منوعات

رغد2

نت شايفة رغد وهي صغيرة، أول ما اتعلمت تمشي، كانت بتجري عليّا وتقع، وتقوم تضحك.
كنت شايفاها وهي نايمة على صدـ,,ـــري، وبتقولي:
— لما أكبر هجيبلك بيت كبير يا ماما، ومش هخليكي تشتغلي تاني.
يا وجع قلبي على بنتي.
كانت عايزة تجيبلي طرحة، وأنا معرفتش أوفرلها بيت آمن.
عدت ساعات طويلة.
كل دقيقة كانت سنة.
كنت قاعدة على الأرض قدام باب العمليات، ورافضة أقوم.
لحد ما الدكتور خرج.
جريت عليه.
— طمني يا دكتور!
قال:

— الحمد لله قدرنا نوقف النزيف، لكن بنتك فقدت دم كتير، ولسه حالتها حرجة، وهننقلها الرعاية المركزة.
سألته:
— يعني هتفوق؟
قال:
— نتمنى، بس لازم نتابع حالتها خلال الساعات الجاية.
قلت:
— ممكن أشوفها؟
قال:
— دقائق بسيطة بعد ما تستقر.
فضلت واقفة قدام باب الرعاية.
ولما سمحولي أدخل، حسيت إني داخلة أشوف قلبي وهو بيتعذب.
رغد كانت نايمة على سر,,ـــــير أبيض.
وشها شاحب.
إيديها الصغيرة فيها كانيولا. وكان فيه أجهزة حوالين السر,,ـــــير.
قربت منها ببطء.
خفت ألمسها فتتوجع.

قعدت جنبها، ومسكت صوابعها.
كانت باردة.
بوست إيدها وقلت:
— رغد… يا نور عيني… ماما جت يا حبيبتي.
مردتش.
قربت من ودنها وهمست:
— أنا آسفة يا بنتي… آسفة على كل مرة قولتلك قريب ومجيتش… آسفة على كل ليلة نمتي فيها وإنتِ مستنياني.
دموعي نزلت على إيدها.
— افتحي عينيكي يا رغد… ولو زعلانة مني اضــ,,ـــــربيني، اصرخي في وشي، قوليلي إني أم وحشة… بس متسبينيش.
وفجأة حسيت صباعها اتحرك حركة خفيفة.
رفعت راسي بسرعة.
— رغد؟!
فتحت عينيها بالعافية.

 

بصتلي كأنها مش مصدقة.
وشفايفها اتحركت.
قربت منها.
قالت بصوت ضعيف جدًا:
— ماما… إنتِ جيتي؟
ابتسمت وأنا بعيط.
— أيوه يا روحي… جيت، ومش همشي تاني.
بصتلي شوية، وبعدين قالت:
— أنا كنت مستنياكي.
الكلمة دي مزقت قلبي.
قلت:
— عارفة يا حبيبتي… وعارفة إني اتأخرت عليكي.
همست:
— أنا كنت شاطرة يا ماما… والله كنت بسمع الكلام.
قلت وأنا ببوس إيدها:
— إنتِ أشطر بنت في الدنيا.
قالت:
— طب ليه محدش كان عايزني؟
اتجمدت.
مقدرتش أتنفس.
كملت بصوت ضعيف:

— بابا محمود مش عايزني… وتيتة بتقولي إني تقيلة عليها… وأنا معملتش حاجة وحشة.
انحنيت على إيدها وأنا ببكي.
— إنتِ مش تقيلة على حد يا حبيبتي… إنتِ نعمة ربنا ليا… أنا اللي غلطت، مش إنتِ.
بصتلي بعينيها المليانين دموع.
— هو ينفع أرجع أنام جنبك؟
قلت بسرعة:
— هترجعي يا رغد… وهتنامي في حــ,,ـــــضني كل يوم.
قالت:
— حتى لو ياسين عيط؟
قلت:
— حتى لو الدنيا كلها عيطت.
ابتسمت ابتسامة صغيرة.
وبعدين سألتني:
— هو ياسين لسه بيحبني؟
قلت:

