روايات وقصص

تورتة الشاي الاخضر 2

كان متبهدل، عرقان، وشه شاحب، والقيود في إيده، ومقيد في إيد فرد أمن.

ووراه دخل يوسف… لابس نضارة طبية، هدومه متلخبطة، وعينيه بتبص في الأرض بخوف وقلق غير طبيعي.

أول ما محمود دخل، عينه جت في عيني.

نظرة عينيه كانت باردة… مفيهاش أي لهفة ولا خوف على مراته اللي كان المفروض التورتة مبعوتة ليها، ولا حتى صدمة لما شاف أمه وأخوه في القسم.

بصيت له بكل الوجع اللي في قلبي، الوجع بتاع ست سنين اتسرقوا من عمري مع راجل مكنتش أعرف مين هو في الحقيقة.

محمود… همست بصوت بيترعش.

محمود ماردش عليا، بص للرائد هشام وقال ببرود يجمّد الأثر يا فندم، أنا بريء من أي حاجة. التورتة دي اتعملت في معمل يوسف، ويوسف هو اللي حط فيها المادة دي، وكان الاتفاق بيني وبينه إنه يخلصنا من ندى عشان الورث والشقة… بس الخائن غدر بيا، وبعت الضرر لأختي عشان ينتقم مني بعد ما رفضت أجوزهالها!

يوسف اتجنن وصرخ وهو بيحاول يهجم على محمود بالمقيود كداب! إنت اللي خططت لكل ده يا خائن! إنت اللي قولت لي هتديني أختك وتديني نصيب في شقة زايد لو جهزتلك المادة اللي ملهاش ريحة! ولما كاميليا عرفت بالصدفة من تليفونك، هددتك إنها هتقول لندى، فقررت تتخلص من الاتنين بمحاولة واحدة!

الصراخ ملى المكتب، والمسؤولين بيحاولوا يفصلوا بينهم، وحماتي بتلطم وتصرخ ولادي ضاعوا! خربتوا بيتي!

وأنا… كنت واقفة في وسط المعمعة دي، حاسة ببرود غريب بيمشي في أطرافي.

محمود… جوزي… كان متفق يؤذيني أنا وأخته؟! والتورتة مكنتش غلطة دليفري… التورتة كانت فخ مزدوج، معمول بحسابات دقيقة عشان يورث، وينتقم، ويطلع هو الضحية الوحيدة اللي خسر مراته وأخته في يوم واحد!

الرائد هشام مسك ورقة وقلم، وبص لي بنظرة كلها شفقة حقيقية، وقال اقفلي المحضر ده يا بني… شكلنا لسه هنسمع اعترافات هتودي العيلة دي كلها ورا الشمس.

بس وأنا باصة لمحمود، لمحت ابتسامة خبيثة وصغيرة جدًا على طرف شفايفه، بص لي وهمس بصوت واطي ومسموع ليا أنا بس فاكرة إنها خلصت يا ندى؟ إنتِ لسه مشفتيش اللي هيحصل في المستشفى دلوقتي…

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى