حت الباب بالراحة، لقيتها نايمة على السرير، وشعرها الأبيض مبعثر على المخدة، ووشها دبلان وباين عليه تعب السنين والمړض. أول ما فتحت الباب، فتحت عينها بصعوبة وبصت لي نظرة كأنها مش مصدقة.
قربت منها، وسحبت الكرسي وقعدت جنب السرير. بصيت في عيونها اللي كانت مکسورة، ولقيت الشفايف الناشفة بتتحرك وعايزة تقول كلمة بس الصوت مش طالع.
مديت إيدي، وسندت راسها بالراحة، ومسكت معلقة الأكل وبدأت أأكلها بهدوء، كأنها واحدة من بناتي.
وهي بتاكل، نزلت دمعة سخنة من عينها على خدها، وقالت
بصوت واطي ومتقطع
سامحيني سامحيني يا بنتي، أنا كنت عميا وظالمة.
بصيت قدامي، ومردتش عليها بالكلام، بس ابتسمت لها ابتسامة خفيفة، وقلت في نفسي ربنا يسامحك يا طنط، وربنا هو اللي عالم باللي في القلوب.
سكتنا إحنا الاتنين، وفضلت قاعدة جنبها لحد ما خلصت أكلها وشربتها المية، وعدلت لها المخدة تحت راسها، وغطيتها كويس. وقبل ما أطلع من الأوضة، لقيتها نادت عليّا بصوت ضعيف
يا أم البنات تعالي هنا.
رجعت وقفت جنب السرير باستغراب، فمدت إيديها التعبانة، مسكت إيدي وقالت بحړقة
عايزة البنات
نفسى أشوفهم وأضمهم قبل ما أموت، وأقولهم إن تيتا كانت غلطانة وحلوة منهم يسامحوني.
الكلمة دي هزتني من جوه، و حسيت إن الحجر اللي كان في قلبي ابتدى يلين، وابتديت أفكر هل أجيب البنات وأخليهم يشوفوها وهي بالحالة دي؟ ولا أسيبهم شوية لحد ما أهدي الدنيا؟
رجعت بعقلي لورا، ولقيت نفسي قدام مفترق طرق جديد، مش بس مع حماتي، دي مرحلة جديدة هتعلم بناتي إحنا بندي التربية والأصل إزاي للأجيال اللي طالعة!
ياترى أعمل إيه في الطلب ده؟ هل أسمح لبناتي يدخلوا يشفوها وهي تعبانة ويقربوا منها، ولا
أستنى شوية؟
