أنا عايشة مع حماتي بقالي أكتر من 13 سنه وخدمتها وشايلة البيت كله ومعايا في البيت سلفتي التانية مفيش حد بيسئل فى حماتي ولا بيخدمها وأنا دايما بخدمها هي أصلا مرات عمي وأنا من قبل جوازي وأنا بخدمها وشايلاها فوق دماغي لانى ده بيت عيله باسم جدى.
وشلت ابنها الى هو جوزى 12 سنه بهدلة وقلة قيمة وقلت مش مشكلة دي مرات عمي وجوزي ابن عمي وأنا شايلة الكل في عيني لحد ما عرفت من فترة إن جوزي متجوز عليا بقاله خمس سنين ومعاها ولد وأنا معايا ولادين وبنت يعني أنا جايبة له البنت والولد وشايلة بيته 12 سنه.
كانت أيدي صوابعها متشرحة من الماية والصابون، ومهدودة من الفجر. طلوع ونزول، مسح وطبيخ، وخدمة في بيت العيلة اللي متربية فيه من صغري. بيت جدنا الكبيـر اللي لمّنا كلنا. ۱۳ سنة جواز غير الأيام اللي قبلها، وأنا حاطة مرات عمي وحماتي دي فوق رأسي، شايلاها هي والبيت، وسلفتي التانية قاعدة حاطة إيد على إيد، لا بتتعب ولا بتشيل قشة، ومحدش بيتكلم ولا بيفتح بقه.
كنت أقول لنفسي: “معلش يا أمل، دي مرات عمك قبل ما تكون حماتك، وجوزك ابن عمك، والبيت ده بيتكم كلكم.. اصبري وتكتفي بالخير”.
شلت “مصطفى” جوزي على عيوبي وعيوبه، ۱۲ سنة بهدلة وقلة قيمة، مستحملة القسوة والكلمة الرمية، وأقول: “عشان خاطر العيال، وعشان خاطر عمي وريحة أهلي”.
ربنا رزقني منه بولدين وبنت، أطعم من السكر، كنت بشوفهم بيهونوا عليا الدنيا والخدمة اللي مابتخلصش. في اليوم ده، كان جسمي كله بيبكي من التعب. رقبتي مش قادرة ألفها، وضهري مقسوم نصين. نزلت شقة حماتي الصبح بدري كالعادة، لقيتها قاعدة بتشرب الشاي المغلوع.
مسكت ضهري بأيدي وقلت بصوت مقطوع من التعب:
ـ صباح الخير يا مرات عمي.. معلش يا أمي، أنا حاسة إني مهدودة النهاردة ومش قادرة أقف على حيلتي.. ضهري يموتني، هطلع أريح في شقتي شوية ومش هقدر أعمل الطبيخ ولا أروق التحتاني النهاردة. خلي سلفتي تنزل تشيل شوية.
بصت لي حماتي من فوق لتحت بنظرة باردة زاي التلج، حطت كوباية الشاي برنة يرن ليها البيت كله وقالت بقسوة:
ـ جرى إيه يا أمل؟ ما طول عمرك بتمسحي وتطبخي، جيتي النهاردة وبقيتي فافاني وتعبانة؟ ما سلفتك معزومة فوق عند أهلها، مين هيخدم البيت ويطبخ للرجالة لما يرجعوا من الورشة؟ قومي يلا بلاش دلع حريم، التعب ده حجة فاضية!
الكلمة نزلت عليا زي حجر تقيل. ۱۳ سنة عمري ما قلت “لا”، ولما لساني نطقها من وجعي، اتقال لي “دلع حريم”!
أخدت بعضي وطلعت وشي بيغلي، ودخلت شقتي قفلت الباب عليا. لأول مرة أقرر أسمع لكلام جسمي وأقول: “أنا تعبانة ومش نازلة”.
قعدت على الكنبة في الصالة أتنفس بالعافية، ودموعي نازلة من القهرة. وشوية وسمعت صوت خطوات مصطفى جوزي طالع على السلم، ودخل الشقة وهو بيتنفض ومزرجن.