— ده بيسأل عليكي كل يوم يا حبيبتي.
قالت:
— قوليله إني بحبه… وإن عربيته الحمرا اللي كسرتها بالغلط أنا آسفة عليها.
قلت:
— هتقوليله بنفسك يا روحي.
سكتت شوية.
وبعدين همست:
— ماما…
قلت:
— عيون ماما.
قالت:
— أنا تعبت من الاستنى.
حسيت إن روحي بتتسحب مني.
قلت:
— خلاص يا حبيبتي… مش هتستني تاني.
لكن رغد غمضت عينيها.
والأجهزة بدأت تطلع أصوات سريعة.
دخلت الممرضة، وبعدها الدكتور.
طلبوا مني أخرج.
مسكت إيد بنتي وصرخت:

لأ! مش هسيبها! أنا وعدتها إني مش همشي!
الممرضة حاولت تهديني.
خرجوني من الأوضة. والباب اتقفل.
فضلت واقفة ورا الإزاز، بتفرج على الدكاترة وهما بيحاولوا ينقذوا بنتي.
كنت بخبط على الإزاز وبقول:
— يا رب… متعاقبنيش فيها… يا رب هي ملهاش ذنب!
بعد وقت حسّيته عمر كامل، خرج الدكتور.
قال إن رغد حصل لها هبوط حاد، وإنهم قدروا يتعاملوا معاه، لكن حالتها لسه غير مستقرة.
سألته:
— هتعيش يا دكتور؟
قال بحزن:

— لسه بدري نحكم، بس إحنا مش هنسيبها.
قعدت على الكرسي.
طلعت الورقة اللي كانت كاتبة فيها إنها هتجيبلي طرحة.
فضلت أبص على خطها.
كل حرف كان بيقطع في قلبي.
وفجأة تليفوني رن.
كان رقم أم حسن.
رديت بسرعة.
— أيوه يا أم حسن، ياسين كويس؟
سمعت صوتها بتعيط.
— يا هدى، الحقي ابنك!
وقفت مفزوعة.
— ماله ياسين؟!
قالت:
— محمود طردني من البيت بعد ما مشيتي، وقاللي ابني مش محتاج حد غريب يربيه!
قلت:
— طب وياسين؟!
قالت:

— الولد فضل يعيط وينادي عليكي، وبعدها محمود أخده ومشي بالعربية!
حسيت إن الأرض بتتهز بيا.
— مشي راح فين؟!
قالت:
— محدش يعرف… بس سمعته بيقول إنه هيسافر بيه عند أخوه، ومش هيسمحلك تشوفيه تاني!
قعدت على الأرض.
بنتي بين الحياة والمــ,,ـــــوت.
وابني اتاخد مني.
والراجل اللي ضيعت بنتي علشان أحافظ على بيتي معاه، كان بيهدد يحرمني من آخر حاجة باقية ليا.
لكن الصدمة الأكبر جت بعدها بدقايق.
لما تليفوني رن من رقم غريب.
رديت.

سمعت صوت محمود.
كان بيتكلم بهدوء مرعب.
— اسمعي يا هدى… ياسين معايا، ومش هيرجعلك غير لما تمضي على الورق اللي هبعتهولك.
قلت وأنا بصرخ:
— ورق إيه؟! إنت عايز مني إيه تاني؟!
قال:
— تنازل عن حقوقك المالية، واتفاق مكتوب على إقامة ياسين معايا.
صرخت:
— إنت اتجننت؟! ده ابني!
ضحك بسخرية.
— ما رغد بنتك برضه… وعرفتي تعيشي من غيرها!
حسيت إن قلبي اتقطع.
قلت:
— إنت عمرك ما كنت أب يا محمود… إنت حتى معنى الرحمة متعرفوش!
قال:

— قدامك يوم واحد، وإلا مش هتعرفي طريق ابني.
وقفل.
فضلت ماسكة التليفون، مش عارفة أعمل إيه.
لكن المرة دي قررت إني مش هسكت.
اتصلت بأم حسن وطلبت منها تيجي المستشفى، وتساعدني أتواصل مع الشرطة ومحامي علشان أقدر أحمي ياسين وأثبت التهديدات.
وبعدين رجعت أقعد قدام أوضة رغد.
حطيت راسي بين إيديا وقلت:
— يا رب… أنا معنديش غيرك… ردلي عيالي.

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى