
ليه يا بنتي؟ هو مش معاكي الموبايل؟»
قالتلها:
«أيوه، بس الموبايل عليه صوري وحاجات شخصية تخصني، وكمان أنا بستخدمه في شغلي. مش بقول إني مش هرجعه، أنا هرجع تمنه، بس ادوني فرصة أدبر الفلوس وأجيب موبايل تاني.»
أمي قالتلها إن تمنه سبعة آلاف جنيه، وإن الأفضل إنها ترجعه أو تدفع تمنه، وإن الموضوع مينفعش يفضل مفتوح.
مريم ردت بهدوء:
«أنا مش بتهرب من حقه، وهجيب الفلوس، بس مش معايا المبلغ دلوقتي.»
والدتي رجعت البيت وحكتلي كل اللي حصل، وأنا مكنتش راضي عن التأجيل، لكن قلت أديهم كام يوم يمكن يدبروا المبلغ.
عدت أيام، ومفيش أي اتصال منهم، ولا حد سأل عن الفلوس، ولا حتى حاول يحدد ميعاد للرجوع.
بدأت أحس إنهم بيطنشوني، وإن مريم مش ناوية ترجع تمن الموبايل، فقررت أفك الحظر عنها وأبعتلها رسالة.
كتبتلها:
«أنا مستني السبعة آلاف جنيه بتوع الموبايل، ومش هفضل مستني كتير. لو الفلوس موصلتليش، هاجي بنفسي وأعمل مشكلة وفضيحة ليكي ولأمك وللعيلة كلها.»
بعد شوية لقيتها ردت عليا:
«متقلقش، هجيبلك الفلوس حتى لو اضطريت أستلفها، وأنا عايزة أخلص من الموضوع ده ومنك خالص.»
اتعصبت من طريقة كلامها، لكن في نفس الوقت استغربت إصرارها إنها ترجع الفلوس بسرعة، خصوصًا إنها كانت بتقولي إن الموبايل ضروري جدًا لشغلها، وإنها مش قادرة تستغنى عنه دلوقتي.
فضلت أفكر في الموضوع، وافتكرت كلامها لأمي يوم ما راحت تاخد الحاجات، وإنها قالت إنها محتاجة الموبايل عشان عليه حاجات شخصية تخصها، وإنها بتستخدمه في شغلها.
وقتها بدأت أسأل نفسي: لو هي فعلًا ظروفها صعبة للدرجة دي، وبتشتغل أكتر من 11 ساعة عشان توفر فلوس جهازها، هتقدر تجيب سبعة آلاف جنيه في كام يوم منين؟ وليه كانت مصممة تحتفظ بالموبايل لحد ما تدبر تمنه؟
بعدها بيومين، أمي كانت قاعدة معايا في البيت، وفجأة قالتلي:
«على فكرة يا كريم، أنا من يوم ما روحت عند مريم وفي حاجة شاغلة بالي.»
سألتها:
«إيه اللي حصل تاني؟»
قالتلي:
«هي البنت قبل ما أخرج، طلبت مني طلب غريب، وأنا وقتها مكنتش عارفة أرد عليها.»
بصتلها وقلت:
«طلبت منك إيه؟»
أمي سكتت لحظة، وبعدها قالتلي إن مريم استنت لحد ما خلصت تجهيز الحاجات، وبعدين طلبت منها تقعد معاها دقيقتين بعيد عن أي حد، وقالتلها كلام مكنتش متوقعاه خالص.
وساعتها أمي قالتلي:
«أنا مش عارفة إذا كان ينفع أحكيلك اللي قالتهولي ولا لأ، بس حاسة إنك لازم تعرف…»
الجزء الثاني والأخير مريم قررت ټنتقم من كريم، وتخليه يندم على اليوم اللي أهانها فيه قدام أهلها!
أمي فضلت باصة لي بعد ما سمعت كلام مريم، وقالتلي مريم طلبت مني طلب غريب يا كريم.
.. طلبت مني أديها فرصة تتكلم معايا لوحدنا، وقالتلي إنها مش عايزة منك فلوس ولا عايزة ترجعلك، لكنها عايزة حاجة واحدة.