ضرب الباب برجليه وزعق بكل قوته:
ـ أنتِ قاعدالي هنا ومكبرة الجثة وأمي تحت قاعدة لوحدها والبيت يفور؟! إزاي تقولي لها مش خادمة ولا نازلة؟! أنتِ نسيتب نفسك ولا إيه يا هانم؟!
بصيت له ودموعي محبوسة في عيني وقلت له بصوت مكسور:
ـ أنا تعبانة يا مصطفى، بقالي ۱۳ سنة شايلة البيت ده على كتفي محدش قال لي تسلم إيدك.. ضهري اتكسر من الخدمة، هي جرت حاجة لما أريح يوم؟
قرب مني وشتم بصوت واطي وهو بيجز على سنانه:
ـ تريحي لما أقولك ريحي! البيت ده طول عمره ماشيك كده، ومفيش واحدة في البيت ده تقعد وتحط رجل على رجل!
في اللحظة دي، سمعنا صوت خبط جامد على باب الشقة، وصوت حماتي طالع على السلم بتهلل وتزعق:
ـ انزل يا مصطفى.. انزل يا ابني هات شنطتك وشنطة مراتك وابنك! الشقة دي خلاص تلزمهم!
أنا اتسمرت مكاني. بصلت لمصطفى، وشفت في عينيه نظرة زيغ وغدر عمرها ما دخلت بيتي.
حماتي دخلت الشقة، وقفت في نص الصالة، وحطت إيدها في وسطها وقالت بابتسامة صفرا تذبح:
ـ ما أصلك لازم تعرفي يا أمل.. مصطفى جوزك متجوز عليكي بقاله خمس سنين حتة دين بنت، ومخلف منها ولد زاي القمر اسمه “أحمد”.. وأنا اللي خطبتها له بإيدي، وأنا اللي سلفته قرشين الجوازة عشان يفك عن نفسه ويبص لنفسه شوية! والنهاردة الشقة دي هيتم فتحها، وضرتك نازلة تعيش معاكي هنا في نفس الشقة عشان نلم العيلة والأولاد كلهم تحت عينيا!
الدنيا لفت بيا.. السقف كان بينزل على رأسي، والصوت كان بيتردد في وذني زي أذن الحريق: خمس سنين؟ متجوز؟ وحماتي هي اللي جوزته؟ مرات عمي اللي شايلها على رأسي وبخدمها بعرق عافيتي؟
بصيت لمصطفى وأنا مش مصدقة، مسكت في حرف الترابيزة عشان ما أقعش، وقلت بصوت يرعش زي الخيط:
ـ خمس سنين يا مصطفى؟ ومرتك.. مرات عمي هي اللي جازتك؟ أستأمنتها على عمري وحياتي وخدمتها رموش عينيا.. وتقوم تجوزك عليا وتجيبها تعيش معايا في شقتي؟
رد مصطفى بمنتهى البرود وهو بيدور وشة:
ـ اه متجوز، ودي شقتي وبيت أبيا وجدي، والولد الصغير من حقه يعيش في بيت أبوه.. وندى مراتي التانية طالعة الشنط بالدكانة تحت، وهتدخل تعيش هنا.. وعاجبك على كده أهلاً وسهلاً، مش عاجبك.. أعلى ما في خيلك اركبيه!
سمعت كلكس عربية تحت البيت، وصوت حماتي بتنادي من البلكونة: “اتفضلي يا عروسة.. أهلاً بيكي في بيتك يا ندى!”.. وقفت في نص الصالة، دموعي جفت فجأة، وحسيت بنار بتولع في صدري، نار كفيلة تهد بيت العيلة ده كله على اللي فيه…
نزلت ندى العروسة الجديدة الشنط من العربية، وصوت حماتي كان طالع من البلكونة يهلل ويجلجل في البيت كله، وكان كل صوت بيطلع منها بيغرس سكين أعمق في قلبي.
