قلتله: ـ رد يا حبيبي، يمكن عايزة حاجة. رد عليها، وأنا دخلت المطبخ أعمل الشاي، لكن صوتها كان عالي لدرجة إني سمعتها من مكاني. كانت بتقوله: ـ إنت كنت فين النهارده؟ قالها: ـ كنت مع ماما عند أهل البنت اللي أنا عايز أتجوزها. سكتت ثواني، وبعدها صرخت: ـ ماما مين؟
إنت بتتكلم عن مين؟ قالها بهدوء: ـ طنط… اللي ربتني، واللي أنا بعتبرها أمي. ردت عليه: ـ إنت اتجننت؟! إنت رحت تخطب لنفسك من غير أبوك؟ وإزاي الست دي تروح معاك؟ هي بصفتها إيه أصلًا؟
الولد حاول يهديها: ـ لو سمحتي، دي أمي اللي ربتني، ومش هقبل إن حد يقلل منها. قالتله: ـ أمك إنت؟! إنت ليك أب عايش، وليك بيت وعيلة، وإحنا أولى بيك منها! وبعدين إنت دلوقتي بقيت دكتور، ومش معقول تفضل طول عمرك متعلق بواحدة غريبة عنك!
أنا كنت واقفة مكاني، وإيدي بتترعش، وحاسة إن كل كلمة بتتقال بتخبط في قلبي. ابني رد عليها بعصبية: غريبة عني؟! دي اللي شالتني وأنا رضيع، واللي كانت بتسهر جنبي وأنا عيان، واللي دفعت من عمرها وصحتها عشان أوصل للي أنا فيه! إنتي بتتكلمي عن مين بالظبط؟
لكنها ما سكتتش، وفضلت تعلي صوتها لحد ما قالت: ـ أنا مش هسكت على المهزلة دي، وهكلم أبوك حالًا! قفلت المكالمة، وبعدها بدقايق، لقيت تليفوني أنا اللي بيرن. كان أبوه. رديت وقلت: ـ أيوه يا أخويا، خير؟
لقيته بيكلمني ببرود عمري ما سمعته منه قبل كده: ـ إنتي إزاي تروحي تخطبي لابني من غير ما ترجعيلي؟ اتصدمت وقلتله: ـ ابنك؟! هو أنا قلت إنه مش ابنك؟ ده أنا اللي قلت له لازم يجيبك وتقف جنبه، وأنا اللي حريصة إنك تكون موجود في فرحته!
رد عليا: ـ بس إنتي مالكيش صفة في الموضوع ده. إنتي لا أمه ولا ولي أمره. أنا أبوه، وأنا اللي المفروض أكون معاه. حاولت أتماسك وقلتله: ـ وأنا عمري ما ادعيت إني ولي أمره، ولا قلت إني أمه بالدم.
لكن إنت عارف كويس إن الولد عاش معايا 28 سنة، وإنك كنت بتشوفه على فترات، وإن مراتك نفسها كانت بترفض إنه يدخل بيتك! صوته علي وقال: ـ خلاص بقى، اللي فات مات. ابني كبر وبقى دكتور، ومن حقه يرجع لحــ,,ـــــضن أبوه وأهله.
إنتي عملتي خير وخلاص، وربنا يجازيكي، لكن ما ينفعش تفضلي مسيطرة عليه طول عمرك. الكلمة دي وجعتني أكتر من أي حاجة. سيطرت عليه؟! هو أنا لما كنت ببيعه دهبي عشان أدفع مصاريف دروسه، كنت بسيطر عليه؟ ولما كنت أبات قدام باب أوضة الطوارئ عشان أطمن عليه، كنت بسيطر عليه؟
ولما جوزي مات، والولد حــ,,ـــــضني وقاللي: ما تخافيش يا ماما، أنا مش هسيبك أبدًا، كنت بسيطر عليه؟! لقيت نفسي بقوله: ـ أنا ما طلبتش من ابنك يبعد عنك، ولا يوم منعته يزورك. بالعكس، أنا اللي كنت بشجعه عليك.
لكن إنت عمرك ما فكرت تسأل نفسك هو ليه كان بيرجع من عندك زعلان؟ وليه كان بيقعد على باب شقتك بالساعات عشان مراتك مش عايزاه يدخل وسط عيالها؟! سكت شوية، وبعدها قال ببرود: ـ أنا مش هفتح دفاتر قديمة.
من النهارده أي حاجة تخص ابني تتعمل عن طريقي أنا ومراتي، ومش عايز مشاكل. وقفل السكة في وشي! وقفت في المطبخ مش قادرة أتحرك، ودموعي نازلة لوحدها. ابني دخل عليا، ولما شافني بالشكل ده، فهم إن أبوه كلمني.
قرب مني وقال: ـ ماما، إنتي بتعيطي ليه؟ مسحت دموعي بسرعة وقلت: ـ مفيش يا حبيبي، أنا بس تعبانة شوية. مسك إيدي وقال: ـ بصيلي يا ماما. أنا عارف إن بابا ومراته كلموكي، وعارف إنك بتحاولي تخبي عني عشان ما أزعلش.
