لو عرفت إن أبوك اللي رماك وأنت صغير، واللي ما سألش عليك طول السنين دي، بقى مريض ومفيش حد جنبه، تعمل إيه؟
بصله باستغراب وقال:
أنت بتتكلم عن أبوك؟
صالح هز راسه، وحكى له حكاية عزت، وإنه اكتشف بالصدفة إنه أخوه من أبوه، وإن والده عايش لوحده بعد ما مراته وابنها سابوه. جوز أمه سكت شوية، وبعدها قاله:
بص يا صالح، أنا مش هقولك سامحه ولا هقولك انسى اللي عمله فيك، لأن محدش يقدر يطلب منك تنسى وجع أنت عشته سنين.
لكن في نفس الوقت، متخليش قسوة أبوك تخليك تبقى زيه. ساعده لو محتاج مساعدة، وده مش معناه إنك لازم ترجع تفتح له باب حياتك.
صالح رد عليه:
أنا مش عارف أروح له ولا لأ، نفسي أشوفه، وفي نفس الوقت مش عايز أقف قدامه وأحس إني رجعت الطفل الصغير اللي كان مستنيه يسأل عليه.
ربت جوز أمه على كتفه وقاله:
متستعجلش يا ابني، اعمل اللي ضميرك مرتاح له، بس افتكر إنك مش مطالب تدفع تمن غلطات غيرك، ولا مطالب تنسى حقك عشان تسامح.
الكلام فضل يتردد في دماغ صالح، لكنه ماوصلش لقرار.
كان نفسه يروح يشوف أبوه، ويمكن يسأله سؤال واحد فضل محبوس جواه سنين طويلة: ليه اخترت ابن مراتك عليا؟ لكن كان خايف من الإجابة، وخايف أكتر إنه يروح يلاقي أبوه لسه مش شايف إنه غلطان، أو حتى مايعرفوش بعد كل السنين دي. وفي النهاية قرر
