متجوزه فى بيت عيله وبعد فرحى باسبوعين وحماتى عاوزنى انزل كل جهازى تحت فى شقتهاأنا عروسه جديدة ومن تانى يوم نزلت الكحك والبسكويت لحماتى فى علب خزين كبيرة وعلب تلاجه وبقالى اسبوعين بعد فرحى حماتى كل شويه تطلب انزل حاجات من جهازى ودلوقتي بتقولى نزلى طقم الملامين علشان فى ضيوف جايين يقدوا يوم معانا فقولتلها لو نزلت الطقم ده المطبخ هيفضى عندى انا نزلت كل جهازى قالت عادى احنا عيشين مع بعض والأكل والشرب هيكون
تحت مش هتفرق سكت واتكسفت منها وعشان معملش مشكله لكن لما بشوف جهازى تحت بتخنق وبزعل على فلوس أبويا ويوم الجمعه الل فات كانوا كلهم عند أخت جوزى والده فأنا نزلت لميت كل حجاتى كاسات وعلب تلاجه والطقم الميلامين وطلعتهم شقتى فهى لما جات أنصدمت وندهتلى فين حاجات المطبخ قولتلها دى حجاتى ولمتها وطلعتها شقتى راحت شهقت وقالتلى طلعتهيم ازاى
الجزء الأول: العاصفة اللي تحت الصمت
قعدت على الكنبة في شقتي، وقلبي بيدق بطريقة غريبة، إيديه بتترعش وأنا باصّة على كراتين الكاسات وعلب التلاجة اللي لسه مطلعاها حالا من شقة حماتي. لسه صوت صرختها في ودني وهي بتقول: “انتي طلعتيهم إزاي؟! إزاي تعملي كده من غير ما تاخدي رأيي؟!”
الدنيا كانت هادية أول يومين جواز، عُروسة لسه حانية على إيديها حنة الفرح.
وتاني يوم على طول، نزلت كحك وبسكويت الفرح في علب خزين كبيرة وعلب ثلاجة عشان أكلّم بيت عياني بالواجب. بس ماكنش على بالي إنها فاتحة شهية على جهازي كله!
من بعدها، أسبوعين بس، وكل يوم طلب شكل: “طلعي طقم الصيني”، “هاتي كاسات الضيوف”، “نزلي طقم المعالق”. لحد ما جه اليوم المشهود وقالت لي: “نزلي طقم الميلامين عشان في ضيوف جايين يقضوا يوم معانا تحت”.
ساعتها ما قدرتش استحمل، وقلت لها بصوت واطي ومكسوف: “يا ماما لو نزلت الطقم ده، المطبخ عندي هيفضى خالص.. أنا نزلت كل جهازي أصلاً”.
بصت لي ببرود وقالت الجملة اللي حفرت في قلبي: “عادي يا بتي، إحنا عايشين مع بعض، والأكل والشرب هيكون تحت، مفيش فرق بين فوق وتحت!”
سكتّ.. كسوف العروسة الجديدة منعني أرد، وخفت أعمل مشكلة وأنا لسه برجليه في البيت. بس كنت كل ما أنزل تحت وأشوف جهازي اللي أبويا شقّ وتعب فيه عشان يجيبه، مرمي ومستعمل قدام الكل، روحي كانت بتطلع وأحس بغصة ت. ني. لحد يوم الجمعة اللي فاتت، كانوا كلهم نازلين ورايحين عند أخت جوزي عشان والدة. دي كانت فرصتي!
نزلت كنيسة الشقة التحتانية بخطوات سريعة ومرعوبة، ولميت كل حاجة تخصني: الكاسات، علب الثلاجة، وطقم الميلامين، وطلعت جري على شقتي رصيتهم في دولابي وأنا حاسة بانتصار وهمي. بس الفرحة ماكملتش. رجعت من عند أخت جوزي وهي مصدومة، وشها محمر من الغضب، وقفت في وسط الصالة وندهت بصوت عالي: “تعالي لي هنا يا ريم!
فين حاجتي.. قصدي حاجات المطبخ اللي كانت تحت؟!”
