العياط.
مش عايزة أسمع اسمه! أنا بكرهه! بكرهه من وقت ما كنت بستغيث بيه يلحقني منك، وهو مردش عليا ولا طلع يلحقني! كنت پصرخ وبترجاه يحميني، وهو كان واقف بعيد بيعيط ومش فاهم حاجة! ومن يومها وأنا بكرهه ومش طايقاه!
محمود رد عليها ببرود
دي مشكلتك إنتِ ما انتي واهلك عارفين انه كده واخدتوه عشان فلوسه، وأنا مش هفضل أشيل نتيجة غلطك وغلط
اهلك طول عمري!
وبعدها فتح الباب ومشي، وسابها واقفة في نص الصالة بټعيط، وبتضرب على صدرها من الۏجع.
أما أنا، فمكنتش قادرة أستحمل أكتر من كده.
حاولت أقوم من مكاني، لكن رجلي مكنتش شايلاني، والدنيا اسودت في عيني، وحسيت إني بغرق في بحر ملوش آخر.
آخر حاجة فاكرها إني سمعت صوت أختي وهي بتصرخ باسمي، وبعدها كل حاجة اختفت.
لما فتحت عيني، لقيت نفسي في المستشفى، وأختي قاعدة جنبي، ووشها أصفر من الخۏف.
حاولت أتكلم، لكن لساني كان تقيل، وكل اللي قدرت أقوله
الموبايل يا أختي…
هاتي الموبايل!
