
ومتنسوش تصلوا على النبي محمد ﷺ، اللهم صلِّ وسلم وبارك على سيدنا محمد وعلى آله وصحبه أجمعين. الجزء الثاني: السر اللي جوزي خبّاه عني يوم وفـ,ـاة ابني! «إنت فاكر إنك لما تخبي عنها اللي حصل يوم وفـ,ـاة ابنها، هتفضل مخبي الحقيقة طول العمر؟!
» الجملة دي سمعتها من أخو جوزي وأنا واقفة ورا باب الأوضة، وحسيت إن قلبي هيقف من الخوف. فضلت واقفة مكاني، مش قادرة أتحرك ولا حتى أنده عليه، وعقلي بيجيب ألف احتمال واحتمال. يا ترى إيه اللي حصل يوم وفـ,ـاة ابني وأنا معرفش عنه حاجة؟
هل ابني مـ,ـات بسبب إهمال؟ هل جوزي عمل حاجة غلط؟ ولا فيه مصيبة أكبر من كده؟ سمعت أحمد بيقول لأخوه بصوت واطي وعصبي: — إنت عايز تفضحني قدام مراتي؟ مش كفاية اللي أنا فيه؟! أخوه رد عليه: — أنا مش عايز أفضحك يا أحمد، بس البنت دي من حقها تعرف الحقيقة، بدل ما هي قاعدة تلوم نفسها على مـ,ـوت ابنها، وإنت سايبها تتعذب لوحدها!
حطيت إيدي على بقي، وحسيت إن رجلي مش شايلاني. ألوم نفسي على مـ,ـوت ابني؟! هو أنا كنت بلوم نفسي فعلًا، من يوم ما ابني مـ,ـات وأنا كل شوية أفتكر لو كنت عملت كذا، لو كنت خدته لدكتور تاني، لو كنت لحقت أتصرف أسرع، يمكن كان زمانه في حضني دلوقتي.
لكن ليه أخوه بيقول الكلام ده؟ وفجأة سمعت أحمد بيزعق: — خلاص يا محمود! الموضوع انتهى، ومش عايز أسمع منك كلمة تاني! محمود قاله: — انتهى بالنسبة لك إنت، إنما بالنسبة لها لسه كل يوم بتمـ,ـوت ألف مرة.
إنت مش شايف حالتها؟ دي من يوم وفـ,ـاة ابنها وهي مش عارفة تنام، وإنت بدل ما تطبطب عليها بتضغط عليها علشان تحمل تاني! أحمد رد بصوت مخنوق: — وأنا أعمل إيه؟! أنا كمان ابني مـ,ـات! هو إنتوا فاكريني حجر؟
! سكت محمود شوية، وبعدها قال: — أمال ليه مش قادر تقولها إنك كنت السبب في تأخير وصوله المستشفى؟ حسيت إن الدنيا اسودت في عيني! فتحت الباب مرة واحدة، ولقيت أحمد واقف قدام أخوه، وأول ما شافني وشه اتغير، ومحمود نفسه سكت وبص في الأرض.
بصيت لأحمد وقلتله وأنا برتعش: — إنت كنت السبب في إيه؟! ابني مـ,ـات إزاي يا أحمد؟! إنت مخبي عني إيه؟! أحمد قرب مني وقال: — اهدي يا حبيبتي، إنتِ فهمتي الكلام غلط. رجعت لورا وقلتله: — متقوليش يا حبيبتي! أنا سمعت كل حاجة. إنت كنت السبب في تأخير وصول ابني المستشفى؟
يعني إيه الكلام ده؟! محمود بص لأخوه وقال: — كفاية يا أحمد، قولها الحقيقة. أحمد بصلي، وبعدها نزل عينه في الأرض، وفضل ساكت. صرخت فيه: — اتكلم! ابني مـ,ـات ليه؟! قعد على الكنبة وحط إيده على وشه، وقال بصوت مبحوح: — يوم ما ابننا تعب، إنتِ كنتِ بتقوليلي لازم نروح المستشفى، وأنا قلتلك نستنى شوية، يمكن المغص يخف، وافتكرت إن الموضوع بسيط.
حسيت إني مش فاهمة. قلتله: — أيوه، أنا فاكرة. بس إنت بنفسك نزلت وجبت العربية بعد كده، وروحنا المستشفى! قال: — أنا عارف، بس أنا اتأخرت قبل ما أنزل بالعربية، وكنت فاكر إنه هيبقى كويس. ولما وصلنا المستشفى، الدكتور قال إن حالته خطيرة، وإنه كان محتاج يتنقل بسرعة.