بس أنا عايزك تعرفي إن مفيش حد في الدنيا يقدر ياخد مكانك عندي. قلتله: ـ يا ابني، أنا مش عايزة أخسرك، ولا عايزة أكون سبب في خلاف بينك وبين أبوك. ده أبوك في الآخر، ومهما حصل ما ينفعش تقاطعه عشاني.
قاللي: ـ وأنا مش هقاطعه، بس برضه مش هسمح لحد يهينك. وبعدين قام دخل أوضته، وبعد شوية خرج وهو لابس هدومه. قلتله: ـ رايح فين يا ابني؟ قال: ـ رايح لأبويا، ولازم نتكلم. خفت عليه من المواجهة، وقلتله: ـ استنى لبكرة يا حبيبي، إنت لسه راجع تعبان.
لكنه باس راسي وقال: ـ متخافيش عليا يا ماما، أنا مش رايح أعمل مشكلة، أنا رايح أفهمهم إن حياتي مش جايزة يتخانقوا عليها، وإنك مش حد غريب عني. خرج، وأنا فضلت قاعدة أدعي ربنا يهدي النفوس. عدت ساعتين، وثلاثة، وأنا كل شوية أبص في الساعة وأمسك التليفون وأحطه تاني.
لحد ما الساعة قربت من نص الليل، سمعت صوت مفتاح الباب. دخل ابني، لكن المرة دي ما كانش بيضحك. وشه كان متغير، وفي إيده ملف بني كبير. قرب مني، وحط الملف على الترابيزة، وقال: ـ ماما، أنا عرفت النهارده إن فيه حاجات كتير اتخبّت عني طول السنين اللي فاتت.
قلبي اتقبــ,,ـــــض وقلتله: ـ خير يا حبيبي؟ حصل إيه؟ قعد قدامي، وفضل ساكت شوية، وبعدها قال: ـ أنا كنت فاكر إن المشكلة كلها إن مرات أبويا مش عايزاني أعيش معاهم وأنا صغير. لكن النهارده اكتشفت إن فيه سبب تاني خلّى أبويا يسيبني عندك كل السنين دي.
بصيتله باستغراب: ـ سبب إيه يا ابني؟ إنت بتخوفني ليه؟ فتح الملف، وطلع منه ورقة قديمة، وحطها قدامي. وقال: ـ الورقة دي لقيتها عند أبويا، ولما سألته عنها، اتعصب جدًا وطلب مني أمشي من البيت. بصيت للورقة، ولقيت اسمي مكتوب فيها!
رفعت عيني له وأنا مش فاهمة، وقلت: ـ دي ورقة إيه يا ابني؟ بصلي، وعينيه كانت مليانة دموع، وقال: ـ دي ورقة من زمان، قبل ما ماما تمــ,,ـــــوت بشهور… ومكتوب فيها كلام لو كان حقيقي، يبقى كل اللي إحنا عارفينه عن حياتنا محتاج يتراجع من الأول!
وقبل ما أقدر أسأله عن المكتوب، مد إيده وطلع من الملف صورة قديمة، أول ما شفتها، حسيت إن الأرض بتلف بيا! لأن الصورة دي كانت لجوزي الله يرحمه… واقف جنب أبوك، وفي إيد جوزي طفل رضيع! والطفل ده كان ابني اللي ربيته من يوم ما اتولد.
يتبع… يا ترى إيه حكاية الصورة القديمة؟ وإيه السر اللي أبو الولد مخبيه من 28 سنة؟ وهل السر ده له علاقة بسبب إن الولد اتربى في حــ,,ـــــضني من يوم ما اتولد؟ اكتبوا توقعاتكم في التعليقات، ومستنية رأيكم: لو كنتوا مكاني، كنتوا هتتصرفوا إزاي مع أبوه ومراته؟
❤️ وما تنسوش تصلوا على النبي، اللهم صلِّ وسلم وبارك على سيدنا محمد. #حكاوي_شيمو الجزء الثاني من حكاية: أنا ربيت ابن سلفتي 28 سنة، ولما بقى دكتور مرات أبوه قالتلي إنتي لا أمه ولا هتكوني أمه!
“لما ابني اللي ربيته 28 سنة رجع من عند أبوه بنص الليل، وحط قدامي صورة لجوزي الله يرحمه وهو شايل طفل رضيع، حسيت إن فيه سر مدفون من سنين، سر ممكن يغير كل حاجة كنت فاهمها عن حياتي… لكن عمري ما تخيلت إن الحقيقة اللي هسمعها هتخليني أشك في أقرب الناس ليا!
” فضلت ماسكة الصورة بإيد بتترعش، وببص لجوزي الله يرحمه وهو شايل الطفل، وبجانبه أبو الولد الحقيقي. بصيت لابني وقلتله: ـ إيه الصورة دي يا ابني؟ وإيه اللي جاب جوزي الله يرحمه عند أبوك وهو شايلك وإنت رضيع؟
قعد قصادي، وفتح الملف تاني، وطلع ورقة قديمة متنية من النص، وقال: ـ ماما، أنا النهارده رحت لأبويا عشان أفهمه إنك مش مجرد واحدة ربتني، وإنك أمي اللي عمرها ما قصرت معايا. لكن أول ما دخلت لقيت مراته بتتكلم عنك بطريقة وحشة، وبتقول له إنك استغلّيتي إني كبرت وبقيت دكتور عشان تضمني الشقة لنفسك.
