اماني سيد بعد اسبوع من جوازى حمايا تعب والدكاتره قالوا مافيش أمل قعد شهر معايا كنت شيلاه وبخدمه وبعتها تو. فى قولت بينى وبين نفسى أخيرا هبقى عروسه والبس براحتى فى بيتى لكن معداش اسبوعين وأخو جوزى تعب …
اماني سيد
بعد اسبوع من جوازى حمايا تعب والدكاتره قالوا مافيش أمل قعد شهر معايا كنت شيلاه وبخدمه وبعتها تو. فى قولت بينى وبين نفسى أخيرا هبقى عروسه والبس براحتى فى بيتى لكن معداش اسبوعين وأخو جوزى تعب وجوزى راح يزوره ولما جه اتفاجئت انه جايبه معاه سألته المفروض إنك رايح تزوره ليه تجيبه معاك وهو تعبان.
قالى اصله اتخانق مع مراته لانها مش عايزه تقعد من الشغل وكانت هتسيبله البيت وتمشى وأنا قولت احل المشكلة واجيبه يقعد معايا يومين ده اخويا ومالوش غيرى دلوقتي تانى يوم مراته جت بعد الشغل تزوره هى وولادهت ودخلت الاوضه وفضلت قاعده معاه وطلبت منى احضرلهم الغدا وادخله الاوضه عشان هو تعبان ومش هيقدر ياكل على السفره وحضرت الغدا وقعدوا كلهم كلوا على السرير انا قولت طالما اتصالحوا اكيد هتاخدوا وتمشى لكن لقتهم قعدوا لحد العشا وجوزى جه واتعشوا سوا وبعدين مراته اخدت عيالها ومشيت سالته جوزى طالما اتصالحوا ليه ماروحش معاهم قالى بمنتهى البرود عشان تعبان ومش هيقدر يمشى.
وقتها حاولت امسك اعصابي وقولتله ولما جبته مكنش تعبان برضوا وقادر يمشى؟
لا احلل قرائتها غير على صفحه قصص وروايات أمانى سيد
بص يا عمرو لو ماخدتش موقف انا اللى هاخد فضل يقولى معلش وهما يومين وبعدها اعملى اللى انتى عايزاه وتاتى يوم لقيت مراته جت وقت الغدا وعملت نفس اللى عملته قبل كده وقبل ماتمشى لقتها بتبلغنى ان لازم اغير طريقتى فى الطبخ عشان اكلى دسم وفضلت تدينى تعليمات الاكل ليها ولجوزها وانى لازم اهوى الاوضه ماستنهاش لما تيجى وتعمل هى بنفسها وقتها قولت لا مش هستحمل اكتر من كده وقررت اكلم جوزى وابلغه لكن اتفاجئت بيه إنه بيقولى اجهز اوضتنا عشان مرات اخوه هتيجى تقعد معانت فى الاجازه وسرير الاطفال مش هيشيلهم هما الاتنين وقتها جاتلى حالة زهول.
بصيتله وأنا مش مستوعبة الكلام، وحسيت إن وداني بتزن، فقلتله وأنا بحاول أستوعب اللي بيقوله:
ـ إيه؟ مرات أخوك هتيجي تقعد معانا في أوضتنا إحنا؟
رد بمنتهى الهدوء وكأنه بيبلغني إننا هنشتري حاجة للبيت:
ـ أيوه يا حبيبتي، أصل هي بتيجي من الشغل تعبانة ومش بتقدر تعمل غدا، والفترة الجاية هنقعد بولادها لحد ما أخويا يخف ويقدر يرجع بيته، وإنتِ عارفة إن أخويا لسه تعبان ومحتاج رعاية، ومراته مش هينفع تفضل طول اليوم بين الشغل والبيت والعيال.
بصيتله بصدمة وقلتله:
ـ طب وأنا؟ أنا مش تعبانة؟ أنا لسه عروسة يا عمرو، بقالي شهر ونص متجوزة، ومن حقي أعيش في بيتي وأرتاح مع جوزي، مش أبقى ممرضة لأبوك وبعده أخوك، ودلوقتي كمان هبقى خدامة لمرات أخوك وعيالها؟
اتغيرت ملامحه وقال بضيق:
