جوزى اتربى مع مرات اب بعد وفاه والدته اتجوز باباه من واحدة قريبته معاها بنتين وهو اكبر منهم بخمس سنين حمايا كان بيحبه ورغم صغر سنه إلا إنه كان بينزله معاه الشغل كبر زوجى وحماتى مكنتش بتقدر تقرب منه عشان خاطر والده لحد ما حمايا اتوفى وطردته من البيت واخدت نصيبها وقتها اتعرف على بابا وساعده فى الشغل وبقى من رجل أعمال وقتها اتجوزنا وخلفنا بس كنت بحس إنه متحوزنى عشان يرد جميل بابا خصوصاً إنه دايما يلمح بكده وان عمره ما هينسى وقفه بابا معاه ورغم إن مرات باباه مكنتش بتعمل معاه حاجه كويسه إلا أنى كنت بستغرب إنه بيزورهم ويودهم ولما بناتها اتجوزوا اتكفل هو بكل حاجه وجاب لمرات باباه شقه قريبه مننا وبعد اربع سنين من جوازنا بنتها الصغيره اتطلقت وقتها حسيت إن جوزى فرح ولما قولتله اللى حساه قالى طبعاً فرحت لأنه شخص مش كويس وأنا بعتبرها اختى لانى متربى وسطيهم اخدت كلامه إنه فعلاً بيعتبرهم اخواته لحد ما جت شريفه مرات باباه وبنتها وقرروا أنهم يزورونا بعد طلاق بنتها بتلات شهور كنت فكراها زياره عائليه لكن لقيت معاهم شنط هدومهم وقتها سألته ـ هما هيقعدوا معانا ولا مسافرين رد بمنتهى البرود كأنه أمر طبيعي ـ هيقعدوا كام يوم عشان نانسى نفسيتها تعبانه من الطلاق ومحتاجة
وبصت لصاحبتي وبعدين رجعت بصتلي وقالت بمنتهى الثقة:ـ إيه يا حبيبتي؟
إنتِ هنا؟ أنا كنت فاكرة إنك مش بتحبي المحلات دي!بصيتلها وأنا مش مستوعبة جرأتها، ورديت بهدوء بالعافية:ـ هو أنا لازم آخد إذنك قبل ما أروح أي مكان؟ضحكت وقالت: ـ لا طبعًا، بس أصل ممدوح قالي إنك مبتحبيش اللف ولا الشوبينج، وإنك بتتعبّي بسرعة، فاستغربت لما شوفتك هنا.
حسيت إن الكلام مقصود، وإنها بتتعمد تحرجني قدام صاحبتي، لكني قررت ما أديهاش الفرصة. قولتلها: ـ واضح إن ممدوح بقى عارف تفاصيل كتير عنك وعن ذوقك، لدرجة إنه نسي هو نفسه كان بيقول إيه لمراته.
في اللحظة دي ممدوح رفع عينه من الهدوم اللي كان بيختارها، وأول ما شافني اتغيرت ملامحه، لكنه بدل ما يحرج أو يتكسف، قرب مني وقال:ـ إنتِ هنا بتعملي إيه؟بصيتله بصدمة وقلت: ـ هو السؤال ده بجد؟
أنا في محل هدوم يا ممدوح، المكان اللي عمري ما عرفت أخليك تيجي معايا فيه!اتدخلت نانسي بسرعة وقالت بدلع: ـ خلاص يا ممدوح، سيبها براحتها، إحنا كده كده خلصنا. بصتلها وقلت: ـ لأ، ما تخلصوش عشاني، أنا مش جاية أراقب حد.
لكن ممدوح فاجأني لما مد إيده وأخد الشنط من إيدها وقال:ـ استني يا نانسي، لسه هنجيبلك حاجات تانية، إنتِ لسه ما اخترتيش اللي اتفقنا عليه. بصيتله وقلت بعدم تصديق: ـ حاجات تانية إيه يا ممدوح؟ هو إنت جاي تشتريلها لبس ولا بتجهزها؟
اتعصب وقال: ـ ممكن تتكلمي باحترام؟ دي ضيفتي، وأنا حر أكرمها زي ما أنا عايز. ضحكت بسخرية وقلت: ـ ضيفتك؟ بقالها تلات شهور مطلقة، وإنت من يوم ما دخلت بيتنا وإنت بتصرف عليها وبتخرجها وبتشتريلها، وأنا وولادك مش لاقيين منك وقت!