حطيت إيدي على قلبي وقلت: ـ يا نهار أبيض! هي وصلت بيها إنها تقول عليك الكلام ده؟ ده أنا اللي كنت ناوية أكتب لك الشقة بيع وشراء عشان أطمن على مستقبلك! قال: ـ استني يا ماما، الموضوع أكبر من كده.
وسكت لحظة، وبعدها كمل: ـ لما واجهت أبويا وقلت له إنك عمرك ما حاولتي تبعديني عنه، وإنك إنتي اللي كنتي بتشجعيني أزوره، قال لي إنك مش فاهمة حاجات كتير حصلت زمان. ولما سألته يقصد إيه، اتعصب وطلب مني أمشي. قلتله: ـ طب والورقة دي فيها إيه؟
فتح الورقة، وبدأ يقرأ بصوت واطي، وبعدين رفع عينه ليا وقال: ـ الورقة دي مكتوب فيها إن أبويا كان موافق إنك تربيّني، وإنه هيسيبك تتولي تربيتي لحد ما يكبر ظروفي تسمح له ياخدني عنده. اتنفست براحة وقلت: ـ أهو يا ابني، ما إحنا عارفين الكلام ده.
أبوك هو اللي وافق من الأول، وأنا عمري ما خطفتك منه ولا منعتك عنه. هز راسه وقال: ـ أيوه يا ماما، بس فيه حاجة تانية. الورقة دي عليها توقيع أبويا وتوقيع جوزك الله يرحمه، وفي آخرها كلام بخط إيد جوزك. قربت منه وقلت: ـ مكتوب إيه؟
ناولني الورقة، ولما قريت الكلام، دموعي نزلت. كان جوزي كاتب: “الولد أمانة في رقبتي ورقبة زوجتي، وهنربيه على قد ما نقدر، ومش هنحرمه من أبوه لو أبوه حب يقرب منه. لكن محدش له حق ييجي يوم ويكسر قلب الطفل أو يحسسه إنه عبء على حد.
قال: ـ ماما، فيه حاجة خلتني أشك إن أبويا مخبي عني موضوع تاني. وأنا بقلب في الملف، لقيت إيصال قديم، بتاريخ قريب من السنة اللي اتولدت فيها، باسمك إنتي. قلتله باستغراب: ـ إيصال إيه؟ قال: ـ إيصال بمبلغ كبير بالنسبة للوقت ده، ومكتوب عليه إنه مقابل مصاريف علاج وولادة.
بصيتله وقلت: ـ يا ابني، أنا ما افتكرش إني دفعت مصاريف ولادة أمك، دي كانت في المستشفى، وأبوك هو اللي كان بيتابع معاها قبل ما تمــ,,ـــــوت. قال: ـ عشان كده أنا عايز أعرف الحقيقة. أبويا أول ما شاف الإيصال حاول ياخده مني، ومراته فضلت تقوله سيبه، هو لازم يعرف إن فيه حاجات مش من حقه يسأل عنها!
قلتله: ـ طب ما يمكن الإيصال ده يخص حاجة تانية؟ ما تستعجلش في الحكم على أبوك. رد عليا: ـ أنا مش عايز أظلــ,,ـــــمه، بس مش عايز حد يفضل مخبي عني حاجة تخص حياتي. قمت من مكاني، وحطيت الصورة والورق على الترابيزة، وقلتله: ـ اسمع يا حبيبي، مهما كانت الحقيقة، أبوك يفضل أبوك، وإنت ما ينفعش تخسر علاقتك بيه بسبب ورق قديم.
إحنا هنفهم الموضوع بهدوء، ولو فيه حاجة محتاجة توضيح، هنسأله من غير خناق. بصلي بحب وقال: ـ عشان كده أنا بحبك يا ماما. إنتي حتى وإنتي موجوعة، بتفكري في مصلحة الناس كلها. حــ,,ـــــضنته وقلتله: ـ أنا كل اللي يهمني إنك تكون مرتاح، وتدخل بيتك الجديد وإنت فرحان، مش شايل هم مشاكلنا.
لكن اللي حصل تاني يوم كان أكبر من كل توقعاتي. الصبح، وأنا بعمل الفطار، لقيت تليفوني بيرن. كانت مرات أبوه. رديت وأنا بحاول أتكلم بهدوء: ـ أيوه، صباح الخير. قالت من غير مقدمات: ـ أنا عايزة أتكلم معاكي في موضوع الشقة. استغربت وقلت: ـ موضوع الشقة؟ مالها الشقة؟
قالت: ـ بصي يا مدام، إحنا مش عايزين مشاكل، بس طالما الولد هيتجوز، يبقى لازم أبوه يكون له كلمة في كل حاجة تخصه. وإنتي مش من حقك تدي له شقة وتكتبيها باسمه من غير ما ترجعي لأبوه.
