روايات وقصص

سر ام طليقي 2

فضلنا واقفين حواليها، كل واحدة ماسكة شوكة، ومحدش فينا استنى لحد ما تبرد.

قطعنا منها وهي لسه سخنة، وبدأنا ناكل وإحنا بنضحك على شكلها.

الغريب إن طعمها كان هو هو.

نفس الطعم اللي كنت فاكره من أيام طفولتي، نفس ريحة الليمون، ونفس الحلاوة اللي كانت بتخليني أستنى شم النسيم كل سنة.

بصيت للورق اللي على الرخامة، وابتسمت.

مكنتش مجرد وصفات رجعتلي بعد خمس سنين.

دي كانت ذكريات ستي اللي افتكرتها ضاعت، ورجعتلي تاني.

وكانت كمان فرصة إني أبدأ من جديد مع ناس اتوجعت منهم، لكن لسه جوايا مساحة أديهم فرصة يصلحوا اللي اتكسر.

قبل ما ألم الورق وأرجعه مكانه، سحبت ورقة تانية من وسط الوصفات.

كانت وصفة فطيرة التفاح.

حطيتها قدام الحاجة إنعام وسألتها:

_إيه رأيك؟ الأحد الجاي عندي؟

بصت للورقة، وبعدها بصتلي وضحكت.

المرة دي ضحكتها وصلت لعينيها، وقالت بحماس:

_والتفاح والزبدة عليا أنا يا قلب أمك!

ضحكت وأنا بلم الورق، وحسيت إن البيت رجع فيه روح من تاني.

وساعتها فهمت إن مش كل اللي بيرجع بعد الغياب بيكون مجرد حاجات قديمة، ساعات بيكون معاه جزء من روحنا كنا فاكرين إننا فقدناه للأبد.

نرمين عادل همام

تمت

4 من 4التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى