“لو بنتي اشتكتلي منك مرة تانية… مش هاجي بصفتي نسيبك.” رفع عز حاجبه. وقال “أمال هتيجي بإيه؟” قال المأمور وهو ثابت في مكانه: “هايجي بصفتي مأمور البلد اللي بنتي مرتاحتش فيها من اول يوم جواز … وساعتها مش هيفرق معايا انك ابن العمدة.” وقبل ما حد يرد… انفتح باب المجلس بعنف.
ودخلت الحاجة فهيمة، مستندة على عصاها، وعينيها تايهة. بصت حواليها باستغراب، وقالت بصوت عالي: “خير يا ولاد… هو إيه اللمة دي؟” سكت الجميع. لفت تبص للمأمور، وابتسمت. “أهلًا يا فاروق… جيت تزورنا؟” ابتسم المأمور احترامًا. “أيوه يا حاجة.”
بصت ناحية عز، وبعدين قالت الجملة اللي خلت الإحساس يتجمد في عروق العمدة رجب: اية يا عز… سايب مرتك غزل يوم فرحكوا واقف في مجلس الرجالة لية اطلع يا ولدي لمرتك انت لساك عريس ؟” وقع الصمت على المجلس كأنه صاعقة.
غزل، اللي كانت واقفة عند آخر الممر شايلة صينية القهوة، اتجمدت مكانها. الصينية اهتزت بين إيديها… وكوباية القهوة وقعت على الأرض، واتكسرت، وصوتها سمع في السرايا كلها. كل العيون اتلفتت ناحيتها… أما العمدة رجب… فاتغير لون وشه، لأول مرة، كأن الحاجة فهيمة نطقت بكلام صحي حواه سر بيحاول يخبية حتي بينة وبين نفسة كملوا باقي البارت جوه اللينك عشان تعرفوا اية اللي حصل واية هو السر اللي مخبية العمدة ومين هي غزل بالنسبة للعمدة.
. …… غزل شهقت بخضة، ونزلت بسرعة على ركبها تجمع حتت الفخار من على الأرض، وإيديها بتترعش. “حقك عليا… حقك عليا يا بيه.” ولا حد رد عليها. كل الأنظار كانت متعلقة بالحاجة فهيمة. العمدة رجب اتحرك أول واحد، وقرب من أمه وقال وهو بيحاول يبتسم: “إنتِ لخبطتي بين الناس يا حجة… عز متجوز ياسمين بنت المأمور، وكتب كتابهم كان امبارح.”
بصتله الحاجة فهيمة باستغراب. “هو أنا خرفت للدرجة دي يا رجب؟” اتوترت ملامح العمدة. “لا يا أما.” “أمال ليه فاكرة إني سمعتك بنفسك بتقولي لغفران قبل ما يرحل… غزل لعز.” وقعت الجملة على المجلس كأنها حجر في مية راكدة. عز رفع عينه فجأة ناحية جدته.
وسالم بص للعمدة في ذهول. أما المأمور فاروق، فبقى يراقب كل وش في المجلس من غير ما ينطق. العمدة ضحك ضحكة قصيرة، باينة فيها العصبية. “الزهايمر لعب بعقلها يا جماعة.” الحاجة فهيمة ضربت الأرض بعصاها. “أنا يمكن أنسى أسامي الناس… لكن وعد قطعته لابوك عمري ما أنساه.”
لفت ناحية عز. “تعال يا ولدي.” اتقدم عز ببطء. مسكت إيده، وربتت عليها. “إوعى تزعل مني لو نسيتك ساعات… لكن دي فاكراها زين.” وبصت ناحية غزل اللي كانت لسه منزلة راسها. “البت دي… ليها حق في الدار دي.” العمدة صرخ لأول مرة: “كفاية يا أما.”
سكتت. بصلها بنظرة كلها رجاء أكتر منها غضب. “اطلعي ارتاحي يا اما.” دخلت نفيسة بسرعة، ومسكت الحجة فهيمة من دراعها. “يلا يا حجة… تعالي معايا.” الحاجة فهيمة وهي ماشية، فضلت تبص لغزل. وقالت بصوت واطي: “سامحيني يا بتي… الظلم عمره ما بيدوم.” ومشيت مع مرات ابنها العمدة.
“إيه الكلام اللي كانت بتقوله الحجة فهيمة ده؟” رد العمدة بسرعة: “كلام واحدة كبيرة في السن، المرض لعب بعقلها هتاخد علي كلامها ايام يا سيادة المأمور ” لكن المأمور ما اقتنعش. كان باصص لعز. ولاحظ حاجة غريبة. من أول ما اسم غزل اتقال… وعيون عز ما فارقتش البنت.
قال بهدوء: “اسمها غزل، صح؟” ردت نفيسة بسرعة قبل أي حد: “أيوه… خدامة عندنا من كام سنة من وهي عيلة صغيرة كانت يتيمة عطفنا عليها وربناها وسطينا بص المأمور لغزل. “تعالي يا شاطرة اتخشبت مكانها.
العمدة قال بحدة: “واقفة ليه؟ حضرة المأمور بيناديكي يا بت. قربت بخطوات مترددة. وقفت وهي منزلة راسها. المأمور سألها بهدوء: “اسمك بالكامل إيه؟” “غزل… غزل حسن.” “أبوكي فين؟” ارتعش صوتها. “اتوفى… وأنا صغيرة.” “وأمك؟” سكتت ثواني. “معرفهاش عمري ما شوفتها قالولي ماتت وهي بتولدني.
العمدة ادخل بسرعة. “يا حضرة المأمور… البت ملهاش حد، وإحنا اللي مربينها.” لكن المأمور رفع إيده يسكته. وكان لسه هيسأل سؤال تاني… راح عز قطع الكلام. “الأسئلة دي ملهاش لازمة.” بصله المأمور. “وأنت مالك متضايق ليه؟” رد عز بثبات: “عشان البنت مرعوبة.”
رد المأمور وهو بيدقق في ملامحه: “واضح إنها تهمك.” العمدة حس إن الأرض بتسحب من تحت رجليه. فقال بحسم: “الموضوع انتهى.” لكن المأمور ابتسم ابتسامة صغيرة. “لأ… واضح إنه لسه هيبتدي.” في اللحظة دي… دخل منصور الغفير يجري، ونفسه مقطوع. “يا عمدة… في واحد واقف برة السرايا.”
العمدة عقد حواجبه. “مين؟” “بيقول إنه جاي يدور على بت اسمها غزل… وبيقول إنها تبقى بنت أخوه، وإنه معاه ورق يثبت نسبها.” اتجمدت غزل. عز قبض إيده بقوة. أما العمدة… فاختفى لون وشه تمامًا، وهمس من بين أسنانه لأول مرة بخوف حقيقي: “مستحيل… بعد السنين دي كلها!”
……… اتبادل العمدة والمأمور نظرة سريعة، لكن كانت كفاية تقول إن في حاجة أكبر بكتير من مجرد راجل بيدور على بنت. العمدة قال وهو بيحاول يثبت صوته: “مين الراجل ده؟” رد منصور وهو لسه بيجاهد يلقط نفسه: “بيقول اسمه حمدان حسن… وجاي من محافظة تانية… ومعاه ملف في ورق كتير، وبيقول مش هيمشي غير لما يقابل غزل.”
المأمور فاروق ضيق عينه وقال: “دخله.” العمدة رد بسرعة وحزم: “لأ.” بصله المأمور باستغراب. “لأ ليه؟” “عشان دي سرايتي… وأنا اللي أحدد مين يدخلها.” المأمور ابتسم ابتسامة خفيفة. “ولو الراجل معاه حق؟” رد العمدة من غير ما يتردد: “الحق أنا اللي أعرفه.” الكلمة دي خلت عز يرفع عينه ويبص لأبوه.