قولتلها وأنا مستغرب إيه هي؟
قالتلي طلبت مني أقولك إنك لو رجعت تطلب منها السبعة آلاف جنيه، فهي هتدفعهم، لكن قبل ما تاخدهم لازم تفتكر إنك لما جبتلها الموبايل كنت بتقولها إنه هدية، وإنك عمرك ما قلتلها إنه سُلفة هترجعها لو الخطوبة انتهت.
ضحكت وقلت باستهزاء يعني هي عايزة تعلمني الأدب؟
أمي بصتلي بعتاب وقالت لأ يا كريم، هي عايزة تحفظ كرامتها، وإنت للأسف مش سايبها تعمل كده. البنت كانت بتشتغل أكتر من 11 ساعة في اليوم عشان تصرف على نفسها وتساعد أمها وأخوها، ولما تعبت يوم من الأيام وظهر عليها الإرهاق، بدل ما تسألها مالك، أحرجتها قدام أمها وكسرت خاطرها.
وبعد كل ده مش كفاية إنك فسخت الخطوبة، لأ، كمان عايز تحسسها إنها مديونة ليك!
اتضايقت من كلام أمي وقلت هو أنا غلطان إني عايز حقي؟
ردت عليا حقك إنك تطلب حاجتك لو كانت مش هدية، لكن مش حقك تدي بنت حاجة بإيدك، وبعد ما تزعل منها تحولها لدَين وتهددها بالڤضيحة.
ما رديتش، وقمت دخلت أوضتي، وكنت شايف إن أمي واقفة في صف مريم ضدي.
بعد كام يوم، مريم بعتتلي رسالة
السبعة آلاف جنيه جاهزين، وياريت تحدد ميعاد تستلمهم فيه، لأن الموضوع لازم ينتهي.
فرحت إني أخيرًا هاخد فلوسي، ورديت عليها إني هبعت أمي تستلمهم.
لكن ردها جه بسرعة
لا يا كريم، المرة دي عايزاك تيجي بنفسك، وياريت يكون في وجود والدتك ووالدتي، وفي حضور أهلنا، عشان كل حاجة تبقى واضحة، ونقفل الموضوع بشكل نهائي.
استغربت من طلبها، وسألتها هو إنتِ ناوية تعملي إيه؟
ردت ولا حاجة، هتاخد فلوسك وتمشي، بس أنا كمان عندي كلام لازم يتقال
وافقت، وكنت متخيل إنها هتحاول تعاتبني أو تستعطفني، ويمكن تكون لسه عندها أمل نرجع لبعض.
لكن مكنتش أعرف إن مريم كانت مجهزة لكل كلمة هتقولها.
يوم الجمعة روحت بيتهم، ولما دخلت لقيت والدتها قاعدة، وأمي جنبها، وكان موجود كمان خال مريم وواحد من أعمامها. استغربت وجودهم، لكن مريم استقبلتني بهدوء وقالت
اتفضل يا كريم، اقعد.
قعدت، وبعد شوية دخلت مريم ومعاها ظرف أبيض، وحطته على الترابيزة قدامي.
قالت دي السبعة آلاف جنيه اللي طلبتهم.
مدت إيدها بالظرف، لكن قبل ما آخده قالت
قبل ما تستلمهم، عايزاك تجاوبني على سؤال واحد. الموبايل اللي جبتهولي في عيد ميلادي، كان هدية ولا سُلفة؟
قولتلها بضيق هو إحنا هنرجع لنفس الكلام تاني؟
قالت جاوبني بس، عشان الناس الموجودة تعرف الحقيقة.
قولتلها أنا جبتلك الموبايل وقت الخطوبة، وبعد ما
الخطوبة انتهت طلبت تمنه، وإنتِ وافقتي ترجعيه.
ابتسمت وقالت أنا وافقت أرجع الفلوس عشان أخلص من الموضوع، مش عشان الموبايل كان سُلفة.
إنت بنفسك قلتلي يوم عيد ميلادي إنها هدية، وإنك مش عايزني أفكر في تمنها.
طلعت موبايلها وفتحت المحادثة القديمة، وقرأت رسالتي قدام الموجودين، الرسالة اللي كنت بقولها فيها إن الموبايل هدية وإنها تستاهل كل حاجة حلوة.
وبعدين فتحت الرسالة التانية، اللي كنت مهددها فيها إني هعمل ڤضيحة ليها ولأمها ولعيلتها لو الفلوس موصلتليش.
وشها اتغير وهي بتقرأ الرسالة، لكن صوتها فضل ثابت




