وقفت قدام محمود وأنا حاسة إن الدم نشف في عروقي، بعد ما سمعته بيقول في التليفون:
— أنا قلتلكم من الأول متخلوهاش تخرج بالجراكن دي… ولو أمها عرفت اللي حصل، هتخرب الدنيا!
قربت منه وأنا بترعش، وسألته:
— إنت كنت عارف إن بنتي بتشيل جراكن مية وهي لسه طفلة؟! كنت عارف إنها بتتبهدل وساكت؟!
محمود قفل التليفون بسرعة، وبصلي بوش متغير.
— إنتِ مالك بالكلام اللي بيني وبين الناس؟!
صرخت فيه:
— الناس مين؟! دي بنتي يا محمود! بنتي اللي رميتها بره بيتها علشان ترضى! إنت تعرف إيه عن الدــ,,ـــــادثة؟!
حاول يبعدني عنه، لكني مسكت في قميصه وفضلت أصرخ:
— رد عليّا! مين اللي كان بيكلمك؟! وإزاي عارف اللي حصل قبل ما حد يبلغني؟!
قال بعصبية:
— أمها الكبيرة كلمتني من بدري، وقلت لها تتصرف! مش كل حاجة لازم تعرفيها!
حسيت إن رجلي مش شايلاني.
— يعني بنتي من الصبح في المستشفى، وإنت سايبني قاعدة جنبك بعملك كمادات؟!
سكت.
والسكوت ده كان أقسى من أي إجابة.
بصيت له وقلت:
— أنا مش هسامحك يا محمود… لا على اللي عملته في بنتي، ولا على كل يوم عشته وأنا بسمع صوتها بتناديني ومش عارفة أخدها في حــ,,ـــــضني.
جريت ناحية الباب.
لكنه وقف قدامي وقال:
— لو خرجتي، ياسين هيفضل هنا، ومش هتشوفيه تاني!
بصيت ناحية ابني.
كان واقف جنب الكنبة، ماسك عربيته الصغيرة، وبيعيط.
قربت منه ونزلت على ركبي.
حــ,,ـــــضنته وبوست راسه وقلت:
— حبيبي، ماما لازم تروح تجيب أختك.
مسك وشي بإيديه الصغيرين وسألني:
— وهترجعي يا ماما؟
قلت وأنا بكتم عياطي:
— هرجع يا روح قلبي… والله هرجعلك.
قال:
— طب هاتي رغد معاكي… أنا وحشتني.
الكلمة دي كسرتني.
حتى أخوها الصغير كان مشتاق لها، وأبوه الوحيد اللي كان شايف وجودها حمل تقيل.
سيبت ياسين مع أم حسن اللي دخلت على صوت الخناق، وخدت طرحتي وجريت على السلم.
محمود كان بيزعق ورايا:
— اعتبري نفسك طالق لو خرجتي!
لكن المرة دي مكانيش فارق معايا غير حاجة واحدة.
ألحق بنتي قبل ما تضيع مني للأبد.
وصلت المستشفى وأنا مش حاسة برجلي.
دخلت الاستقبال وأنا بصرخ:
— بنتي رغد! فين بنتي رغد؟! جابوها هنا بعد دــ,,ـــــادثة توكتوك!
الممرضة سألتني عن اسمها بالكامل. قلته بصوت متقطع.
بصت في الكمبيوتر، وبعدها قالت:
— الطفلة في العمليات، حضرتك والدتها؟
هزيت راسي.
— أيوه… أنا أمها.
قالت:
— الدكتور كان بيدور عليكي من بدري.
مسكت إيدها وقلت:
— والنبي قوليلي هي عايشة؟!
الممرضة سكتت لحظة.
وبعدين قالت:
— هي لسه في العمليات، ادعيلها.
وقعت على أقرب كرسي.
فضلت أردد:
— يا رب… يا رب خد من عمري واديها… يا رب أنا اللي غلطت، هي ملهاش ذنب.
بعد شوية خرج دكتور من باب العمليات.
جريت عليه.
— أنا أم رغد! طمني عليها يا دكتور!
بصلي بحزن وقال:
— بنتك عندها إصابات شديدة ونزيف داخلي، وفيه كسر في رجلها، وإحنا بنحاول نسيطر على النزيف.
قلت:
— طب هتعيش؟!
قال:
إحنا بنعمل كل اللي نقدر عليه، ومحتاجين دعواتك.