قرب مني وقال بصوت واطي: ـ مش هنا يا سميرة، لما نروح البيت نبقى نتكلم. وقتها حسيت إن فيه حاجة أكبر بكتير من مجرد اهتمامه بواحدة مطلقة، خصوصًا لما نانسي قربت منه ومسكت دراعه وقالت:ـ خلاص يا ممدوح، أنا مش عايزة حاجة، كفاية إنك جبتلي اللي كنت محتاجاه، ربنا يخليك لينا.
بصتلها باستغراب، وبعدين بصيت لممدوح مستنية منه يعترض على طريقتها، لكنه اكتفى بابتسامة وقال:ـ يلا يا نانسي، ماما مستنيانا. ساعتها ما قدرتش أستحمل أكتر، أخدت صاحبتي من إيدها وخرجت من المحل، وأنا حاسة إن كرامتي اتدهست قدام عيني.
رجعت البيت قبله، وقررت المرة دي مش هعدي الموضوع زي كل مرة، ولما دخل بعد ساعة، لقاني قاعدة في الصالة مستنياه. قال بضيق: ـ إنتِ لسه صاحية ليهقصص وروايات أمانى سيد رجعت البيت قبله، وكنت مقررة المرة دي ما أعديش اللي حصل كأن مفيش حاجة.
دخلت غيرت هدومي وقعدت في الصالة مستنياه، وأنا بحاول أستوعب اللي شوفته بعيني. بعد حوالي ساعة سمعت صوت المفتاح في الباب، دخل ممدوح ومعاه نانسي، وكان واضح عليها إنها مبسوطة من الخروجة، أما أنا ففضلت قاعدة مكاني من غير ما أتكلم.
أول ما نانسي شافتني ابتسمت ابتسامة جانبية، وبعدين حطت إيدها على رجلها وقالت بدلع:ـ ممدوح، أنا رجلي وجعاني، ممكن تطلعني الأوضة بتاعتي؟بصيتلها باستغراب، خصوصًا إنها كانت ماشية من شوية في المحلات بالساعات، لكن ممدوح ما اترددش لحظة، قرب منها وشالها وطلع بيها على السلم.
فضلت متسمرة مكاني، مش مصدقة اللي بيحصل، ولا قادرة أفهم إزاي مراته قاعدة قدامه وهو شايل واحدة تانية بين إيديه بكل أريحية!والأغرب إنه حتى ما بصليش ولا حاول يبررلي تصرفه. ساب شنط الشوبينج كلها في الصالة، ونادى على الشغالة وقالها تطلعهم أوضة نانسي، وبعدها دخل عندها وقفل الباب.
ساعتها حسيت إن الموضوع خرج تمامًا عن حدود الضيافة والواجب، وإن فيه حاجة بتحصل في بيتي وأنا آخر واحدة تعرف عنها. فضلت قاعدة مكاني مستنية يخرج، ولما نزل بعد شوية، بصيتله وقلت بذهول:ـ إنت عملت إيه ده يا ممدوح؟
قصص وروايات أمانى سيد بصلي باستغراب وقال: ـ عملت إيه؟ـ شيلت نانسي وطلعتها أوضتها ليه؟ هي عاجزة عن الحركة؟ وبعدين إيه الأوضة بتاعتها دي؟ هو إحنا فتحنا فندق؟اتنهد بضيق وقال: ـ سميرة، مش ناقصة خناق، البنت رجليها وجعاها وكنت بسندها، إيه المشكلة؟
بصيتله وقلت: ـ المشكلة إنك بقيت بتتعامل معاها كأنها مراتك وأنا مش موجودة!بصلي ممدوح بضيق، وحط إيده في جيبه وقال بمنتهى اللامبالاة:ـ يا سميرة، نانسي طول عمرها دلّوعة العيلة، وأنا اللي مربيها من وهي صغيرة، ومتعود إنها تطلب مني أي حاجة وأعملهالها، فبلاش تكبّري المواضيع وتحمّلي كل تصرف أكبر من حجمه.