كان أول مرة يحس إن أبوه خايف… مش غاضب. قال عز بهدوء: “خليه يدخل يا بوي… لو كداب هنعرف.” العمدة بصله بحدة. “وأنت من إمتى بتاخد القرار مكاني؟” “من ساعة ما الموضوع بقى يخص واحدة مالهاش غير ربنا.” العمدة شد على عصايته بقوة.
لكن المأمور سبق وقال: “أنا كمان شايف إنه يدخل.” سكت العمدة ثواني طويلة. وبعدين قال لمنصور: “هاتُه.” خرج منصور، وبعد أقل من دقيقة رجع، وراه راجل في أواخر الخمسينات، هدومه بسيطة، ووشه شايل تعب السنين، ولحيته كلها شيب. أول ما دخل… لف بعينه في المجلس كله.
لحد ما وقعت عينه على غزل. اتجمد مكانه. وشفايفه اترعشت. همس بصوت مخنوق: “يا… يا الله شبه امك الخالق الناطق.” غزل كانت باصة له باستغراب. ولا تعرفه. الراجل قرب خطوتين، لكن عز وقف قدامه تلقائيًا. “على مهلك.” رفع الراجل عينه لعز. وقال: “أنا مش جاي أذيها.
“على مهلك.” رفع الراجل عينه لعز. وقال: “أنا مش جاي أذيها.” رد عز: اولا متقدرش تأذيها واحنا موجودين ثانبا عرف نفسك الأول.” بلع الراجل ريقه. “اسمي حمدان حسن.” وبص لغزل. “وأخو أبوها.” اتسعت عيون غزل. “إيه؟!” العمدة ضرب بعصايته الأرض. “كداب.” لف حمدان ناحيته. “ليه؟”
“عشان أبوها مات هو ومراته، وماكانش ليهم حد.” ابتسم حمدان ابتسامة كلها مرارة. “ودي الحكاية اللي قولتوها للناس.” المجلس كله سكت. قال المأمور: “معاك دليل؟” فتح حمدان الملف اللي في إيده، وطلع شهادة ميلاد قديمة، وصورة لرجل شايل طفلة رضيعة. مد الصورة للمأمور. “ده أخويا حسن… ودي بنته.”
المأمور أخد الصورة. وبدأ يقلب فيها. كانت صورة قديمة فعلًا. لكن ملامح الراجل فيها… شبه غزل بشكل واضح. المأمور رفع عينه للعمدة. “تعرف الراجل ده؟” العمدة بص للصورة ثواني. ملامحه ما اتهزتش. لكن إيده اللي ماسكة العصاية… ارتعشت. رد ببرود: “معرفوش.”
في اللحظة دي… الحاجة فهيمة خرجت من آوضتها، وكانت نفيسة بتحاول تمنعها. لكنها زقتها بإيدها. وأول ما شافت الصورة في إيد المأمور… صرخت. “حسن!” اتلفت الكل ناحيتها. قربت بخطوات بطيئة، وخدت الصورة من إيد المأمور. وضمتها لصدرها وهي بتعيط. “يا ضنايا… يا ولدي.”
العمدة جري عليها. “يا أما…” لكنها زقته لأول مرة في حياتها. وقالت وهي بتبصله بعيون مليانة وجع: “اسكت يا رجب.” سكت. كانت أول مرة أمه تأمره بالشكل ده. لفت ناحية غزل. ومدت إيديها ناحيتها. “تعالي يا بتي.” قربت غزل وهي مش فاهمة أي حاجة.
الحاجة فهيمة حطت إيديها على خدها. وقالت وهي بتبكي: “سامحيني… سامحيني يا بنت حسن… ظلمناكي سنين.” الكل كان واقف ساكت أما عز… فكان واقف مكانه، حاسس إن الأرض بتتهز تحت رجليه. بص لأبوه. ولأول مرة في حياته… شاف في عيون العمدة رجب نظرة هزيمة حقيقية.