مسكت طرف بالطوه وقلت:
— يا دكتور، بنتي عندها عشر سنين… لسه صغيرة… دي حتى مبتعرفش تنام من غير ما حد يغطيها!
صوتي اتكسر.
— أنا وعدتها إني هرجعلها… والنبي متخليهاش تستناني ومارجعش ألاقيها!
الدكتور حاول يهديني.
لكن أنا كنت خلاص فقدت السيطرة على نفسي.
بعد نص ساعة وصلت جدة رغد وعمتها.
أول ما شفتهم جريت عليهم.
مسكت سكــ,,ـــــينة من كتفها وصرخت:
— إنتِ كنتِ بتشغلي بنتي خدامة عندك؟! كنتِ بتخليها تشيل جراكن مية من الجامع؟!
ردت بعصبية:
— وماله يعني؟! كل البنات بتساعد في البيت!
قلت:
— دي طفلة يا حاجة! طفلة عندها عشر سنين! إزاي تخليها تشيل جراكن مية وتعدي الشارع لوحدها؟!
عمتها اتدخلت:
— وإنتِ مالك دلوقتي؟! مش إنتِ اللي سبتِها ومشيتي؟!
الكلمة نزلت عليّا زي السكــ,,ـــــينة.
سكت لحظة.
وبعدين قلت:
— أيوه… أنا غلطت لما سبتها. غلطت لما صدقت إنكم هتخافوا عليها. لكن إنتوا استغليتوا ضعفي وعذبتوها!
سكــ,,ـــــينة قالت بسخرية:
— عذّبناها؟! دي كانت عايشة في عز!
في اللحظة دي، سمعت صوت ست من ورايا.
— عز إيه يا حاجة سكــ,,ـــــينة؟! اتقي ربنا!
لفيت ورايا.
كانت ست كبيرة من أهل البلد، اسمها أم ربيع.
قربت مني وهي بتعيط.
— أنا شفت رغد النهارده الصبح يا هدى… كانت واقفة قدام الجامع شايلة جركنين أكبر منها، وبتعيط.
حسيت قلبي بيقف.
— بتعيط ليه؟!
أم ربيع بصت للأرض وقالت:
— سألتها مالك يا بنتي، قالتلي تيتة زعلانة مني علشان اتأخرت في المية، وأنا رجلي وجعاني ومش قادرة أمشي بسرعة. حطيت إيدي على صدـ,,ـــري.
أم ربيع كملت:
— عرضت عليها أساعدها، لكنها رفضت وقالتلي: لو رجعت من غير الجراكن تيتة هتزعل.
بصيت لسكــ,,ـــــينة.
كانت بتبعد وشها عني.
قلت بصوت مبحوح:
— بنتي كانت خايفة منك أكتر من خوفها من العربيات!
أم ربيع قالت:
— وفيه حاجة تانية يا هدى…
بصيتلها.
— إيه؟!
قالت:
— رغد قبل الدــ,,ـــــادثة بدقايق كانت بتسألني لو أعرف حد محتاج بنت تساعد في ترتيب محل بعد المدرسة.
اتجمدت.
— تشتغل؟! ليه؟!
أم ربيع مسحت دموعها.
— قالتلي عايزة تجمع فلوس وتجيب هدية لأمها، علشان عيد ميلادها قرب.
حطيت إيدي على بوقي.
افتكرت إن عيد ميلادي كان بعد أسبوع.
وبنتي، اللي كنت فاكرة إنها زعلانة مني، كانت لسه بتفكر تفرحني.
أم ربيع مدت إيدها في شنطتها وطلعت كيس صغير.
قالت:
— ده كان واقع جنبها بعد الدــ,,ـــــادثة… المسعف اداهولي علشان أسلمه لأهلها.
فتحت الكيس.
لقيت جواه توكة شعر وردي، وورقة صغيرة متطبقة، وخمستاشر جنيه.
فتحت الورقة بإيدي اللي بتترعش.
كان مكتوب بخط رغد:
«هجيب لماما طرحة حلوة علشان هي بتحب الطرح، ولما أرجع البيت هخليها تلبسها ونخرج سوا.»
وقعت الورقة من إيدي.
فضلت أصرخ:
— يا بنتي! يا حبيبتي! إنتِ لسه فاكراني؟! أنا اللي سبتك، وإنتِ لسه بتفكري تفرحيني؟!
الناس اتلمت حواليا.
لكن مكنتش شايفة حد.