وقفت على باب المطبخ وقلت بثبات غريب: “دي حاجاتي يا ماما، وأنا لميتها وطلعتها شقتي!”
#الكاتب_رومانى_مكرم هنا بقى.. حماتي فتحت بقها وشهقت شهقة خلت البيت كله يترج، وقالت وهي بتلطم على وشها: “طلعتيهم إزاي؟! بسلامتك بتاخد حاجتنا على غفلة؟! ده انتي لسه ليكي عين تتكلمي!”
قربت مني وخطوتها بتخبط في الأرض، وبصت في عيني وقالت بتهديد يخوف: “اسمعي مني بقى كويس يا عروسة.. المرة دي عدت بمزاجي، بس من بكرة.. كل جهازك ده لازم ينزل تحت، والغسالة والبوتاجاز كمان ينزلوا هنا، مفيش حاجة فوق لوحدك!”
ي ترى هيحصل إيه.. لما الغسالة والبوتاجاز ينزلوا تحت، وجوازة لسه في أولها والولعة ولعت بين العروسة وحماتها؟! و
صوت شهقتها كان لسه بيرن في ودان ريم، والجملة كانت عاملة زي الصاعقة اللي نزلت على دماغها: “من بكرة.. كل جهازك ده لازم ينزل تحت، والغسالة والبوتاجاز كمان ينزلوا هنا، مفيش حاجة فوق لوحدك!”
وقفت ريم ودموعها في عينها بس الغضب كان بيغلي جواها، بصت لحماتها بثبات وقالت بصوت هادئ بس حاسم: “يا ماما، جهاز ايه اللي ينزل تحت؟ الغسالة والبوتاجاز دول أساس شقتي، أنا مش هعرف أطبخ ولا أعمل حاجة من غيرهم في بيتي!”
حماتها قربت خطوة تانية وعنيها بتطلع شرار، ورفعت صباعها في وشها وقالت بتهكم: “بيتك؟! أنهي بيت ده اللي بتتكلمي عنه يا فالحَة؟! هو أنتو كتبتوا البيت باسمكم ولا إيه؟ الشقة دي بيت ابنِي، وكل اللي فيها بتاعي، والست اللي تدخل بيت عيلة زي ده تسمع الكلمة وتصم بقها، مش تسرق حاجتها وترجع تشرط!”
في اللحظة دي، فتح باب الشقة ودخل زوجها “أحمد” وبص للجو المشحون والتوتر اللي مالى المكان. سأل باستغراب: “في إيه يا جماعة؟ صوتكم عالي ليه من على السلم؟ الدُنيا مقلوبة ليه؟”
حماتها نطت بسرعة، والدمعة كانت جاهزة على خدها بغرض التمثيل، وقالت بصوت منتــ,,ـــــحب: “الحق مرتك يا أحمد.. من ورا ضهري نزلت سحبت حاجات المطبخ كلها وسرقتها من تحت وطلعتها فوق، وكمان قليلة الأدب بتقولي مش هنزل حاجة! دي باين عليها ناوية تملى البيت مشاكل من أول أسبوعين!”
أحمد بص لريم نظرة لوم وعتاب، وقال بضيق: “يا ريم، إيه اللي عملتيه ده؟ ليه تعملي مشكلة على شوية أواني؟ ما تخلي أمي ترتاح، إيه يعني لما الحاجات تكون تحت، ما كلنا واحد ومش هتيجي على حاجة يعني!”
الكلمة نزلت على قلب ريم زي السكــ,,ـــــينة. بصرخة مكتومة وبدموع نزلت غصب عنها، بصت لجوزها وقالت: “أنت بتقول إيه يا أحمد؟! أنت شايف مامي بتعمل إيه؟ دي عايزة تنزل الغسالة والبوتاجاز كمان! يعني أبقى خدامة في شقة أهلك وأطلع عيني، وفلوس أبويا اللي شقى فيها وسافر واتغرب سنين عشان يجيب لي جهازي تروح للناس تستعملها وتكسرها وأنا أتفرج؟!”
