د الألفي. بنت الراجل اللي عيلتك وعمك نهبوا حقه زمان، وبنت الست الشريفة اللي أمك المحترمة وقفت تشتمها قدام الجامعة وتقول عليها بتمثل بمرضها.
مصطفى فتح بقه پصدمة شلت حركته، عينيه وسعت لدرجة الړعب أحمد… الألفي؟! عمي أحمد اللي ماټ زمان؟! يعني إنتي… إنتي وباباكي أصحاب نصيب الأسد في شركات العيلة؟! نور… أنا… أنا أقسم بالله ما كنت أعرف! قسماً بالله أنا بحبك إنتي لشخصك، مكنتش أعرف أصلك ولا فصلك، ومكنش يهمني غيرك!
وده اللي وجعني يا مصطفى… قولتله وأنا باصة في عينيه بكل صراحة، إنك كنت عارف أمك كويس، وكنت عارف إنها بتعاملني بجحود واستعلاء، ومع ذلك كنت دايماً بتقولي معلش دي أمي وهتتعود، كنت عايزني أستحمل الإهانة عشان خاطرك، كنت عايز أمي تنام مکسورة عشان ترضي غرور الست والدتك. الحب مش إنك تسيب اللي بتحبه يتداس عليه يا مصطفى… الحب ضهر وسند، وإنت ضهرك كان مكسور قدام أمك.
نور… متسيبينيش، أرجوكي! مسك إيدي بلهفة ودموعه نزلت على وشه، هنصلح كل حاجة، هسيب أهلي، هسيب كل حاجة وهاجي معاكي، والله هروح أعتذر لمامتك وأبوس رجلها قدام الشارع كله، بس متعمليش فيا كده!
شيلت إيدي من بين إيديه بالراحة، بس بحسم الموضوع مابقاش بإيدي ولا بإيدك يا مصطفى… اللي زرع الشوك لازم يحصده، ومامتك زرعت غل واستكبار، وجه وقت الحصاد. ارجع لبيتك، وسند مامتك… عشان اللي جاي عليها مش قليل.
لفيت ضهري، وركبت العربية، وقفلت الباب. السواق اتحرك بسلاسة، ومصطفى فضل واقف في مراية العربية يرجع لورا لحد ما اختفى في زحمة الشارع. حسيت بنغزة في قلبي، حب كان ليه ذكرى حلوة بېموت للأبد، بس كان لازم ېموت عشان كرامتي وكرامة أمي تعيش.
العربية مشيت في شوارع القاهرة الجديدة، لحد ما دخلت من بوابة مجمع شركات عملاق محاط بحراسة مشددة. برج زجاجي شاهق عليه لوحة نحاسية فخمة مجموعة شركات ومصانع الألفي القابضة.
أول ما العربية وقفت قدام المدخل الرئيسي، كان في اتنين موظفين علاقات عامة مستنيين، فتحوا الباب باحترام مبالغ فيه أهلاً بيكي يا دكتورة نور… اتفضلي، سليمان بيه في انتظارك في قاعة الاجتماعات الرئيسية.
مشيت في الرخام اللي بيلمع، الناس كلها كانت بتبصلي، كان في همسات وتساؤلات في كل ركن مين دي؟، دي اللي سليمان بيه قالب الدنيا عليها؟. كنت رافعة راسي، مش عشان الفخامة
دي بتبهرني، لأ، كنت رافعة راسي لأني شفت عرق أمي في كل مليم بنى المكان ده، ده حق أبويا اللي ماټ بحسرته.
ركبنا الأسانسير وطلعنا للدور الأخير. باب قاعة الاجتماعات اتفتح، وكان المشهد اللي شفته كفيل يلخص معنى العدالة الإلهية في الدنيا.
طاولة اجتماعات بيضاوية ضخمة من خشب الأرو الفاخر، عمي سليمان قاعد على رأس الطاولة بكامل هيبته، وحواليه أربع محامين كبار بملفات وقضايا. وعلى الكراسي اللي في الجنب، كانت قاعدة ميرفت الألفي، أم مصطفى!
بس مكنتش الست المتغطرسة اللي وقفتلي قدام الجامعة ببرفانها الغالي ونظرتها المتعالية. كانت قاعدة مڼهارة، شعرها منكوش شوية، عينيها منفخة من البكاء والذعر، وجنبها جوزها، راجل باين عليه الانكسار التام، بيبصوا في الأرض كأنهم متهمين مستنيين حبل المشنقة.
أول ما دخلت، عمي سليمان قام وقف على حيله، وابتسامة فخر عريضة نورت وشه أهلاً… ببنت أحمد الألفي، صاحبة الشأن وصاحبة الحق.
المحامين كلهم قاموا وقفوا احتراماً. ميرفت رفعت وشها ببطء، وأول ما عينها جت في عيني، وشها اتقلب للون الرمادي، ورجليها كانت بتخبط في بعضها من الړعب. هي مكنتش متخيلة إن البنت
اللي
