الجزء الثالث والأخير: «حــ,,ـــــضن أمي يساعنا كلنا» وقفت في طرقة المستشفى وأنا ماسكة التليفون، وصوت أم حسن لسه بيرن في ودني: — محمود عمل دــ,,ـــــادثة بالعربية وهو واخد ياسين معاه… ونقلوهم المستشفى! حسيت إن الأرض بتتسحب من تحت رجلي. صرخت فيها: — ياسين يا أم حسن! ابني عايش؟! ردي عليّا والنبي، ابني عايش؟! سمعتها بتعيط وهي بتقول: — عايش يا هدى، الحمد لله، بس اتخبط في راسه، والدكاترة بيكشفوا عليه… تعالي بسرعة!
بصيت ناحية باب الرعاية المركزة اللي جواه رغد. بنتي اللي لسه خارجة من عملية صعبة، والدكتور بيقول إنها محتاجة تتنقل مستشفى أكبر. وبصيت للتليفون اللي عليه خبر ابني التاني. وقتها حسيت إن ربنا بيختبر قلبي في أغلى حاجتين عندي. قعدت على الأرض وفضلت أردد: — يا رب… أنا مش قادرة أخسر حد فيهم… يا رب دول كل اللي ليا في الدنيا. الممرضة قربت مني وسألتني: — مالك يا مدام هدى؟
بصيتلها وقلت: — ابني عمل دــ,,ـــــادثة، وبنتي هنا بتمــ,,ـــــوت… أروح لمين وأسيب مين؟! الست حطت إيدها على كتفي وقالت: — اسمعيني، إحنا هنفضل مع بنتك، والدكتور بيجهز نقلها، وإنتِ روحي اطمني على ابنك وارجعي، بس خلي حد من أهلها موجود. بصيت ناحية جدة رغد وعمتها اللي كانوا قاعدين بعيد. مكنتش قادرة أستأمنهم عليها تاني. اتصلت بأم ربيع، الست اللي كانت شافت رغد قبل الدــ,,ـــــادثة، وطلبت منها تيجي تقعد قدام الرعاية لحد ما أرجع.
وبعدين دخلت لرغد دقيقتين. كانت نايمة، وشها شاحب، وإيدها الصغيرة على الملاية. قربت منها وبوست جبينها. همست: — سامحيني يا نور عيني… أخوكي تعبان ولازم أروحله، بس المرة دي مش هسيبك لوحدك… هجيب أخوكي وأرجعلك. وفجأة فتحت عينيها بالعافية. قالت: — ياسين ماله يا ماما؟ حاولت أبتسم. — تعبان شوية يا حبيبتي، وهيرجع كويس إن شاء الله. مسكت صباعي وقالت: — روحي له يا ماما. بصيتلها باستغراب. كملت بصوت ضعيف: — هو صغير… وبيخاف لما يتوجع… أنا هستناكي.
يا وجع قلبي! حتى وهي على سر,,ـــــير المستشفى، بتتوجع ومش عارفة تتحرك، كانت خايفة على أخوها. نزلت دموعي على إيدها. قلت: — إنتِ ليه طيبة كده يا رغد؟! ابتسمت ابتسامة صغيرة وقالت: — علشان إنتِ علمتيني إن اللي بيحب حد ميخليهوش يعيط. الكلمة نزلت على قلبي زي النــ,,ـــــار. أنا اللي علمتها الرحمة، وكنت أكتر واحدة خذلتها. وصلت المستشفى التاني وأنا بجري. أول ما دخلت الطوارئ، شفت محمود نايم على سر,,ـــــير، وإيده متجبسة، وفيه جرح في جبينه.
لكن عيني كانت بتدور على ياسين. صرخت: — ابني فين؟! ياسين فين؟! ممرضة أشارت لأوضة صغيرة. دخلت لقيت ياسين قاعد على سر,,ـــــير، وعلى جبينه شاش أبيض، وماسك عربيته الحمرا اللي كان بيحبها. أول ما شافني، رماها وجري عليّا. — مامااا! حــ,,ـــــضنته بكل قوتي. فضلت أبوس وشه وإيديه ورجليه. — حبيبي… يا ضنايا… إنت كويس؟! فيك حاجة بتوجعك؟! كان بيعيط وبيقولي: — أنا كنت بنادي عليكي يا ماما… وبابا كان سايق بسرعة… والعربية خبطت… وأنا خفت أوي!
