قرب مني وقال: — وأنا قلتلك مش هصرف عليها تاني. قلتله: — وأنا هشتغل وأصرف عليها. ضحك وقال: — تشتغلي؟ وإنتِ حامل وابنك صغير؟! قلتله: — أهو أهون من إني أشوف بنتي جعانة. وقتها فقد أعصابه، وزقني بعنــ,,ـــــف، فوقعت على طرف الكنبة. رغد جريت عليّا وهي بتصرخ: — متضــ,,ـــــربش ماما! والنبي يا بابا متضــ,,ـــــربهاش!
محمود بص لها وقال: — ادخلي أوضتك! لكنها فضلت ماسكة في هدومي. كانت بتترعش من الخوف، وبتقول: — أنا السبب يا ماما؟ أنا السبب؟ بعد اللي حصل، محمود حلف إنه لو رغد ما خرجتش من البيت، هيطلقني ويحرمني من ياسين، ومن الطفل اللي في بطني أول ما يتولد.
كنت عارفة إن كلامه مش معناه إنه يقدر ياخدهم قانونًا بسهولة، لكن أنا وقتها كنت ست خايفة، لا معايا فلوس ولا سند، وهو طول الوقت بيهددني. فضلت ليالي كاملة صاحيه، أفكر أروح فين بالتلات عيال. وفي الآخر، ارتكبت أكبر غلطة في عمري. اتصلت بجدة رغد من ناحية أبوها.
ا
كانت ست اسمها الحاجة سكــ,,ـــــينة، عمرها ما حبتني، وكانت دايمًا شايفة إني السبب في طلاق ابنها. قلتلها وأنا ببكي: — يا حاجة، أنا محتاجة رغد تقعد عندك فترة صغيرة، لحد ما ألاقي حل. قالت ببرود: — أهو أخيرًا افتكرتي إن ليها أهل.
قلتلها: — والنبي يا حاجة، خلي بالك منها، دي حتة من قلبي. قالت: — ابعتيها، وإحنا أولى بيها. يوم ما جم ياخدوها، كان أسود يوم في حياتي. صحيت بدري وجهزتلها شنطتها. حطيت فيها هدومها، وكتبها، وعروستها القديمة، وطرحة صغيرة كانت بتحب تلبسها وهي بتصلي جنبي.
رغد كانت واقفة عند الباب بتتفرج عليّا. قالت: — إحنا مسافرين يا ماما؟ قلت وأنا بحاول أثبت صوتي: — إنتِ هتروحي تقعدي عند تيتة شوية يا حبيبتي. سكتت. وبعد لحظة سألت: — وإنتِ هتيجي معايا؟ قلتلها: — هجيلك كل يوم. قالت: — طب وياسين؟ قلت: — هيفضل هنا مع باباه.
بصتلي بعيون مليانة خوف. — يعني أنا لوحدي اللي همشي؟ مقدرتش أرد. قربت مني ومسكت طرف جلابيتي وقالت: — ماما، أنا عملت حاجة وحشة؟ هزيت راسي بسرعة. — لأ يا روح ماما، إنتِ أحسن بنت في الدنيا. قالت وهي بتعيط: — طب ليه بتمشيني؟
قبل ما أجاوب، خبط الباب. كانت جدتها وعمتها واقفين. محمود فتح لهم وهو مبتسم لأول مرة من أيام. قال: — اتفضلوا، البنت جاهزة. رغد أول ما شافتهم فهمت. رمت الشنطة وجريت عليّا، ومسكت في هدومي بكل قوتها. — ماما، أنا هبقى شاطرة! والله هبقى شاطرة!
مش هطلب منك حاجة تاني، ومش هاكل غير لما ياسين يشبع، وهغسل المواعين، وهنضف البيت… بس والنبي متبعدينيش عنك! وقعت على ركبتي وحــ,,ـــــضنتها. كنت بعيط بصوت عالي، وهي بتصرخ وبتبوس إيدي. — ماما، أنا بخاف أنام من غيرك… إنتِ عارفة إني بخاف من الضلمة… مين هيغطيني بالليل؟
قلت وأنا بضمها لصدـ,,ـــري: — أنا معاكي يا بنتي… أنا عمري ما هسيبك. لكن محمود وقف عند الباب وزعق: — خلصونا بقى من الموال ده! عمتها شدت الشنطة، وجدتها مسكت إيد رغد. رغد كانت بتقاوم وبتصرخ: — ماما! ماما! وفجأة سكتت.
رغد كانت بتقاوم وبتصرخ: — ماما! ماما! وفجأة سكتت. بصتلي بوش مليان دموع، وقالت جملة لحد النهارده بسمعها وأنا نايمة وصاحية:— هو إنتِ كمان مبقتيش بتحبيني يا ماما… علشان خلفتي غيري؟! حسيت إن قلبي وقف. صرخت: — لأ يا رغد! والله بحبك! إنتِ روحي يا بنتي!
لكن جدتها شدتها وهي بتقول: — بطلي تمثيل يا هدى! أيوه يا رغد، أمك سابتك لينا علشان خلفت الواد، وهو أولى بيها! صرخت فيها: — حرام عليكي! متقوليلهاش كده! لكن عمتها كانت سحبت رغد ناحية السلم. آخر حاجة شفتها كانت إيد بنتي الصغيرة ممدودة ناحيتي.
وصوتها بيصرخ: — ماما… متقفليش الباب! محمود قفل الباب. وأنا فضلت واقفة أبص عليه. بعدها سمعت صوت رغد من تحت البيت: — يا ماما… أنا نسيت أبوسك! جريت على الباب وفتحته، لكن محمود مسكني من دراعي. — كفاية فضايح! وقعت على الأرض وأنا بصرخ: — بنتي! رجعولي بنتي! لكن محدش رجعها.
أول ليلة من غير رغد، دخلت أوضتها. لقيت المخدة بتاعتها لسه عليها ريحة شعرها. حــ,,ـــــضنتها ونمت على سر,,ـــــيرها. صحيت الفجر على صوت في وداني بيقول: — غطيني يا ماما. مديت إيدي على الناحية التانية من السر,,ـــــير. ملقتش حد. قمت أدور عليها في البيت كأني نسيت إنها مش موجودة.
فتحت المطبخ، وبصيت في الحمام، وبعدين افتكرت. قعدت على الأرض وفضلت أعيط. تاني يوم عملت سندوتشين للمدرسة بالغلط. واحد لياسين لما يكبر، والتاني لرغد زي ما كنت متعودة. فضلت ماسكة السندوتش وببكي. محمود دخل المطبخ وقال: — هو إنتِ هتفضلي كده كتير؟
البيت ارتاح أخيرًا. بصيتله وقلت: — البيت اللي بنتي مش فيه عمره ما هيكون بيت يا محمود. رد بسخرية: — هتتعودي. لكن أنا متعودتش. بعد أسبوع، رحت أشوف رغد. خبطت على باب جدتها، وفتحتلي عمتها. قالت بضيق: — خير؟! قلت: — جاية أشوف بنتي.
دخلت لقيت رغد واقفة عند الحوض، بتغسل حلة كبيرة، وكم جلابيتها مبلول. كانت أول ما شافتني، سابت الحلة وجريت عليّا. حــ,,ـــــضنتني بقوة وقالت: — إنتِ جيتي تاخديني يا ماما؟ قلتلها: — جاية أطمن عليكي يا حبيبتي. وشها اتغير. قالت بصوت واطي: — يعني مش هرجع معاكي؟
مقدرتش أجاوب. جدتها خرجت من الأوضة وقالت: — البنت هنا بتتعلم شغل البيت بدل الدلع اللي كانت فيه. بصيت لإيديها. كانت حمرا من الصابون. قلت: — دي لسه صغيرة يا حاجة.
قالت: — ما إحنا اتربينا كده. رغد قربت من ودني وهمست: — ماما، ممكن تجيبيلي كشكول جديد؟ تيتة قالت مش فاضية تشتريلي، والمدرسة زع. ي.