الدكتور دخل وطمني إن ياسين عنده كدمة وجرح سطحي، وإن الفحوصات الأولية مطمئنة، لكن محتاج متابعة وملاحظة لحد ما يتأكدوا إنه كويس. سجدت لله شكر. فضلت أبكي وأنا بقول: — الحمد لله… الحمد لله يا رب. بعد شوية خرجت من عند ياسين، ولقيت محمود واقف في الطرقة، ساند على الحيطة. بصلي وقال: — خدتي ابنك واطمنتي عليه؟ خلاص ارجعي البيت. بصيتله. كنت مستغربة إزاي بعد كل اللي حصل، لسه فاكر إن فيه بيت ممكن أرجعله.
قلت بهدوء: — أنا مش راجعة يا محمود. اتغير وشه. — يعني إيه؟ قلت: — يعني أنا مش هعيش معاك تاني. ضحك بسخرية. — وهتروحي فين يا هدى؟! إنتِ مالكيش أهل ولا فلوس ولا شغل! قلت: — هروح أي مكان أقدر أحمي فيه عيالي من القسوة دي. قرب مني وقال: — إنتِ فاكرة إنك تقدري تاخدي ياسين وتمشي؟! قلت: — أنا مش هتنازل عن ابني، وهطالب بحقه بالطريق القانوني، ومش هخاف من تهديداتك تاني.
رفع صوته: — أنا أبو الولد! بصيت في عينيه وقلت: — والأب مش مجرد اسم في شهادة الميلاد يا محمود… الأب رحمة وأمان ومسؤولية. سكت لحظة. وبعدين قلتله: — فاكر يوم ما رغد قالتلك بابا لأول مرة؟ فاكر فرحتك بيها؟ فاكر لما كنت بتقول إنها بنتك؟بعد وشه. قلت: — البنت دي كانت بتحبك يا محمود… كانت بتدعيلك ربنا يرزقك بولد، وكانت بتفرح معايا كل مرة نروح فيها للدكتور.
بدأ يتنفس بعصبية. كملت: — ولما ربنا رزقك، بدل ما تشكره على النعمة، كسرت قلب طفلة ملهاش ذنب. قال بصوت منخفض: — أنا كنت عايز أأمن مستقبل عيالي. قلت: — وإنت علشان تأمن مستقبل ابنك، ضيعت طفولة بنتي؟! مردش. قلت: — أنا بعت دهبي علشان علاجك، ووقفت جنبك أربع سنين، وعمري ما عايرتك ولا حسستك إنك ناقصك حاجة… لكن إنت أول ما ربنا رزقك، حسست بنتي إنها زيادة في البيت. بصيتله آخر مرة.
— أنا مش مسامحاك على وجعها، ولا على اللي عملته فيا… وحسابك عند ربنا. وسبته ومشيت. رجعت لرغد بعد ما اطمنت على ياسين، وأم حسن فضلت معاه لحد ما الدكتور سمح بخروجه. لكن أول ما وصلت المستشفى، لقيت أم ربيع واقفة قدام الرعاية وبتعيط. قلبي وقع. جريت عليها. — رغد مالها؟! قالت: — نقلوها يا هدى… الإسعاف خدها المستشفى الجامعي من نص ساعة، وأنا حاولت أكلمك بس تليفونك كان مقفول! حسيت إن الدنيا اسودت في عيني.
جريت على الاستقبال، وعرفت إن الدكاترة قرروا ينقلوها بسبب مضاعفات في إصابتها، وإنها محتاجة متابعة دقيقة وجراحة إضافية. ركبت أول عربية للمستشفى الجامعي. طول الطريق كنت ماسكة الورقة اللي رسمت فيها رغد بيتنا. كنت ببص على الرسمة وأقول: — استنيني يا بنتي… المرة دي أنا اللي هجيلك… مش هسيبك تستني تاني. وصلت المستشفى، ولقيت الدكتور بيشرحلي إن رغد محتاجة عملية تانية، وإن الإصابة في رجلها صعبة، وفيه خطر على قدرتها على المشي بصورة طبيعية.
